唔知好唔好，見到個囡同佢爸爸講英文，但爸爸講中文

happyvalley

有次坐巴士經黃埔花園，有一對中國人，爸爸和他女兒上車，他女兒講得一口流利、標準英文，好好聽，但佢爸爸明顯不及她，只講中文回答及教導，那時我感覺好怪、真是好怪，親人之間的談話，變成要轉化後才可以相通，隔了一重，所以唔知咁樣的『學好外語』的風氣，會不會對我地家庭有否正面影響。

小曳人

呢得係我唔想俾小朋友入讀國際學校嘅原因
睇見到驚!
我同先生認為, 作為中國人, 我地重視外語嘅同時, 都要學好中文.. 及 中國文化!

happyvalley

原帖由 小曳人 於 10-2-5 17:00 發表
呢得係我唔想俾小朋友入讀國際學校嘅原因
睇見到驚!
我同先生認為, 作為中國人, 我地重視外語嘅同時, 都要學好中文.. 及 中國文化!

有時唸清楚 d，學英文其實是學緊鄉下話，中文先係本地語言。

Parisienne

我都認為中文好重要。
自已有個幾千年文化嘅大寶藏又唔多重視，梗係覺得隔籬飯香啲.... 我哋呢代父母(大部份)都覺得中文好唔好唔太重要，英文好先可以出人頭地。自已受過殖民地统治，見到高官達人個個英文laklak聲，而家有機會培養下一代，梗係催谷英文啦，唔係點同國際交流？？
不過如果催谷到自已同仔女溝通都有隔膜就唔係幾好lor..

原帖由 小曳人 於 10-2-5 17:00 發表
呢得係我唔想俾小朋友入讀國際學校嘅原因
睇見到驚!
我同先生認為, 作為中國人, 我地重視外語嘅同時, 都要學好中文.. 及 中國文化!

Chimama66

老實講呢Ｄ情況真係一Ｄ都唔羨慕,反而覺得好無謂,父母之間都唔可以用最直接親切嘅語言溝通咁有乜意思,英文好到識飛都得不償失。

原帖由 happyvalley 於 10-2-4 10:18 發表
有次坐巴士經黃埔花園，有一對中國人，爸爸和他女兒上車，他女兒講得一口流利、標準英文，好好聽，但佢爸爸明顯不及她，只講中文回答及教導，那時我感覺好怪、真是好怪，親人之間的談話，變成要轉化後才可以相通，隔了一重，所以唔知咁樣的 ...

happyvalley

原帖由 Chimama66 於 10-2-9 11:22 發表
老實講呢Ｄ情況真係一Ｄ都唔羨慕,反而覺得好無謂,父母之間都唔可以用最直接親切嘅語言溝通咁有乜意思,英文好到識飛都得不償失。

對啊，睇到個爸爸用中文教導她點點家庭事，但她就用流利的英語答佢，好似她聽不懂一樣，總是覺得怪怪地。

Mama101

I think it's how you and your child decides to communicate.  Like I know many parents which send their children to international school would require their children to talk in Cantonese at home.  In doing so, make sure their Cantonese is also fluent.

Ruby521

我見過幾個幼稚園小朋友玩埋一堆用英語, 但是一講到唔經常講既野就用返廣東話補救. 最攪笑是個婆婆用廣東話跟小朋友對話, 而小朋友就淨是講英語, 我真是服左個婆婆英文咁叻, 可以聽得明小朋友講咩.

我自己認為叻的小朋友, 應該是見鬼講鬼話, 見人講人話, 咁樣先至是有靈活頭腦, 反應靈活, 同觀察力強呀. 反而果d 唔理對方是用咩語言, 自己淨是講英語, 我唔認為佢語文能力強, 佢只是日常生活用英語吧了, 我反覺佢反應唔夠靈活, 自我中心重, 適應力低的人添.

sara09

我覺得唔關國際學校事, 係家教同屋企語言問題, 而家香港好多小朋友是菲傭湊大的, 如果一開始家人同bb講中文, 母語應該是廣東話, 無理由會係咁樣.

happyvalley

原帖由 luvmiyu 於 10-4-8 18:15 發表
我朋友的小朋友也有類似的問題....不過不同的是...朋友和她老公在家中也跟小朋友說英文 也規定連佣人姐姐也要跟小朋友說英文.....現在小朋友去靠幼稚園...因為不願意說廣東話回答老師的話...所以還在找幼稚園...mo ...

個女兒係講得非常動聽及標準的英語口音，不會是菲傭個 d，而且著住幼稚園服，坐巴士上的，但個爸爸就英語不流利，為有講返中文，但兩個都明。