面試會否帶....?

Toffeenut

我有幾樣野想問:

1. 爸爸/外傭姐姐, 係咪父母一齊去會好好多? 因為都會報5-6間(估計), 爸爸都幾忙的, 而且佢對d幼兒園interview有偏見(反感), 佢覺得幼兒園係收小朋友, 做乜要理d父母職業, 家庭收入, 住址, 更聽過朋友講維記in既方式, 好討厭咁話. 我怕佢去只係得個"人"而無"心", 又唔識同人講野.
姐姐當然唔係入去in, 我指帶住佢去校園睇頭睇尾.

2. 小朋友平日最喜愛的東西(如糖果), interview前中後用黎tum佢?

3. 文件, 如出世紙, 針紙, 報名費支票(or cash), bb所讀playgroup的証明....等

bebesoky

個人意見:

最好父母一起去interview, 因老師要睇親子關係, interview 時多數會要求小朋友給物件爸爸/媽媽, 代表小朋友識分別誰是爸爸/媽媽....

現在香港讀一些比較理想的學校就係面試父母, 如果妳先生不能接, 妳反問他想不想小朋友有好一點的將來???為仔女著想的, 他會明白妳的用意...

帶食物去作用不大, 因為要看看妳面試的學校安排, 約見時未必能食到野...如有需要氹, 老師亦會幫手(當然要間學校老師好先會)

文件就每間學校唔同, 他們應該有信提點妳需要帶什麼

Toffeenut

謝謝你的提點啊.

我會嘗試盡量同老公講下, 希望佢唔好咁固執好了.

MaMa2008

我有補開小學, 我都認為一間好嘅幼稚園對小朋友上小學好重要, 不論學科上還是品德上, 你可以同先生解釋吓

wendycyp

但我見有好多朋友話通常面試只會俾一個家長陪小朋友入去, 咁係咪其實父母其中一個去就得呢?

Toffeenut

wendycyp,
其實我都有同一個疑問, 但我諗視乎邊間幼稚園啩? 或者是否要問校方會否會見兩位家長, 還是只見1位, 才作安排?

同埋interview n班, 你地會俾個囝著得斯文少少, 定還是平日著到7彩咁呢?

小曳人

原帖由 Toffeenut 於 09-10-8 15:01 發表
wendycyp,
其實我都有同一個疑問, 但我諗視乎邊間幼稚園啩? 或者是否要問校方會否會見兩位家長, 還是只見1位, 才作安排?

同埋interview n班, 你地會俾個囝著得斯文少少, 定還是平日著到7彩咁呢? ...

我in過兩間咋.. 都係要求一位家長陪同
兩間都無問家長問題

至於樓主講嗰d pg cert. 你可以帶埋, 然後問個登記姐姐應該俾邊個.. 佢會俾指示你架喇
不過我覺得, 既然你有d料想俾學校參考, 不如整理好, 幫小朋友整返份好簡單嘅portfolio???

Toffeenut

原帖由 小曳人 於 09-10-8 15:31 發表


我in過兩間咋.. 都係要求一位家長陪同
兩間都無問家長問題

至於樓主講嗰d pg cert. 你可以帶埋, 然後問個登記姐姐應該俾邊個.. 佢會俾指示你架喇
不過我覺得, 既然你有d料想俾學校參考, 不如整理好, 幫小朋友整返 ...

有d料.... 我有既料, 咪就係2-3個courses pg既cert, 佢日常生活照.... 除非係d有代表性既cert... 我真係無諗過要做個profile. k1或者會喇.

bebesoky

唔一定要父母同時去, 不過我上年同囝囝去interview那幾間學校, 每間都有問家長問題同一起見小朋友加父母, 除非學校講明或家長一方講明得1個人去..

聽朋友說他們interview 某些學校要申報埋家長的履歷(小學/中學/大學邊一間)等等....可能同時interview 幾位小朋友, 形式是那幾位小朋友同時在一個安排好的classroom没有父母陪同下玩玩具等等...

interview 盡量一般見到都係著得斯文些, 最重要係整潔整齊

wendycyp

我唔會整portfolio喇, 咁細個人仔又冇咩特別活動同achievement, 哈哈!

我都會幫仔仔著得整齊斯文d, 唔會著平時大大個公仔o係心口又或者五顏六色果d衫啦! 可能會著d類似polo shirt咁嘅...

zzzhun

簡單d，著得自然d 。

ms1125

咁爸爸媽媽著咩好呢?

monkey05

原帖由 Toffeenut 於 09-10-7 14:32 發表
我有幾樣野想問:

1. 爸爸/外傭姐姐, 係咪父母一齊去會好好多? 因為都會報5-6間(估計), 爸爸都幾忙的, 而且佢對d幼兒園interview有偏見(反感), 佢覺得幼兒園係收小朋友, 做乜要理d父母職業, 家庭收入, 住址, 更聽過 ...

\


給你一個參考:

去年同仔仔去in n1, in 左5間, 4間正取, 1間waiting list, 呢4間正取的我都係單拖同呀仔去 in, 有時d interview 日子係weekdays, daddy 工作很忙,  唔係佢唔想去, 但有大會要開, 不能請假就係不能請假, 咁原來daddy 無去都無話影響結果的, 不過,好多家長都覺得daddy 都去埋會好d.  但我自己覺得, 唔通老師想收你小朋友, 而因為唔見daddy 在旁就改變主意嗎 ? 另外, 果1間on waiting list 的, daddy 果日有去埋喎, 因為sat 下午真係得閒, 仲要果日呀仔全答對外籍老師的問題, 咁又如何, 咪又係wait list.  所以, daddy 在場與否, 我唔覺係一個問題.

至於, snack, 我也從沒拎過一樣去.

姐姐, 我也沒同過佢一起去學校, 睇頭睇尾, 可能我無咁既需要.  仔仔算係聽話的一類, 我一個人也handle 到.

profolio, 也沒準備過, 有d pg cert 既, 但我都無show 出來, 又唔係d 咩achievement, 見 n1 而矣, 無諗住咁誇, 自己打算將來考小學先準備番一本啦.

衣著, 都係簡單為主, 仔: polo shirt & jeans, 冷衫襯冬天長褲, 無話好多公仔果d 囉.

其實, d 配腳唔係太重要, 重點還是在小朋友身上, 佢醒醒定定, 乖乖坐好做老師要既野來得更重要.

[ 本帖最後由 monkey05 於 09-10-14 14:14 編輯 ]

MAMAMEEE

原帖由 monkey05 於 09-10-14 13:58 發表
\


給你一個參考:

去年同仔仔去in n1, in 左5間, 4間正取, 1間waiting list, 呢4間正取的我都係單拖同呀仔去 in, 有時d interview 日子係weekdays, daddy 工作很忙,  唔係佢唔想去, 但有大會要開, 不能請假就係不 ...

其實唔帶姐姐, 可能會好d. 阿囡同姐姐真係好friend, 成日走出班房搵姐姐, 好心散囉! 下次都係咪囉!

Toffeenut

monkey05,

咁你就好好多了... 你個囝又乖又叻.
我個囝, 我都覺得佢叻既, 但就勁坐唔定, 剩係呢點都玩死我.