很徬徨...我應該點做?

worry-mom

囝囝快到2歲, 覺得佢有自閉症特徵, 最明顯係別人跟他說話時無眼神交流, 說話不多.  最初我以為佢識講野後會有改善, 但現在佢都未識講很多說話.
想問下有經驗既媽媽我可以點做呢?  我已經覺得很不開心, 真係覺得接受唔到&徬徨.
下個月會再返健康院檢查.  打算再同姑娘講.  但想問下, 係咪一般等佢地refer都要排好耐先可以作評估呢?   我應否找私人機構評估?   那一間較可取呢?   
另外想問下, 一般評估後(政府or私人機構)係咪佢地會建議參加某此訓練課程?
我見其他thread提及什麼 i/e/s位, 想問其實是什麼呢?
之前有幼兒園收左囝囝今年9月讀pn, 我應否給他讀呢?
另外亦想知道, 一般2-3歲階段, 是否跟其他小朋友一樣, 其他人不會分別到小朋友有特殊問題呢?
我真係唔知點算...希望有媽媽可以幫到我. thanks!

worry-mom

首先多謝兩位媽媽回覆.
囝囝除了唔望人, 仲有不喜歡用手指指出物件(當然間中問他他亦會指出, 不過不時常做), 另外, 非常鍾意玩車, 但係佢係揸住架車前後推動玩的, 當然亦有排列既時候啦.  其實上網所說既特徵愈睇愈confuse, 自己就梗加唔開心, 一下子接受不到.
可能由於係下月初回健康院, 所以都預計她們都不建議改期.  今天姑娘覆了我, 她說叫我不用太擔心, 因為有些小朋友2歲時語言及尊注力都未能達標的, 很多時到2歲半情況有很明顯既分別.  但作為媽媽點樣唔擔心呢?   她都有提及等轉介既時間都很長.   
之前忘記問大家, 那些早期訓練(政府或私人機構) 會否接受沒有做評估的小朋友報名呢?   協康會口啤好一點, 但是否輪候時間都較長呢?   兩位媽媽有沒有一些早期訓練課程推介呢?  因為我都希望儘快幫助兒子, 希望接受訓練後有改善.
另外想問下i/e位是否只限於某幾間學校呢?

worry-mom

多謝大家的鼓勵.  我本身很眼淺的, 由感覺問題存在開始, 每當我抱著他或是看他睡著時, 我的眼淚很自然不停流下.  覺得很無助.  我都希望我自己可以堅強一點.
大家提供給我的資料都很有幫助.  睇了協康及私人機構的網頁, 他們都分別提供很多課程, 如果我想先選擇針對溝通(說話及眼神交流)及訓練手指指向物件(不知是屬於那裡訓練), 應該選什麼課程呢?
因為我見一係有些課程有年齡限制, 一係就全方位/密集(需每天上堂及較貴).  定係...要選擇1:1訓練呢?
有無媽媽曾經選擇...我想針對那方面的課程呢?
THANKS!

worry-mom

想問下大家...
如果想溝通方面得到改善(說話及眼神交流), 咁係咪應該找ST呢?
咁...有無人知, 如果想訓練小朋友"主動"手指指向物件(不知是屬於那裡訓練), 應該選什麼訓練呢?

worry-mom

平時叫佢做D指令(如...取/擺放物件, 請人食野等簡單指示)佢都有做, 咁係咪叫做理解能力OK呢?  佢最大問題係同佢講野無乜眼神交流, 如果同佢玩(玩到笑晒果隻), 佢就會望住你多D.    講野就唔多啦.   問佢圖片上既, 想佢指出, 佢就多數都唔肯做囉.(心情好都有做過).
S/I位....唉, 我估等做評估再排期....有排先輪到啦...唉!

原帖由 kalam611 於 10-2-12 10:42 發表
你小朋友語言理解能力如何? 如果佢理解同講都唔OK, 而妳又想訓練佢手指指,咁可以先上幼兒導師訓練,亦可同時上埋OT,至於ST,可以係小朋友理解力好咗之後再加

幼兒導師訓練幾間坊間嘅centre都有,亦有d  導師會 ...

worry-mom

想問多樣...一般話肯唔肯同小朋友玩...
如果2歲既小朋友來說, 大家一齊玩同一玩具(當然無說話無眼神交流), 而沒有拿走自己坐埋一邊玩, 咁算唔算都叫一齊玩呢?

worry-mom

睇左幾間私人機構website, 好似得step & links有類似要揀既training.   呢兩間都有所謂3T既training(1星期返1堂).   有無人知好唔好呢?  定係應該選擇其中1T(私人訓練)先呢?   各位媽媽你地小朋友上邊間/私人training有無好介紹呢?
今日同c6傾開話想報training比囝囝上下堂先...唉...佢話都未評估, 點解要迫佢去上.  我其實好唔開心, 因為佢d語氣麻麻, 不過我明白佢好難接受, 我自己都係...想逃避, 忍唔住又喊左出o黎.   我真怕我自己頂唔住...谷爆啦.  唉....唔知點好!

worry-mom

你囝囝係咪08BB呢?  我囝囝上年已經有間幼兒園收左今年入PN班, 不過我自己作最壞打算, 我諗返左學後, 都會接到電話講囝囝既情況...被迫退學.  唉, 所以一下子真係接受不了, 但此終都係要面對, 覺得有D遺憾.  下個月仲會IN其他學校PN, 不過真係無晒心機了.

突如其來的...無從入手, 都唔知找咩training, 當然唔希望晒錢...最重要係唔想晒時間囉.   其實我應否找私人機構做評估呢?  step是否得一種評估, 而評估後又可以幫小朋友排位呢?  有無人知需唔需要約很久才可以做評估呢?

唔好意思...我真係太多問題啦.

原帖由 nokia6300 於 10-2-18 09:22 發表
另外你有冇打算比仔仔返 nursery呢?我仔去完評估dr叫快d入學,我仔都會今年9月返nursery啦,你都可以搵d half day返,到時睇下仔仔有冇進步再加其他訓練.

worry-mom

多謝大家既解答.

今日打左去協康問左詳細, 嘩...pst既1:1 service都要等約2-3個月先有位, 真係好耐喎.  不過我都照報左先, 但係咁等唔係辦法.

nokia6300:
想問下你囝囝做$2500既評估, 跟$5500那種有何分別呢?  我指係咪做完評估, 份報告拿去排位都是一樣呢?   咁你最後係咪用step果份去排, 而唔係cac果份呢?    另外想知道所謂排位, 要排多久呢?  係咪指排i/e/s位既幼稚園呢?

muimui5:
我都有睇過條thread, 亦都有興趣報, 我今日打去問過, 我其實想知佢地幾時先可以confirm收唔收(4-5位), 因為佢地開幾多班, 果位小姐都好似唔係好sure.   因為我囝囝一向都有上開普通playgroup(上堂時間差不多), 但4月份既學費要3月初交了, 如果我報左poly, 但最後佢地唔收既, 咁連上開果間都無得上?  所以都唔知點.
我都有compare兩間3T course, 好似links係好d(2小時), 因為小朋友得2歲, 返太長時間唔知佢ok唔ok.
但係一同c6講呢兩個course, 佢就唔鍾意因為囝囝未做評估就比佢返.  如果可以你可否講多些關於呢個course比我知呢?

rpang001:
想問下...你用左幾多時間先排到i位幼稚園呢?  (由評估報告出左後).

其實以我個囝囝入幼稚園時間來說, 佢應該出年2011年9月入K1, 咁我想問下, 假若我等cac做評估(可能要年底or出年年初), 咁到時趕唔趕得切排到有i/e/s位既幼稚園收呢?
我其實有無誤解左d野呢?   請指教.

worry-mom

nokia6300,
想問下step既pre-school assessment會否check到小朋友是否有自傾等情況呢?

聽你地咁講, 咁我諗都係要找私人做左評估及快快排位先?   其實我等緊下月初返健康院, 到時姑娘先幫我約期見醫生, 之後仲要等6-9個月先到cac做評估.  所以我暫時都未知去邊間cac, 我估以我住果區最近既...係咪油麻地有呢?   

你地仲知唔知有無邊d training可以報名後1個月內可以上堂, 而唔洗好似協康果d要等2-3個月呢?  我都想報st training, 但協康又係要等好耐.

worry-mom

rpang001,
你講果間係咪就係links呢?

muimui5,
多謝你詳細解釋, 咁聽落...links好似好d喎, 起碼課堂完左之後係個別講解.
不過...又有個問題, 原來家長唔可以陪架?  咁我個囝實唔肯架喎, 就算肯都係好短時間, 之後肯定喊住找我呢?!   有無見過其他小朋友係咁架?  佢地點handle呢?   
step仲要係3hrs...一定唔洗諗添!
polyU撞晒時間, 又唔知係咪收梗...唉!
你囡囡26mths?  我在另一條thread見你囡囡有surprise(講多左野)比你, 佢講野都ok喎.  係咪都係上左training後, 進步左呢?

btw, 昨天我囝囝搭lift時, 轉身同個婆婆講"hi"&揮手....果一刻, 我真係想喊出來呀!   希望大家既囝/囡, 每一天都在進步就好了!

worry-mom

已經call左links, 諗住問下3T training, 唉...又係要落waiting list, 唯又等.   又考慮緊佢地言語playgroup...可能上住先試下.
我問過polyu...係要家長陪的.  而家囝囝上既普通playgroup都上了一段日子, 平時circle time做動作/跳舞等...佢大部份都有跟住做.  所以我先唔想停左佢.  其中一個老師都有feel到佢有d問題, 因為佢叫親囝囝都唔啋佢.  老師都叫我自己留意下, check下.
請問感統問題...大概係點呢?
另外想問下大家, 知唔知係咪政府做評估果part, 有提供私家隊呢?  即係要比錢但又可以快d做到評估呢?
我問過step, 佢建議我見左佢地位"高幼師"($700-$800/hr), 睇下佢再建議做"自閉"or"學前"評估囉.

worry-mom

昨日終於去左健康院見姑娘, 我無諗過...姑娘竟然唔多想比我見醫生.   佢問我囝囝既進展, 我如實答唔多說話, 佢識講什麼什麼單字, 但唔係成日講, 佢見到或鍾意就會講, 唔鐘意表達, 唔喜歡手指指.   跟住我順便講埋覺得囝囝有D自傾既特徵(無眼神交流等).  問可否見一見醫生.  姑娘話...佢都識講D單字, 我好難安排比你見醫生.  真係奇怪, 我已經強調以上幾樣野, 佢都話唔得, 佢地有準則去監訂.   最後佢可能見我咬住唔放, 先話...咁我寫你囝囝只識講4個單字啦, 你記得見醫生時, 唔好話佢識得多個4個, 如果你愈講愈多, 醫生只會叫你2歲半先再返來check多次.
真係很奇怪...假如係自傾既小朋友, 2歲真係什麼都未識講嗎?   如果係識少少單音字, 但又有自傾特徵, 都唔明點解都唔比我見醫生.... 唉!

worry-mom

我都明白政府一定先比D急切需要既人享用服務先, 但係我只係要求見健康院既醫生先都咁難!   
另外, 今日我帶囝囝去睇開醫生, 我試下問醫生是否可以幫我寫轉介信, 佢簡單問左我一輪, 又係無答案, 聽我講完...又話都唔一定係架.   又叫我唔好睇咁多網上資料(自傾特徵), 單憑呢D資料唔一定係.   最後....佢叫我睇多一個月先, 如有問題再找佢寫.   走既時候, 我個囝仲同醫生&姑娘goodbye kiss(平時唔一定做).   
唉....都唔知搆乜野, 好似無人幫到我咁既.
而家都係要找私人機構做評估先, 唔係就真係一拖再拖了.
其實我囝囝都識講20個左右既單音字, 但係又係果句....你叫佢講, 佢唔講, 唔叫佢講, 佢自己又講.   煩死了.

worry-mom

聽落很深奧下.   其實地面親子時間(Floor Time)係點樣呢?   咁找ST 1VS1比佢有無用呢?

原帖由 rpang001 於 10-3-6 05:43 發表


睇尼妳囝囝要起言語/溝通上有所改善唔係淨係帶佢做訓練咁簡單！即就算有好的言語基礎也未必會用口表達，更何況係言語仲有問題呢？

個人覺得佢係需要被"激發"引起同人之間產互動，籍此鼓勵佢用言語去清楚表達事情和感受。 ...

worry-mom

但係佢地要我比左個高級幼兒導師睇左先....之後至話我知應該做"自閉"or"學前"評估喎....

原帖由 pipi331 於 10-3-6 23:52 發表


您個仔 自己有自己講, 人地揾佢就唔睬呢樣嘢, 同我果個好似. 帶佢去step 做個$2500 評估la.

worry-mom

想問你囝囝去step做學前評估時幾多歲呢?   唔知係咪我囝囝剛2歲, 所以佢地會有咁既建議.   因為"自閉評估"2歲起先可以做.   

我一路都有個疑問, 我見第2條thread都有人問過, 係咪去得做"自閉評估", 個result都一定係有or最少都會係"自傾"呢?

屯門太遠了...去唔到聽呢!  anyway, 等我search下有關ft既資料先. thanks!

原帖由 pipi331 於 10-3-9 01:11 發表


我去cac封轉介信系 醫管局的兒科度攞ge, 4個月之後覆診 就問佢攞咗 st  & ot 轉介. 我遲d 覆診又問佢攞埋精神科.

去steps 做評估 系貪佢可以馬上排正苦服務 (i/e/s), 攞住份報告又可以去報吓d家長資源中心, 可以 ...

worry-mom

間間密集訓練課程(五天半日制)都要waiting, 有無小朋友上緊or知唔知呢幾間邊間較好呢?   係咪一般都要排好耐架?

step / links / joyful / heep hong

初步評估了小朋友有自閉症, 仲建議排s位, 之後又話密集式, st, ot, 感統訓練全部都需要.   一下子講到我小朋友全部都好差咁...

worry-mom

自己覺得囝囝認知方面其實係ok的, 不過的確係有自閉既特徵.   所以無諗過認知上ok, 但都係s位.  就好似有d測試問佢, 但當日唔做/唔指出.   不過我地平時問佢佢都有做/指, 咁...佢地就覺得佢呢方面屬於"弱".   我自己又咁諗...正如d小朋友去in學校, 果日刻唔答, 都唔係代表佢唔識喎!

佢地即時只係介紹左st/ot既1:1比我, $800-$850.   我估如果佢地要找生意, 都唔會介紹平d/part-time比我囉.

另外想問下...s位學校係咪無校車安排架?  要自己接送呢?   

如果咁講...係咪應該次序係 e位>i位>s位  呢?

我都打過去poly問...但佢地唔答我究竟開唔開得成班, 真奇怪!

原帖由 rpang001 於 10-3-18 01:12 發表


坦白講，排s位即代表孩童能力上同一般同齡的有一定距離，或甚致不大適合入讀主流幼兒學校/小學......
明白排唔倒政府/私人的服務去處理孩童需要令家長非常焦急。唯一可建議的就是請治療師做單對單訓練，但是一定不會平，有 ...

worry-mom

多謝你既意見!
之前排緊協康既1:1PST training終於有位啦!  唯有上住先再問下導師有無介紹.

另外, 曾經見過有d媽媽話感統問題可以去上體操班去改善, 咁想問下...其實坊間一d playgroup....如my gym等, 對我地既小朋友有無幫助有無用呢?   or都係報返"感統"training好d呢?

請問其實仲有邊幾間私營機構有評估+排位服務呢?  價錢如何?

原帖由 rpang001 於 10-3-19 11:38 發表


找上門導師方面,或要些少門路(一定要同嗰d導師有認識,佢地先會私下介紹d佢識既比妳),可經從身邊己在這私人兒童發展中心使用緊服務的家長，較易套到有關資料。

可惜我熟識的那些導帥己離職,我仔亦離開成3年，故我手頭 ...