陳守仁學生原來考中學是沒優勢的

TINGMUM

同angelprincess意見一樣,  唔好咁快打沈自己.  考好d試, 仲有二輪三輪, 仲有機會!

TINGMUM

天使麵, 你個咁叻,  換著我會好心足law!
-------------------------------------------

TINGMUM

kitty,

據知會有一直沒offer, 又派得唔好, 但到7月叩門, 開始有著落, 有d學校甚至8月尾通知有位. 耐心D等下, 如果仲擔心, 又肯讀直資, 做大包圍報多幾間, 到明年9月前, 我唔信你囡囡入唔到其中的一間.

TINGMUM

KITTY,

相信你現時很心急與沮喪．把不開心的情緒發洩後，坐下想想，其實現在不是死路一條. 可以有其他出路, 如去外國讀書. 如果英文好, 可以試考國際學校. 我去過幾間學校升中講座,每次我都找校長傾幾句, 有2間校長講佢地不介意小朋友中文主科不合格, 可以慢慢追, 最重要英文要好, 數不可以差.  我想最主要是想想如何去打動學校校長肯見我地的小朋友. 如各方面的推薦信，家長的诚意．．．．．只要有得見，　就有機會．．．今次入唔到，就再叩多幾次．．．
現在才是３月，還有時間， 不管結果如何，比小朋友睇到父母沒有放棄, 仲好有士氣, ,多鼓勵,多多少少對小朋友上進的心態上會有一定的幫助.

ＧＯＯＤ　ＬＵＣＫ！

TINGMUM

支持ｄａｄｄｙｃｏｏｌ！

ｆａｎｓ上

原帖由 DaddyCool 於 10-3-8 23:32 發表
關於讀書問題, 每個人對自己小朋友的要求都會有所不同, 故此很難說別人對或錯. 但當初選小學的時候應該知道自己理想中的學校是那些, 直接點說是想自己的小朋友入那些學校. 個人相信入選陳守仁的家長多數都是希望小朋 ...

TINGMUM

angelprincess ,

你咁開朗, 相信囡囡亦一定活潑可愛,對面試有一定的幫助.

去多d觀校, 等小朋友自己同校長傾下.  上次去某間學校, 校長認得某個小朋友, 話個小朋友同家長好有心, 幾次都捧場.  這小朋友留下了好印象!  我又學到野了, 我想這就是誠意!  

另外觀校時有兩次個女亦有留下自己問校長問題, 校長話知道我地學校, 對我地學生很impressive, 仲鼓勵囡囡不用太擔心中文, 歡迎報讀佢地學校.  我想讀tsl, 學生主動大膽, 有禮, 加上英文流利, 是我們家長最大的得著!

TINGMUM

可以試下聖道迦南, 聽tsl家長說前幾屇有位同學同你的情況差唔多,最後入了這間,而家讀得幾好!

TINGMUM

DADDY COOL 可以考慮下德望......

我鄰居是法文同英文老師, 她當年讀德望, 口啤唔錯.

TINGMUM

眼見又真係成績好的小朋友,
好多都唔係好高大wow!
可能因為勤力的小朋友好多都夜睡,
加上有些又少運動,
所以比較細粒......

TINGMUM

題外話: 剛請了一位港大生補習老師, 哈, 原來他是TSL畢業舊生 . 如果個女大個有呢位老師咁叻就好了!:loveliness:

TINGMUM

其實學校名次的競爭真係好犀利, 以p.5為例, 總平均分如在80中的排中間位, 80頭的己排到好後, 屬band 3生.  幾分之差, 名次可以分別好大.   真係好難想像有學生總平均分會在70分以下....不會吧?!!!

TINGMUM

Dear all,

我對之前的言論向大家道歉, 我有之前的言論是因為囡囡舊年平均分為86點幾, 全級排中間位, 而今年上學期平均分跌到81點幾, 己排出100後, 屬最差的一群.  因為咁,我才會推測BAND3生平均分應亦都不會太低.

個女話我聽佢好想讀校風好的英文中學, 所以會努力去進步, 希望有心有力,名次可以升返到中間位置.   

**希望大家的小朋友每科都進步一些, 令我地呢班父母擔心都少一些.

[ 本帖最後由 TINGMUM 於 10-3-26 17:06 編輯 ]

TINGMUM

有D 名中學, 人人話要TOP 10才有機會 IN,  我地學校中間位的都有得 IN, 所以我相信 80名 到的都是屬 BAND 1.  




[

TINGMUM

kitty,
係我冇講清楚, 呢位補習老師當年是由外國返來插tsl p4, 同我個女的大表哥同級,都是插班生, 所以傾起原來佢地係識得的. 佢地兩個而家都是讀咁大學一年級, 你計下數就會明白.

原帖由 KITTY.WONG 於 10-3-27 18:32 發表
TSL 第一屆學生現在只是中四，我朋友個女就是第一屆，以前考的人不多，TSL 前身好似叫賈xx，收南亞人。
冇理由讀緊大學?

TINGMUM

Fatty,
我地一齊努力!!!

TINGMUM

Heidi媽 ,

多謝你.  見你同moyan都有好消息,好戥你地開心!  




TINGMUM,

你女女好生性, 識得講這些說話一定唔會差, 繼續努力比心機, 我支持佢.

[/quote]

TINGMUM

Daisy 講得好正確.  

呢輪我收到幾個小六家長的查詢, 可能佢地睇左之前的post, 問名次去到10x參加抽獎會派到band 1 中學?  其實上次我提到囡囡成績大跌是小五上學期, 對呈分沒有影響.  而到小五下學期及小六呈分時,她名次己恢復以往的中間位置, 最後派入一間心儀的英中. 如果你小朋友名次係band 1, 肯定入到band 1英中除非你填表有問題. 如果你孩子成績離band 1不太遠, 又決定參加派位, 咁就一定要做好功課, 望能夠在自行一擊即中, 以免在抽獎時被派入一間不喜歡的學校.

[ 本帖最後由 TINGMUM 於 11-10-12 13:44 編輯 ]

TINGMUM

copy 中學版的升中有用資料供大家參考, 希望幫到大家.

1. 中學係冇banding既, 絕大多數係band1生既學校為之band1學校, 大多數收band2生既學校為之band2學校. 所以band1生最差只係派去第一間填既band2學校, band2生抽得到入去, band1生冇可能會反而入唔到.

2. 大抽獎係派晒band1生先到band2生, 唔知點解o的band1家長成日驚唔早o的填間band2, 就會連band2都冇埋. 如果你理解第一點所講, 就會知道你放間band2係第30志願都一定早過band2生抽入去, 咁使咩咁早填band2? 有o的人仲填第三志願, 結果numer唔差就碌咗入band2, 呢個咪點解咁多人要叩門既原因囉. 偏偏好多家長仍然執迷不悟.

3. 頭3個志願可以咁填:一. band1頭/中或他區band1頭(純個人意願搏定唔搏), 二. band1中/中至尾英中, 三. band1尾英中/升呢中中. 如果區內冇咁多選擇, 可以填他區英中. 有o的學校唔填第一係抽唔到既, 咁家長只可選擇其中一間填第一, 呢個就係策略一部份, 我冇叫人將最勁既三間放晒頭三位.

4. 抽獎係咪頭3志願抽到唔係最重要, 當然第一志願一定係你最想入o個間, 但要問下自己抽到第二三會唔會去叩門? 如果一定會去叩門既, 不妨問下自己有冇其他(如他區英中) 自己都好鍾意而抽到唔會叩門用黎放第二三.

5. 排好頭三志願, 如果區內仲有好多band1學校未填, 就應該由第四志願開始填晒o的band1學校, 用意係執死雞. 始終冇人知道抽完頭三志願仲有冇位剩, 如果冇運氣要跌落第四, 與其即刻填間band2宣告收工等叩門, 何不垂死掙扎搏埋其他band1有冇位先?

6. 唔好成日認為抽完第一輪所有英中都冇位, 要記住每間學校競爭人數有多有少, 不盡相同, 有o的英中第一輪完咗有位剩都唔出奇, 既然唔知有冇位, 搏完先填band2收工係對自己最好既做法. 分分鐘第8志願可以搏到間好學校. 有o的家長又好奇怪地好介意唔係頭3志願抽到, 好似會好冇面咁. 正如我之前所講, 唔通第8志願派band1尾英中會差過第3志願派band2?

所以唔好再話頭3志願派唔到唔知派去邊, 因此保守到填間band2係第三, 冒求可以3個志願之內抽到, 呢個做法等於自動放棄band1生既優勢. 用我所講既方法, 起碼運氣不濟時仍有機會搏到band1學校, 而唔係坐以待斃.

TINGMUM

DBS
LA SALLE
HKMA LKP
YMCA
PLK NPL
DELIA
AMERCIAN INTERNATIONAL SCHOOL
RC (ESF)
OVERSEAS

唔知往年d french student boys 除了以上學校, 仲有d去左邊間中學?

[ 本帖最後由 TINGMUM 於 11-10-14 10:55 編輯 ]

TINGMUM

同學真係要在填自願前親身去中學"talk"聽下, 特別係打算自行的學校.

如自行打算去沙田, 要check清楚中學類別, 有些學校一切以成績排名為最重要, 有d在interview表現都佔一個大比重, 有d講明英文好有優勢. 有D好注重才藝, 不要只睇校名, 了解後再衡量自己小朋友能力才填表.





[ 本帖最後由 TINGMUM 於 11-10-14 22:34 編輯 ]