考小學流程一問??

cherylyau_b

我個女雖然10年只係讀K1,但係我想早少少知道考小學流程..

我成日聽到人講考學校,又話可以考好多間,又話計分...咁究竟考學校係一定要計分??1st round/2nd round等唔等於自己考學校??因為我得一個女,所以計分就只得15分,咁咪考唔到心儀學校??自己考乜唔係睇表現咩??以上問題令我煩惱,希望有媽媽可以幫幫手解答,many Thanks !!

magiccandy

津校及官校就第一階段計分，第二階段抽獎，直資與私校則看面試表現。15分對於熱門學校是機會渺茫，但有些次熱門學校也有機會的。

magiccandy

想知多些詳情，應閱讀EDB網頁及小學概覽，盡早準備。

Charlotte_mom

你可以o係k3開學時參加政府派位選官校/津校, 通常幼稚園都會提醒家長同派表, 計分方法同校網如下(上年9月資料, 通常每年9月至會update一次):
http://www.chsc.hk/primary/tc/app_method_a.htm
自行分配學位即係你成日聽到既計分, 你可以睇下自己有幾多分, 只可申請一間, 唔計校網, 得就得唔得就等統一派位
統一派位即大抽獎, 唔再計分了, 不過計校網, 同網機會大好多

早在k2下學期左右, 你可以留意私校/直資會開始有簡介會, 開放日等, 要考私校/直資係好似你搵幼稚園一樣, 自己留意報名日期, 亦各自有收生方法同interview等

你可以一路考心儀私校/直資, 一路玩政府派位, 不過一註冊直資就要放棄政府派位, 有部分私校亦唔俾大抽獎, 呢方面你而家唔需要太擔心, 註冊之前再決定好了