有無媽咪的bb係07年尾出生, 您會比佢2011年定2012年先讀k1呀?

candysfc

有無媽咪的小朋友係2007年尾出生, 您地比佢2011年定2012年先讀k1呀? 入黎talk吓?

tingting媽媽

囡囡係2007年10月出世
諗住報2010-2011年度的k1

qoo_pooh

今年考K1 ~~
若小朋友好 outstanding就繼續讀K2, K3,
否則下年再考其他幼稚園,
轉校 repeat K1

原帖由 candysfc 於 09-10-8 10:41 發表
有無媽咪的小朋友係2007年尾出生, 您地比佢2011年定2012年先讀k1呀? 入黎talk吓?

candysfc

咁您地的小朋友有無讀N班呀? 唔怕佢做細女/仔咩?

qoo_pooh

小朋友現在等緊插班讀N班,
因9月開學時未夠2歲,
想讀都無得讀

今年會考下幼稚園,
不過預左心儀名校都係無份多,
所以最終可能在附近讀住K1
下年再來過

同埋若做細仔/囡,
將來考小學(直資,私校)都係蝕抵,
所以我都 prefer 小朋友做大仔

原帖由 candysfc 於 09-10-8 14:27 發表
咁您地的小朋友有無讀N班呀? 唔怕佢做細女/仔咩?

maywaibb

我又唔係咁睇喎...我朋友個囡12月出世(即超細囡).....佢考小學(直資,私校)又考到....而且考5間...間間都收.....overall, 其實好睇個小朋友的ability.....我囡囡斬係細囡....佢能力都ok...playgroup d 老師都叫我try吓2010年k1....

jaycee_mami

我仔仔係07年12月BB, 就算有N班收, 佢都要1月先開學, 但係大部份學校11月就開始K1面試, 所以有無讀N班都無關係.  

會盡力考K1, 我地target係小學參加統一派位 (即大抽獎), 咁讀邊間幼稚園其實都無所謂, 因為派位係計關係分 (例如父母係咪舊生/宗教), 唔係睇學生成績和幼稚園名氣.  到時或者會考2-3間直資, 得就得唔得就算, 疊埋心水等派位.  

其實做大大仔, 一樣有問題架, 我見有D妹妹, 講野特別叻, 又主動, 但佢媽咪想佢入超名校, 遲一年讀k1, 佢返學時全級最大, 老師教D野佢一早識哂, 覺得返學悶, 日日駁老師嘴.

姬絲蒂

我個囝囝都係0711細仔,佢明年2月會插班讀n1.
宜家我都會同佢報2010既k1. 我覺得可以俾佢試下, 得唔得就睇能力...如果到時返學真係覺得跟唔上, 最多咪repeat多一年k1, no harm

AOISORA

我BB 係0712細仔, 今年都會同佢報10年 K1, 咪俾佢試吓囉. 讀唔到咪repeat一年囉.

baby2201

我囡囡都係0711尾出生, 我唸住同佢報2010讀k1, 但唔讀n1

heihei1228

原帖由 姬絲蒂 於 09-10-8 16:19 發表
我個囝囝都係0711細仔,佢明年2月會插班讀n1.
宜家我都會同佢報2010既k1. 我覺得可以俾佢試下, 得唔得就睇能力...如果到時返學真係覺得跟唔上, 最多咪repeat多一年k1, no harm ...

我都係! 我囝囝仲係12月尾的超細仔, 仲未返得幼兒園, 今年都會照報心儀的k1, 因為唔得都當攞個經驗, 出年再來過, 都時可以有更好準備.

宇宇

仔仔係07年11月出世,我打算2010比佢入k1,但依家都唔知入邊間好.我地住係屯門區.

ToToPiggy

My girl was born in sept 2007.  Also, thinking about this.  But I may wait until K2 / K3.  If she gets in good primary school, then go ahead with P1.  Otherwise, may repeat K3.  I am still seeking opinion.

原帖由 candysfc 於 09-10-8 10:41 發表
有無媽咪的小朋友係2007年尾出生, 您地比佢2011年定2012年先讀k1呀? 入黎talk吓?

salpaut

溫馨提示:
首先, 07年1月1日至12月31日的小朋友, 按教育局指示係應該報2010/2011年的K1班的。唔係2012年呀! 即係依家要報名啦! 有些幼稚園仲已經面試緊啦! 不過, 如果你一心諗住俾小朋友做大B, o甘出年先報都未遲, 但係都唔好太遲交表呀!


我個小朋友都係07年12月出世, 已經同佢報左N1班, 同時和他報左幾間K1班。N1班方面, 諗住俾佢12月一夠2歲即刻返學, 雖然會蝕左成個星期學費, 但係早D俾佢適應, 我覺得會好D, 因為幼兒園方面話:「第一及第二日, 可以俾爸爸or媽媽同佢一齊上, 頭三個星期係適應期, 唔會即時上足全日, 只會返半日, 等小朋友適應左返學, 慢慢返番全日, 我覺得呢個安排都幾好呀! 可能有D家長會覺得好蝕, 俾全日學費, 返半日學, 但係如果唔俾小朋友適應下, 佢咪仲驚!


另外, 同佢報左 D K1班, 10月份開始, 已經係好多幼稚園 o既面試期, 雖然我無同小朋友報坊間的名校, 但係都挑選過, 基本都要有兩文三語, 校風在區內ok的才報名, 千祈唔好係又報, 唔係又報, 因為如果全部都叫你面試, 你同小朋友都好辛苦o架! 我睇左坊間D書籍話, 最適合報K1班係報5-6間幼稚園, 就好足夠啦!

qoo_pooh

我認識好多細仔同細女,
若比較仔同囡,
in general 囡的發展真係快過仔,
所以我覺得仔做大仔較好,
但囡都可以做細囡

其實仔囡是自己,
仔囡的能力無人清楚得過自己,
自己諗清楚吧
同埋想想考小學時,
看看一個6歲同5歲小朋友有沒有分別就知啦!!

原帖由 maywaibb 於 09-10-8 14:54 發表
我又唔係咁睇喎...我朋友個囡12月出世(即超細囡).....佢考小學(直資,私校)又考到....而且考5間...間間都收.....overall, 其實好睇個小朋友的ability.....我囡囡斬係細囡....佢能力都ok...playgroup d 老師都叫我try ...

MyAshley

原帖由 qoo_pooh 於 09-10-15 21:22 發表
我認識好多細仔同細女,
若比較仔同囡,
in general 囡的發展真係快過仔,
所以我覺得仔做大仔較好,
但囡都可以做細囡

其實仔囡是自己,
仔囡的能力無人清楚得過自己,
自己諗清楚吧
同埋想想考小學時,
看看一個6歲同5歲 ...

Agree with what you said. Don't put much pressure on your baby as well as yourself.

celialing

我細女都係7年11月,都打算今年幫佢報k1架啦,如果佢能力可以的,如果你要佢做大女的話,只會減慢了學習進度,可能覺得悶

bebelee

My son is also born at 12/07 but I will apply K1 for 2010 because if there is even on Kindergarten admit him I will still let him try to study K1 and in the worse case I can still apply K1 (again) in next year

Grace1010

我個女(1107)今年插班N班，已報2010年5間心儀幼稚園，不過相信都係陪太子讀書，如果有學校收就收，唔收就原校升上K1，下年再幫佢報過囉