為什麼選音小？

wawa70

想請問現在讀音小的家長、為什麼最初選音小？

Loklok2

原帖由 wawa70 於 10-2-17 20:29 發表
想請問現在讀音小的家長、為什麼最初選音小？

而我就係相同宗教，覺得學校的課程適中，小朋友不會讀死書也不會太吃力，返學開心，有中學直上，又可以學樂器，就是咁簡單。

vcom

本人希望小兒在音樂上發展,加上音小有全面的音樂培訓,比只在別的地方學有信心得多。本人眼見很多人都學壞手勢,小兒先在區內的音樂中心學小提琴,手勢錯了無改正,一星期學得半小時,學得手勢又沒有時間學樂譜。後來小兒在小三讀音小,小提琴老師用了差不多整年來改正小兒的手勢。到小四時,小兒參加香港校際朗誦及音樂節比賽,小提琴第三級比賽,第一次參加可以得第三名,音小老師真的教導有方。

aaclara

你們好呀，相信你們的小朋友都在音小就讀的。他們讀得開心嗎? 沒功課又或要practice音樂的壓力?  聽說他們著重了音樂，所以學術上的成績不太好，是嗎? 他們真的是英語教學嗎? 舊年我有去聽他們的簡介會，他們的音樂廳真的很靚，但他們有點給我的感覺是很多東西都要$，除學費外，還有沒有其他的收費嗎? 他們一定會收回他們的小學部學生?
不好意思問這麼多問題，但想對此校多一點了解好讓我給兒子選校。謝

aaclara

原帖由 ming2 於 10-2-24 19:55 發表


我兩個囡囡都係音小讀緊..小一 and 小二,佢地返學都返得好開心..每日都會有功課,不過比起其他傳統學校,佢地功課量唔算多,初小都係最多四五樣一日架咋...,唔多抄寫,無論係音樂科定係其他學術科,我都唔覺得佢地有壓 ...

謝謝你的回覆。我想跟我說不好的人是指音小的小朋友英文講同寫不好吧。你知啦係香港地英文都重係好重要既一科。因我都好貪心，又想囝囝英文好，又想佢學番樣音樂，就算第日讀唔成書，都仲可以係街到表演下搵餐飯吃。
咁其實佢地係咪小一開始就係全英教小朋友? 有外籍老師? 因聽說有些話英小既學校，小1-3都係英文科用英文，其他用中文的。音小都是這樣安排的嗎?

vcom

做人真係唔好太貪心,要小朋友開心學習,功課唔多,又會奏樂器,重要唔太差,英文要好。你計一計邊有甘多時間做那麼多野!個人經驗,小兒讀小一、二時,在所謂的band 1學校讀,每日功課八九十樣,差不多晚晚做到十一、二點。遇上測驗、考試重緊張。如果得七十多分,老師會叫家長買多D練習給小朋友做。要八十多分才叫到收貨。小朋友同大人都辛苦,小兒從小三讀音小到中三,壓力無甘大,大家都輕鬆D。
再者,如果讀音小要去到街邊表演搵餐飯吃,我想唔會話…

aaclara

原帖由 ming2 於 10-2-25 12:01 發表


我都同意vcom所講,做人唔可以太貪心...

佢地英文好唔好,我唔知...因為我冇同其他學校去作比較,就以自己囡囡黎講,我覺得唔叫差....同埋佢地會因應小朋友0既能力去分組上英文堂...咁樣小朋友會易d吸收老師所教0既野 ...

咁又係既! 明白

bakusensei

請問他們一定會收回他們的小學部學生嗎?

vcom

唔一定，至少要達到升中一的要求，主科要合格。唔係就要讀多一年小六！

eeek

學校有英語週和普通話週,見學生好主動以這兩種語言溝通,無心理障礙,亦不怕犯錯,勇於嘗試,我想有如此的表現,學校真的有好好健立小朋友的自信,對他們將來有好的影響,我想將來社會最需要的人不是科科狀元,而係懂得與人溝通,有健康的自我形象,有承擔....所以我也打算為囡囡報讀。