點教仔? 好氣餒!!

calbee6

今早帶呀仔去playgroup, 玩free play 既時候. 呀仔見架玩具 ｓｈｏｐｐｉｎｇ　ｃａｒｔ 無人玩就走埋去，想玩的時候，俾個小朋友兇（唔知有無郁手，因俾其他人遮住。）個女仔坐係個波波池玩緊，但佢仲要霸住架ｓｈｏｐｐｉｎｇ　ｃａｒｔ。咁啱俾個ｔｒａｎｉｅｒ見到叫停個女仔。但個家長就無理反應。

其實唔止一次發生類似既情況，有次呀仔仲俾人係頭打左幾下，因為個小朋友唔俾呀仔行埋去。當時個小朋友仲想再打我個仔時俾ｔｒａｉｎｅｒ捉住，但個小朋友的父母就當睇唔到。

如果我個仔有郁手打人或霸道的行為，我會即時教導同改正佢。但我咁做的時候，其他人又點呢？我明白小朋友細，又多數係獨生仔女會較自我（我個ｂ都係），但作為家長帶小朋友返ｐｌａｙｇｒｏｕｐ係想佢地多接觸同輩，學合群及分享。但點解見到自己個小朋友打人的時候可以無動於衷。

作為父母當見到自己個小朋友俾人蝦時梗係心痛，但我都會教個仔忍讓，但咁做會唔會令佢變成內弱怕事；但係又想佢學會保護自己，咁唔通教佢打返人咩？！

MMLAI

十分同意...我bb同你bb一齊有試過這情況,有時d家長真係唔理架真係唔明白佢地點解會咁樣

原帖由 calbee6 於 10-5-10 00:35 發表
今早帶呀仔去playgroup, 玩free play 既時候. 呀仔見架玩具 ｓｈｏｐｐｉｎｇ　ｃａｒｔ 無人玩就走埋去，想玩的時候，俾個小朋友兇（唔知有無郁手，因俾其他人遮住。）個女仔坐係個波波池玩緊，但佢仲要霸住架ｓｈｏｐｐｉｎｇ　ｃａｒｔ。咁啱俾個ｔｒａｎｉｅｒ見到叫停個女仔。但個家長就無 ...

queen_sze

我個仔都會打人, 但我真係理唔到咁多! 我見佢打會叫佢停手, 話比佢知唔可以, 第二次會再解釋, 話再係咁就唔比玩, 通常第三次我就會走人! 但我仔都唔係好聲! 真係無計!

ac917

我都試過頗多同類經驗，早d的時候唔知處理，只有保護自己個小朋友而讓開，但我發現亞女淨係企到cry，我就相信自己要做個example俾她學，將來得她自己一個面對同樣situation時知道點樣處理，於是我們再遇到同樣的情況，我會用堅定的語氣叫亞女同個講:小朋友，我們每人都要排隊玩，一陣你架啦！如果對方仍唔罷休，就再同他／她講：唔守規係唔啱架，唔係個個人都會讓你！總之點講都好，我會教亞女禮讓守規，亦要她學識為自己的權益去爭取！不過，如各位有其他意見，我都想學習，始終而家的社會太多千奇百怪的人啦。

TaTa83

我自已會教仔仔, "任何情況下, 一定唔可以打人", 就算俾人打都好, 我會教佢中文同英文ge講法(有機會遇到外籍小朋友or用英語溝通ge小朋友), 叫對方唔可以打人, 打人唔arm, 如果對方繼續打ge話, 我會叫佢避開, 同mami or 老師講~ 絕不容許還手!
如果人地搶佢野, 我會問仔仔想唔想俾佢玩先, 如果仔仔話ok, 咪讓人玩lor, 如果仔仔唔想, 會盡量叫佢自已同對方講我玩緊呀, 一陣俾你玩丫! 有時仔仔都會不自覺去law人地ge玩具玩(相信每個小朋友都有經歷過), 會叫仔仔問對方可唔可以借俾我玩呀? or 一齊玩好唔好呀? 如果對方話唔得, 就叫仔仔不如我地玩住第二樣先, 一陣等小朋友玩完我地至玩la~
仲有一樣, 就算對方個小朋友幾唔arm都好, 千祈唔好幫人教仔or話對方ge小朋友, 我親眼見過人地發生過, 通常都係好心無好報ga......
我成日覺得, 自已點教自已個小朋友, 第日係自已100%受返ga~

oooray

原帖由 ac917 於 10-5-10 09:50 發表
我都試過頗多同類經驗，早d的時候唔知處理，只有保護自己個小朋友而讓開，但我發現亞女淨係企到cry，我就相信自己要做個example俾她學，將來得她自己一個面對同樣situation時知道點樣處理，於是我們再遇到同樣的情況，我會用堅定的 ...

完全同意!
耳濡目染。小人愚見:唔守規矩o既小朋友95%成因係父母調校出來(我諗5%可能係先天原因)。
如果其他父母一律忍讓，不單對自己小朋友守禮概念扭曲；亦助長其他父母認同歪理係真理。
(琴日我先丙完個小朋友: 響公園霸住個滑梯完陀螺，請佢借過俾個仔玩一次；竟然仲駁咀話"有人用緊"，唔借，我咪好大聲叫”請你借開”!佢父母唔教就等我教訓佢囉!)

onchai

咦...我樓下公園d 小朋友(小學生) 都霸住個滑梯玩陀螺!

原帖由 oooray 於 10-5-10 12:07 發表

完全同意!
耳濡目染。小人愚見:唔守規矩o既小朋友95%成因係父母調校出來(我諗5%可能係先天原因)。
如果其他父母一律忍讓，不單對自己小朋友守禮概念扭曲；亦助長其他父母認同歪理係真理。
(琴日我先丙完個小朋友: 響公 ...

kb7724

樓主, 你個題目出錯了! 你完全無問題, 點解要氣餒???
Don"t give up!! 有問題既係d唔教仔女既父母, 既然有咁既小朋友同家長, 我地就更加要教好自己個小朋友! 唔係呢個世界既將來咪亂哂龍!
各位, 加油呀! 我地既堅持係有用架! 一定要當場同果d唔守秩序既小朋友講, 無論個小朋友聽唔聽, 比佢父母知道都好!

原帖由 oooray 於 10-5-10 12:07 發表

完全同意!
耳濡目染。小人愚見:唔守規矩o既小朋友95%成因係父母調校出來(我諗5%可能係先天原因)。
如果其他父母一律忍讓，不單對自己小朋友守禮概念扭曲；亦助長其他父母認同歪理係真理。
(琴日我先丙完個小朋友: 響公 ...

[ 本帖最後由 kb7724 於 10-5-10 12:59 編輯 ]

oooray

原帖由 onchai 於 10-5-10 12:35 發表
咦...我樓下公園d 小朋友(小學生) 都霸住個滑梯玩陀螺!

我認同滑梯係公園最理想既玩陀螺地方；我亦唔反對響冇人玩滑梯時用滑梯玩陀螺。
問題係"霸住"唔放!
如果個班小朋友響有其他人玩滑梯時禮貌地借一借；我會好尊敬佢地家長同老師；教出如此活潑有禮既孩子。
如果響playgroup遇上不止一個冇禮既小朋友暨不聞不問既家長群，我一定會開火"fair"完佢地然後quit或調班；因為實在不屑與不文明既家長一起。何必貼$$$幫人教細路?

rean_chau

我都好怕帶個仔去公園玩, 一D大朋友會追來追去,好鬼危險. 玩玩下比佢撞低就真係好唔抵..

我都試過遇到D霸住唔放既小朋友, 話完佢,佢想打我...哭住同佢亞媽告狀, 佢亞媽係咁安慰佢, 我無出聲, 費事塞錢落佢袋.小朋友點解會咁樣,父母既責任最大.

ac917

其實而家的香港真係雜左好多，我記得細個時去酒樓飲茶是可以傾計的，但而家d人傾計好似嗌交咁大聲，結果除左食野都冇咩好做！其實人地d父母諗乜已經唔能夠控制，但我好清楚自己小朋友現階段學d乜就完由湊佢及最親近佢的人身上學到，我當然要自己的小朋友有好品格，但亦不要佢地做 "鵪鶉"，就算人地亂黎都唔會被赫窒！自己啱就更加可以理直氣壯大大聲講囉！

brrbaby2007

原帖由 rean_chau 於 10-5-10 14:52 發表
我都好怕帶個仔去公園玩, 一D大朋友會追來追去,好鬼危險. 玩玩下比佢撞低就真係好唔抵..

我都試過遇到D霸住唔放既小朋友, 話完佢,佢想打我...哭住同佢亞媽告狀, 佢亞媽係咁安慰佢, 我無出聲, 費事塞錢落佢袋.小朋友 ...

我試過有個印度仔想打我阿B我即刻喝住，我同佢理論佢重駁咀兼好兇o甘掘住我..... ，俾阿B見到o甘重學壞

oooray

原帖由 ac917 於 10-5-10 15:08 發表
其實而家的香港真係雜左好多，我記得細個時去酒樓飲茶是可以傾計的，但而家d人傾計好似嗌交咁大聲，結果除左食野都冇咩好做！其實人地d父母諗乜已經唔能夠控制，但我好清楚自己小朋友現階段學d乜就完由湊佢及最親近佢的人身上 ...

題外話:香港人平均質素下降定學校德育徹底失敗?
唔明點解三十年前學校都有教既基本禮貌，到今時今日香港地仲有唔少不知所謂既大人細路?
隨街採礦或徒手"撩"牙，坐巴士奉旨飛象過河...唔好話晒新移民...好多地道年青人都係咁。

calbee6

講真,我真係好氣餒架.有d家長見自己小朋友打人唔理都算, 有d會以為自己個仔好叻架 - 識得捍衛自己鍾意的玩具. 其實上playgroup係俾機會小朋友學習sharing,都唔知點解佢地唔把握機會去教自己個小朋友,仲去縱容佢地去建立一個霸道的性格. 有時小朋友唔禮貌,d家長唔教仲係度笑,佢地會覺得個小朋友好叻,但其實係鼓勵小朋友唔禮貌唔尊重他人.

我絕對讚成 - 你今日點教個小朋友,將來自己一定會受返既.

原帖由 kb7724 於 10-5-10 12:57 發表
樓主, 你個題目出錯了! 你完全無問題, 點解要氣餒???
Don"t give up!! 有問題既係d唔教仔女既父母, 既然有咁既小朋友同家長, 我地就更加要教好自己個小朋友! 唔係呢個世界既將來咪亂哂龍!
各位, 加油呀! 我地既堅持 ...

Parisienne

我個囡兩歲時啱啱開始返Nursery，頭一個星期係trial class，父母可以觀課。其中有25mins响室內playground自由活動。好多小朋友一渦風衝去玩；有人玩單車，有人玩slide，有啲就跑去爬隧道....

本來好地地，但幾分鐘後就開始有碰撞。
首先，踩單車嗰個高大啲嘅小朋友越踩越快，仲開始專登撞人。被撞到嘅開頭驚，然後大喊。另外玩slide嗰边又有推撞，有啲小朋友跌跌碰碰，然位又爬起身。

眼見咁樣，我梗係緊張，怕自已個囡被撞跌！但見個外籍老師不慌不忙，慢條斯理咁等咗陣先行埋去扶起喊果個，然後叫撞人嘅小朋友過去道歉握手。跟住佢又行開。但佢一走開，個小朋友又繼續撞其他人！有啲無喊，有啲會避開。然後老師又叫佢落車道歉。

後來我忍唔住問個外籍老師(其實total 有兩個)，我話應該唔比佢玩，因為佢撞人。但佢話如果唔比佢玩，〝撞〞同〝被撞〞嘅小朋友都唔能夠學習點樣相處。只要安全情況下，佢哋多數只係觀察，只會係適當時作出教導。其實小朋友之間有自已相處方式，佢地唔建議大人太過干預。

我當時半信半疑，so far 我個囡又無事，所以我又無追問。咁我覺得某程度上都有道理嘅，老一輩話以前兄弟姊妹多，吵吵鬧鬧之中反而學習得到點樣相處，大人跟本揾食理唔到。相反而家子女少，矜貴咗，樣樣在旁保護到足又未必係最好。

我絕對無偏袒一啲唔教仔嘅父母，縱容自已子女蝦蝦霸霸。我只係想講，有時如果仔女被人蝦，可能都係學習成長嘅一部份。

my77

原帖由 calbee6 於 10-5-10 23:26 發表
講真,我真係好氣餒架.有d家長見自己小朋友打人唔理都算, 有d會以為自己個仔好叻架 - 識得捍衛自己鍾意的玩具. 其實上playgroup係俾機會小朋友學習sharing,都唔知點解佢地唔把握機會去教自己個小朋友,仲去縱容佢地去 ...

Don't worry of your child being bullying, it is a process of him/her to learn how to tackle. My girl got stunned when being scratched on her face when she was two, but from time to time she learned how to protect herself.

On the contray, i keep on to remind myself not to overparenting. u cannot protect her for her rest of her life, instead you should teach him how to survive under different circumstances, isn't it?

oooray

原帖由 Parisienne 於 10-5-11 01:35 發表
我個囡兩歲時啱啱開始返Nursery，頭一個星期係trial class，父母可以觀課。其中有25mins响室內playground自由活動。好多小朋友一渦風衝去玩；有人玩單車，有人玩slide，有啲就跑去爬隧道....

本來好地地，但幾分鐘後就開始有碰 ...

同意。但Nursery Class係一個溫室；係安全既環境下當然可以俾小朋友自行探索；但出面(唔好話公園，屋苑會所亦然)有太多小禽獸橫衝直撞。
個女歲半時試過係會所俾d"會所街童"(無成人看管個d)撞到360度打轉(好彩地下有軟墊)；而個d"會所街童"根本唔知咩叫禮貌....

brrbaby2007

原帖由 oooray 於 10-5-11 10:00 發表

同意。但Nursery Class係一個溫室；係安全既環境下當然可以俾小朋友自行探索；但出面(唔好話公園，屋苑會所亦然)有太多小禽獸橫衝直撞。
個女歲半時試過係會所俾d"會所街童"(無成人看管個d)撞到360度打轉(好彩地下有軟墊) ...

你當時點做呀？好似教/閙佢地都冇用.....