王錦輝 vs 培基 vs 恩主教 vs 沐恩

pineapple0983

在沙田黎講，WKF並唔係報讀直資嘅首選；咁唔係因為佢只收好少沙田人，而係口碑好一般；校風並無大問題，最起碼比LTF好；問題最主要係教學方面。
我諗WKF大概係Band2頭；你大埔過沙田讀都好方便遮。
最後，唔同意沙田有足夠嘅Band1位比區內Band1學生；D他區就係因為咁諗，好多都跨區去沙田報，造成Band1位唔夠分；仲有，好多區內Band1都表示黎緊會5班縮1班。

pineapple0983

原帖由 carcar-bb 於 10-3-19 14:50 發表
十分感謝各位的意見, 聽取了你們的意見後, 我打算先讓兒子參與大抽獎, 如果不幸地入不到大埔英中, 我先再搵直資叩門, 現請問有沒有一些口碑好的直資介紹? 又有無一些叩門秘訣及重點? 我現在要否做些什麼預備功夫? 叩 ...

如果你真係好大信心你個仔係Band1，唔理Band1頭定Band1尾，咁梗係等大抽獎喇。
提你一點，就算直資收左，你一樣可以叩啲Band1官津門。相反，如果大抽獎衰左，D直資亦唔易入，因為嗰日會好大競爭，好多人因為"意外"入唔到Band1而叩直資門。
舊年7月叩門培基幾百人收幾個咋。

pineapple0983

原帖由 carcar-bb 於 10-3-23 14:44 發表
想請問一下, 聽講話將全級人數除3, 便可計算兒子是屬於band幾? 我兒子全級人數144人, 兒子考41-50名內, 那他是否屬於band1尾?以他這樣的成績, 我在大抽獎時, 選band1學校是否十分危險, 怕會分分鍾跌落band3? 其實大 ...

你聽講嗰個人所講嘅嘢錯晒；你首先要知你間學校屬于Band幾，教統並無將學校分等級，但一般家長都有共識；Band1 小學一般並無Band3學生，或者係好少。至於Band1 同 Band2學生比例主要睇往年D師兄師姊分班試考成點而定。
Band3小學中Band3學生佔比例較多。
無論如何你學校應該最清楚你個仔係屬于Band 幾，唔好自已估，去問佢哋最好。
有D學生主科全A，但都未必入到Band1學校，因為學校水平低，有D 80 分都叫A。
可能你朋友係講緊全香港小六學生分3份，即係1/3 Band1，1/3 Band2 同 1/3 Band3，咁就啱。

[ 本帖最後由 pineapple0983 於 10-3-24 10:27 編輯 ]

pineapple0983

原帖由 Ivy07 於 10-3-24 13:57 發表


當然唔係咁啦，要睇你個仔間學校，政府分配幾多Band 1 學位。 學位會分配到幾多，學校係唔會知的，所以學校會以上一兩年所分配到的Band 1 學額來建議學生，例如上一兩年有80個同學入到band 1，七除八扣(因為可能上年的學兄唔生 ...

中學、小學係冇分Band1、Band2 或者 Band3 嘅，只不過多 Band1 生入讀，就當係 Band1 學校而已。
所謂 Band1 小學由於學校水準較高，每年都有較大量小六學生入到 Band1 中學；同埋因為咁，每年都有好多幼稚園學生慕名報讀，咁佢哋每年揀一D"優質"學生都會容易D；有多D"優質"學生，咁每年小六分班試、TSA都會考得好D；咁一年一年因果循環，積埋積埋，咪越黎越Band1囉。
至於 Band1 中學，因為Band1 小六生有優先權可以先揀學校，佢哋都會揀一D好學校先；到Band1生揀完，厘D"好學校"亦差唔多Full House，咁間中學咪Band1 中學囉。
Band2生由於第二輪先到佢哋揀，佢哋填D"Band1學校"係第一志願根本死硬，唯有填D差D嘅學校，所以厘D"差D學校"只能收"差D"嘅學生，積埋積埋咪就係Band2學校囉。

pineapple0983

原帖由 carcar-bb 於 10-3-24 15:29 發表
多謝您們的意見, 那我想問一下, 聽說今年是人口出生率較低的一年, 那會否同樣影響大抽獎的結果? 會否因競爭人數值少了, band 2生都能迫到入band1學校?

因我真唔識點填寫張大抽獎表格. 考師話呀仔係band2頭, 我是否 ...

cckalex 比嗰啲 Link 好有用，係khmama 嘅力作，你好多問題係嗰啲 files 度有答案。
你如果Band2頭，建議你大抽獎填一間Band1尾做第一志願，然後二三志願填Band2頭。有D學校如果你自行、甲部、乙部都填佢就秤鮮D。
大抽獎放榜之前嗰晚其實學校已經有結果，你不妨同班主任攞吓料，睇派唔派到 Band1。如果派得唔好，你馬上準確第二朝叩門，包括叩直資，至於點叩到時再講。

[ 本帖最後由 pineapple0983 於 10-3-24 18:09 編輯 ]

pineapple0983

原帖由 carcar-bb 於 10-3-24 22:57 發表
多謝您的意見, 我都聽講話, 自行選校面試後, 再在大抽獎時, 第一志願填返images/common/smilie_expand.gif自選那所學校就會機會大d, 是否屬實? 那我在自選校時選了兩所 band 1學校. 我是否應該在大抽獎填表時頭一二 ...

如果你Band2頭，派到Band1學校有幾個可能，其中：
1) 你以為係Band2，但由於踩界，舊年師兄分班考得好左，你升左呢變成Band1尾；
2) 你係Band2頭，但個隨機冧把好靚，而Band1又有位。
但係，好彩唔係成日有，所以你策略唔好太進取，如果唔係恨錯難返。放間Band1尾在第一志願已經夠。第二、三再放Band1太冒險，隨時派D Band2尾比你，叩門亦唔係實得。
學校一般係前一晚會知結果，但佢地唔可以明示比家長聽，你睇吓點攞料啦；有D班主任"無厘頭"會係嗰晚打電話黎，問小朋友點呀，準備好未呀，諸如此類奇怪的，看似無謂嘅閒話，其實係想暗示比你聽一D嘢。

pineapple0983

原帖由 Ivy07 於 10-3-25 13:57 發表
我都聽過有人Band 2 頭入到Band 1尾的中學，而且有些人都建議過，Band 2頭的學生，可以試吓第一志願選心儀的band 1 中學，第二、三選返Band 2 中學。但大抽獎真係講運氣的，我個仔有個同學的哥哥，明明Band 2 頭，都派左去Band 2  ...

我都見過，厘D咪就係大抽獎時填錯嘢，個策略錯左，跟住累到個小朋友囉。
佢Band2頭，如果佢頭幾個志願都填D熱爆嘅學校(包括Band1)，咁佢係浪費緊每一個機會；同斷緊自已嘅後路，如果個隨機冧把差D，個結果可以係好悲慘架；要知已知彼呀。

pineapple0983

原帖由 Ivy07 於 10-3-26 14:39 發表


如果我無誤解，好似係用成績排隨機號碼的，因為這樣才可以安排次序，所以Band 1 的學生的號碼就可以優先選校。大抽獎分跨區(有三間)屬於甲部，乙部就係自己本區的，只可以選擇自己那一區的學校，所以號碼有分全港及各區的，全港 ...

按照我了解，"隨機冧把"係教處用電腦分配比每個學生嘅ID，比如講：
學生A 個冧把係 00001，佢屬于 Band1，Band1 頭同Band1 尾都無所謂；
學生B 個冧把係 09999，亦係 Band1，仲係Band1 頭添；
無獨有偶，佢地都係報讀名校 XX中學，咁唔好彩係自行度XX中學都唔收厘2個學生；到大抽獎啦，咁電腦一排，學生A就係第一個入到XX中學，由於學生B 個冧把唔靚，佢雖然係Band1 頭，但都要等排係佢之前嘅學生，即係由 00002 - 09998 嘅學生收完，電腦先會排到佢。如果好多人揀 XX中學，XX中學爆左棚都未輪到 B ，咁B 就係大抽獎時入唔到 XX中學啦。
現實係：如果學生B係 Band1 頭，咁係自行收生同埋叩門度，XX中學已經收左佢，因為咁勁嘅學生，係自行階段 XX中學已經知道，並且會即收。
按教處講，個冧把冇人知，係個電腦技術員同好少教處有關人員知道，係咪咁真係天知道。

[ 本帖最後由 pineapple0983 於 10-3-26 15:07 編輯 ]

pineapple0983

原帖由 Ivy07 於 10-3-26 17:18 發表


真係超複雜，睇個D間介，仲講到好似睇成績咁，即是大抽獎真係要睇彩數，咁樣編法真係唔公平。玩死D父母同小朋友。

對唔住我真係將簡單複雜化。。。。。唉！

[ 本帖最後由 pineapple0983 於 10-3-26 21:35 編輯 ]