沙田樂基,9龍塘樂基邊間好????

luiflora

原帖由 bobobooo 於 09-11-11 12:37 發表
我女而家係九龍塘樂基讀緊pg，的確開學前曾有返一三五、二四六的問題，當時我真係癲左，點解會咁樣？唔係亂成咁呀！後來唔知佢咩原因，可能真係有部份學生退學，又回復正常。當時我已經turn down哂其他offer，再無選擇，阿女就係樂基開 ...

多謝你的分享!!

monkey05

原帖由 bobobooo 於 09-11-11 16:05 發表
monkey05你好，我記得舊年hkps既討論都有見到你。

我今年因為自己太忙，只係報左st. cat，而我女去interview既表現唔係咁好，佢話好驚，一粒字都無講過，我唸凍過水架喇。

我應該會留係樂基升k1。

...

你好呀, 我舊年真係成日po 上去hkps 既討論區架, 果時做下功課打聽下學校係點, 因幾想仔仔讀呢間.  

都唔怕, 你都樂基打底, st. cat 萬一touch wood 都仲有間好既在手.  如 st. cat 收, 你會唔會過檔呀 ?

luiflora

我想請問大家讀英普的家長,小朋友讀成點???本來我都打算比仔仔考英普班,只是我又擔心佢英文廣東話個低都未打好....再學多一種言語,會搗到亂七八糟,加上,學校話報了英普班,有機會國語人in,我答都ok,只是個仔仔都唔識聽又點答???雖然我可以翻譯,但是當仔仔回答的英文or廣東話時,我又擔心國語老師未必聽得明(如果是內地人),所以只好報了中英班,不過又擔心自己分析錯,請問你地睇法如何???當然我會在k1時轉英普班,只擔心不一定100轉到....

ifong

Hi Boboboooo
Nice to meet you here...as I am a working mom... good to know his classmates parents here!
Hello..... My son also 下午英普班. Not sure they are classmates or not?! Coming weeks are parent meeting day, so you could understand your daugther school life during meeting. My son ever mention his teammates name - Jacky, Janice ....... haha if Janice is your daughter .... it's really
So far I feel my son love the school, but my son like English more than PTH, so he always sing English songs at home.

bobobooo

monkey05你好，我記得舊年hkps既討論都有見到你。

我今年因為自己太忙，只係報左st. cat，而我女去interview既表現唔係咁好，佢話好驚，一粒字都無講過，我唸凍過水架喇。

我應該會留係樂基升k1。

原帖由 monkey05 於 09-11-11 14:37 發表



你女女的班主任也唔錯喎, 仲幫你女女先著外套才上校車, 算好好了.  我朋友講的, 就......唉.  

我都覺呀仔回來唱 pth 歌, d 音真的不錯, 好準.  我見佢地國語老師的口音都好似內地果種, 準加流暢.  我諗對小朋友 ...

bobobooo

我女係讀下午英普班，其實我女係interview係無咩講野，佢算係遲講野果類，我女係好冷靜既人，cool cool地，唔係話見到陌生人會好開心果d，不過佢係做到哂老師叫佢做既野。睇舊年既家長講，其實好多小朋友都做到哂所有野，有d什至有答問題，但始終學校收生太少。被取錄既真係好好彩，無被取錄既亦唔係話佢唔叻，真係要平常心對待面試結果。

原帖由 anteater 於 09-11-11 12:47 發表
請問你個女讀am定pm?  同中英班定國際班?  我個仔就快interview,不過佢係細仔,好多野都未識,希望入到啦!

monkey05

原帖由 bobobooo 於 09-11-11 12:37 發表
我女而家係九龍塘樂基讀緊pg，的確開學前曾有返一三五、二四六的問題，當時我真係癲左，點解會咁樣？唔係亂成咁呀！後來唔知佢咩原因，可能真係有部份學生退學，又回復正常。當時我已經turn down哂其他offer，再無選擇，阿女就係樂基開 ...

你女女的班主任也唔錯喎, 仲幫你女女先著外套才上校車, 算好好了.  我朋友講的, 就......唉.  

我都覺呀仔回來唱 pth 歌, d 音真的不錯, 好準.  我見佢地國語老師的口音都好似內地果種, 準加流暢.  我諗對小朋友學言語真的有幫助.

聽你講, 你女女都番得好開心, 你係唔係都打算直升呀?

monkey05

原帖由 luiflora 於 09-11-11 10:43 發表


得唔得我都會話你知^_^ , 係啊~~過程盡力,結果平常心!!你個小朋友勁叻!!甘都入到,你當時知道OK了,一定好開心!!我住火炭?(豐XXX),你呢??會唔會住同屋苑架??? ...

我 pm 左你知我住邊.

當時知ok 左, 都真係幾開心, 因我都一心一意在等result, 收信前turn down 左2間, 收信那星期只有一間在手最後期限交留位費.  好在, 同我省番交比果間的 $$$.

我呀仔都係大仔, 叫做早識講野, 又係唔怕陌生人/陌生環境, 可能咁, 老師覺得佢易搞呱 (我個人推測).

無呀, 幫同仔仔考別的k1了, 有佢番hkps算了.  st.cat 大班教學, 學生多, 老師要照顧既小朋友太多, 我唔target 呢類學校了.

[ 本帖最後由 monkey05 於 09-11-11 14:38 編輯 ]

anteater

請問你個女讀am定pm?  同中英班定國際班?  我個仔就快interview,不過佢係細仔,好多野都未識,希望入到啦!

原帖由 bobobooo 於 09-11-11 12:37 發表
我女而家係九龍塘樂基讀緊pg，的確開學前曾有返一三五、二四六的問題，當時我真係癲左，點解會咁樣？唔係亂成咁呀！後來唔知佢咩原因，可能真係有部份學生退學，又回復正常。當時我已經turn down哂其他offer，再無選擇，阿女就係樂基開 ...

bobobooo

我女而家係九龍塘樂基讀緊pg，的確開學前曾有返一三五、二四六的問題，當時我真係癲左，點解會咁樣？唔係亂成咁呀！後來唔知佢咩原因，可能真係有部份學生退學，又回復正常。當時我已經turn down哂其他offer，再無選擇，阿女就係樂基開學。

講真，開學放，又唔覺有咩混亂情況，反而亂既係我自己，成日唔記得幫阿女帶呢樣果樣。我同意同老師既溝通係好重要，以我自己的case，老師係有主動打過俾我(1-2次)，我亦有主動打俾老師想了解阿女係學校既情況，total我唸都有4-5次。有時我放假去接放學都有傾到幾句，有時我唔想成日打去好似好煩，就寫左個note放係阿女書包，咁老師就打返俾我。老師有提過其實小朋友無咩問題就唔會特別打俾家長，咁所以monkey05既朋友唔駛擔心啦，可能佢小朋友讀得好好，咪無收到電話。而我自己打俾老師，主要係因為我女本身都係好瘦弱，返學咁耐，病足咁耐，老師仲主動提出話會多d留意佢，另外放學前會幫佢著返外套先坐校車，怕佢係校車凍親。我其實一早已經好想提出，可唔可以每日幫我女著多件衫先上校車，但知道一班都好多人，老師咁忙邊會記得，so far老師都真係有做，雖然我女都仲係成日病。

再者，我女係好鍾意個老師，鍾意到不得了，一日係屋企提住，又不停講同學仔d名，我相信佢係學校係開心既，反而佢就無咩特別提自己學左d咩，係有日無啦啦坐係屋企唱左幾首普通話歌，我先知佢識哂眼睛、鼻子、耳朵、口、手、腳、頭等等，仲唱得幾好架wo，發音都唔錯。

最後係有錢無錢既問題，我自己就一定唔係有錢，其他我眼見都係一般家庭，唔好唸住會見到咩明星or名人既仔女，以我眼就未見過。

luiflora

原帖由 monkey05 於 09-11-11 10:10 發表



你仔仔都好叻呀, 6間, 6間都收,  勁 ! 佢識講野, 又唔怕羞, 加埋係大仔, 你真係可以放心, 收既機會好大.  好呀, 如考到, 你記得通知我, 如唔見我po 上來, pm 我呀 !!

interview 時, 小朋友比多d 反應老師就勝算 ...

你有無幫你小朋友報STCAT K1啊???聽D人講STCAT好喜歡樂基D學生,不知是不是真的,如果真的,你又會不會在K1時轉校呢??

luiflora

原帖由 monkey05 於 09-11-11 10:10 發表



你仔仔都好叻呀, 6間, 6間都收,  勁 ! 佢識講野, 又唔怕羞, 加埋係大仔, 你真係可以放心, 收既機會好大.  好呀, 如考到, 你記得通知我, 如唔見我po 上來, pm 我呀 !!

interview 時, 小朋友比多d 反應老師就勝算 ...

得唔得我都會話你知^_^ , 係啊~~過程盡力,結果平常心!!你個小朋友勁叻!!甘都入到,你當時知道OK了,一定好開心!!我住火炭?(豐XXX),你呢??會唔會住同屋苑架???

monkey05

原帖由 luiflora 於 09-11-10 22:47 發表


我個仔仔係大b,加上佢早講野又唔害羞,所以好幸運,考6間學校全收,不過都不是我第一心水,now都擔心佢考唔到樂基,畢竟樂基在沙田真的好出名,n班好學校又少,樂基收的人數又唔多,我屋園好多bb,以我所知得一個b前年考入, ...

你仔仔都好叻呀, 6間, 6間都收,  勁 ! 佢識講野, 又唔怕羞, 加埋係大仔, 你真係可以放心, 收既機會好大.  好呀, 如考到, 你記得通知我, 如唔見我po 上來, pm 我呀 !!

interview 時, 小朋友比多d 反應老師就勝算高一點架勒.

我住呢個屋苑, 見上校車的都係2個小朋友, 似係k2以上的了, 大個d 的.  佢地班少, 收人少, 好似而家 n 班, 佢地早上1班, 中午2班.  加埋先收果90個.  不過, 盡力啦, 你已為仔仔安排得好好了.  有時有緣份的, 就係咁"鐘" 左入去讀.

monkey05

原帖由 eggmama 於 09-11-11 06:29 發表
May I know if apply K1 this year, how many seats left as PN kids have the first choice?

上次去聽家長會, according to 學校比既數字, 去年收外來生 k1 的是約二十個.  因大多n 直升, 不過, 都有少量走左的.

eggmama

May I know if apply K1 this year, how many seats left as PN kids have the first choice?

luiflora

原帖由 monkey05 於 09-11-10 20:52 發表



我也認為小朋友的質素同家庭教育有密切關係, 有時同家有無錢未必成正比, 中等家庭的孩子也有乖巧的, 在我所識的同學仔, 有d 住一城, 有d 愉翠苑, 馬鞍山...etc..唔同背景都有, 幾 fair.  

上年我先生在塡果張問 ...

我個仔仔係大b,加上佢早講野又唔害羞,所以好幸運,考6間學校全收,不過都不是我第一心水,now都擔心佢考唔到樂基,畢竟樂基在沙田真的好出名,n班好學校又少,樂基收的人數又唔多,我屋園好多bb,以我所知得一個b前年考入,其他全不收!!不過唔緊要啦,做父母盡力幫佢選擇合佢性格而又好的學校,至於最後佢入唔入到,等天安排!!我已經好盡力及勤力為佢選校,每間學校我都做足功課,都盡力去了解100,到時睇佢表現,如失水準or不合乎學校要求,都對得住佢同自己了!!!^_^  如果佢幸運考入,我一定通知你!!到時我真的希望在樂基門口親自同你講一句thanks!!!!

monkey05

原帖由 luiflora 於 09-11-10 14:48 發表


嘩~~我愈聽愈開心!!真係好希望仔仔考入,你講得好好(火炭山,9吐山,御龍山,駿景園.....多謝你提醒)D家長唔會窮,家景好,父母都學歷唔會差得去邊....D小朋友又點會質素差???樂基又唔係易入學校,我寫佢D9條問答及寫張FR ...

我也認為小朋友的質素同家庭教育有密切關係, 有時同家有無錢未必成正比, 中等家庭的孩子也有乖巧的, 在我所識的同學仔, 有d 住一城, 有d 愉翠苑, 馬鞍山...etc..唔同背景都有, 幾 fair.  

上年我先生在塡果張問卷時也有同感, 好似考父母咁, 不過, 我同呀仔去in 時, 老師就大部份時間都係in 個小朋友, 問家長的, 都係d 生活上照顧孩子既野, 所以, 比我感覺係佢係選小朋友先, 再者選父母.

係呢, 你小朋友係咁係大仔來 ?

luiflora

原帖由 小二黃 於 09-11-10 17:13 發表
有冇好心媽咪有多一份樂基火炭申請表可以貓俾我呀，我因為坐緊月，Ｃ６星期六同咗阿女in St. Cat，我到今日先記起要download,但巳經太遲。。。如果有媽咪有多一份，可否好心send俾我呀？本人萬二分感激。yvonnez ...

坐月,還要陪女去in學校????好辛苦!!!好啦~我盡力幫你問下人,因為我之前有比朋友兩張,點知佢又話佢已經有了,我問佢要返,如有mail你.

luiflora

原帖由 點算好 於 09-11-10 16:49 發表

小心~~小心~~小朋友的質素不一定看背景,住那裡, 窮不代表差. 有次面試, 兩位父母"身光頸靚", 滿口英文, 父親那隻R字頭既手錶閃爍非常(咁"燦"眼點睇時間呢..咔咔咔~~), 點知那位小朋友二話不說去搶別人的玩具(好順手 ...

有錢人不一定100%質素好,無錢人不一定100%質素差,這些道理我們都明白,千萬不要誤會!!不過我想表達的是,在比例上,有錢少少的人會比較有心機去教小朋友,如果好無錢的人都顧住賺錢,成日煩無錢開飯,何來有心教育小朋友,可能成日日嘈夜嘈,小朋友如何開心??父母那有心關心小朋友???我可能表達能力唔好,千萬不要誤會!!

小二黃

有冇好心媽咪有多一份樂基火炭申請表可以貓俾我呀，我因為坐緊月，Ｃ６星期六同咗阿女in St. Cat，我到今日先記起要download,但巳經太遲。。。如果有媽咪有多一份，可否好心send俾我呀？本人萬二分感激。[email protected]