點教仔? 好氣餒!!

oooray

原帖由 brrbaby2007 於 10-5-11 10:23 發表


你當時點做呀？好似教/閙佢地都冇用.....

大部份會所遊戲室都有好詳細白紙黑字條文；例如十幾歲以下不准進入；沒有成人陪同不准進入...但多數冇staff會嚴格執行(得罪住客等於自殺);
我只係做左一樣野:要求會所嚴格執行以上條文。
當然有野跟尾....會所街童被拒於門外後，d野蠻家長走去會所大吵大鬧。
結果當然係正義戰勝邪惡!
對付呢d刁民使乜自己出手?

brrbaby2007

原帖由 oooray 於 10-5-11 10:50 發表

大部份會所遊戲室都有好詳細白紙黑字條文；例如十幾歲以下不准進入；沒有成人陪同不准進入...但多數冇staff會嚴格執行(得罪住客等於自殺);
我只係做左一樣野:要求會所嚴格執行以上條文。
當然有野跟尾....會所街童被拒 ...

又學到嘢

四隻貓

很同意你和外藉老師的看法。我女兒初期也常常向我哭訴有小朋友推打她，我會安慰她，但更重要是教她如何處理問題。她現在會懂得向對方表達＂打人唔0岩＂＂大家一同玩＂，也很堅強面對問題，不會再一味只會哭了。
小朋友要學習群體生活和如何跟小朋友相處。太保護會防礙他們的發展。

rean_chau

亞仔有時去公園玩都會搶人地D野,有時我唔會制止佢, 唔係唔想教佢,而且想比佢知道人地既反應係點,結果有時敗北而且仲比人打 (你知小朋友D反應係好直接, 捍衞自己D野麻),喊住返來揾我..然後再同佢解釋,同埋下次再去公園時要帶自己既玩具. 回想起有一位朋友同我講教小朋友時要注意三點:
1.要有耐性
2.佢唔係想像之中咁差
3.唔好對佢期望咁高.

令我反思又反思,每次教仔遇到錯挫時都會諗起呢三點.

Capricorn2521

回覆 16# Parisienne 的文章


Agree. This is a learning process.

There are a lot of nice parks/playrooms all over Hong Kong. I can choose wherever I feel comfortable...... and find a suitable environment for me to teach my son.

[ 本帖最後由 Capricorn2521 於 10-5-11 15:39 編輯 ]

bbaudrey

唉~~我諗每個小朋友, 同家長都會面對喱d情況, 有時我都唔識點樣教自己個女~~

好似今早咁, 我個女排隊想玩個玩具, 點知佢前面個小朋友唔識玩, 佢都係諗住話比個小朋友知點玩啫, 點知個小朋友一手推咗我個女落地, 當然我個女立即就喊到出唔到聲喇, 最差係果個小朋友嘅媽咪仲向到笑喎, 覺得自己個小朋友好叻, 做得好好咁喎~~

有時眼見個女受委屈, 自己都覺得唔舒服, 但又可以點呢, 人地個家長都唔出聲, 唔通鬧人地個小朋友咩~~~

oooray

原帖由 bbaudrey 於 10-5-11 15:56 發表
唉~~我諗每個小朋友, 同家長都會面對喱d情況, 有時我都唔識點樣教自己個女~~

好似今早咁, 我個女排隊想玩個玩具, 點知佢前面個小朋友唔識玩, 佢都係諗住話比個小朋友知點玩啫, 點知個小朋友一手推咗我個女落地, 當 ...

退一萬步諗:有d咁冇家教既小朋友墊底，妳個女將來成功既希望又邁進一大步!

tungtsz

原帖由 oooray 於 10-5-11 16:54 發表

退一萬步諗:有d咁冇家教既小朋友墊底，妳個女將來成功既希望又邁進一大步!

哈哈...講中我既心聲...好多時遇到d無禮貌既小朋友+家長...我都會用呢個想法去安慰自己

個人覺得"身教"好緊要...首先家長一定要做個好榜樣...

bbaudrey

之後諗番都覺得唔應該唔開心嘅, 但當時個刻真係好激氣, 向個女面前, 定住條氣都唔出得聲~~~

anlywan

好同意呢位媽咪的講法.....

原帖由 TaTa83 於 10-5-10 11:39 發表
我自已會教仔仔, "任何情況下, 一定唔可以打人", 就算俾人打都好, 我會教佢中文同英文ge講法(有機會遇到外籍小朋友or用英語溝通ge小朋友), 叫對方唔可以打人, 打人唔arm, 如果對方繼續打ge話, 我會叫佢避開, 同mami  ...

kerkermui

原帖由 Parisienne 於 10-5-11 01:35 發表
後來我忍唔住問個外籍老師(其實total 有兩個)，我話應該唔比佢玩，因為佢撞人。但佢話如果唔比佢玩，〝撞〞同〝被撞〞嘅小朋友都唔能夠學習點樣相處。只要安全情況下，佢哋多數只係觀察，只會係適當時作出教導。其實小朋友之間有自已相處方式，佢地唔建議大人太過干預。

其實睇咗頭幾段reply, 我有d 驚訝.. 因為我同阿嫂都主張隨得佢地"打".. 當然响街就會睇緊d, 但係阿仔細粒, 多謝係俾人蝦, 所以問題不大~

我好同意嗰位老師嘅做法, 家長唔應該過份保護小朋友, 咁樣佢地學唔到點同同齡嘅人相處.. 呢個過程, 家長只可以從旁講道理! 就好似學行咁, 大人係要放手, 小朋友係要跌過先得!

孩子大喇~ 你想養個溫室孩子就繼續保護佢地啦~

(btw, 如果俾你地响街見到阿仔, 一定會話我唔管教佢.. monkey得好緊要!)

ac917

我同意小孩要自我學習適應環境成長，所以在小朋友未識處理這種情況時，就把握這些機會學習用正確的方法爭取自己的權益，例如有其他小朋友不守規時，叫他學習表達，如果我們不教，他們有機會就是學了不正確的方法，例如搶番人d野，別的小朋友怎樣不妥不是我的重點，我的小朋友懂得怎樣處理問題才是最注的，我絕對agree小朋友必須自己成長不能太過保護，但我並不完全同意外國人任由小孩自己發展，在還年幼之時在旁指導的重要，小朋友就可以即時學習或叫practice，有些case事後說就減低學習的印象，當然入得來呢度的都是有教養的家長，絕唔會教自己的小朋友以暴逆暴既！

Capricorn2521

原帖由 happyday5hk 於 10-5-13 00:47 發表
呢方面我都有試過遇到好激氣的經驗，我同阿女(2歲)去睇醫生，係診所有玩具玩，有個女仔(差不多年紀)見我啊女玩咩就搶咩，阿女就只係不停叫媽咪，我真係好激氣，用凌厲眼神望個女仔，都仲係吳驚，佢阿媽又毋反應，最後到我個女入去見醫 ...

本身我都係比較贊成小朋友自由交手的，但如果發現係有心針對，而不是想玩玩具，聽落又真係好激氣。

我幻想如果係我的話..我會.......
見佢搶咗2-3次，走過去同亞女講：BB, 玩緊咩野呀? 媽咪同你一齊玩呀! (幼稚園老師高8度feel) 走到2人之間隔開佢地。
如果佢吾驚大人，繼續搶，我會同個女仔講：BB玩緊播，要排隊/等一陣啦！
如果佢不理，我會問吓我個女借比佢玩好吾好，如果亞女吾肯，我會同佢講：bb未玩完，等一陣。
如果佢繼續搶，我會同佢講：你同媽咪商量吓，睇吓玩住d mug 先啦! (大聲d，要佢媽咪聽到，希望拉賣佢過黎)
如果都不得，我就會同亞女講：bb呀，我地過黎哩邊玩呀! 然後，帶亞女去另一邊。
如果佢仍然跟著黎搶野，我就會好吾客氣同佢講多次：BB玩緊，要排隊。
一定不會比佢搶到亞女D野。
因為我已經比咗好多次機會佢，大人又吾理，唯有我去作最後決定啦！

[ 本帖最後由 Capricorn2521 於 10-5-13 12:30 編輯 ]

tantanmama

上個星期我媽帶我個女(16個月)去公園, 我個女玩緊一樣嘢,有一個大約兩歲幾嘅女仔走埋黎搶, 本來我個女讓開少少同佢一齊玩, 佢就變本加厲一手推開我個女, 撞落隔籬個男仔(約兩歲), 個男仔又推我個女撞返個女仔. 於是佢三個小朋友就打起上黎.  
個女仔嘅亞媽全程旁觀冇理, 個男仔嘅亞媽叫我個女行開俾個女仔玩, 因為我個女唔夠佢打!我媽就同三個小朋友講唔可以打架, 要排隊玩. 從三個家長嘅處理方法, 就明白到三個小朋友點解有咁嘅反應.

oooray

原帖由 happyday5hk 於 10-5-13 00:47 發表
呢方面我都有試過遇到好激氣的經驗，我同阿女(2歲)去睇醫生，係診所有玩具玩，有個女仔(差不多年紀)見我啊女玩咩就搶咩，阿女就只係不停叫媽咪，我真係好激氣，用凌厲眼神望個女仔，都仲係吳驚，佢阿媽又毋反應，最後到我個女入去見醫 ...

哈哈!
診所d玩具咁多細菌/病毒...有人要搶我一定雙手(帶住手套)奉上。

rean_chau

想分享岩岩睇完既一本書: 如何培養孩子的社交能力. 入面有一部份係講管教小朋友打人/搶玩具既情況:
'我能解決問題'

媽媽:ALEX, 老師告訴我你又搶玩具了。告訴我是怎回事？（媽媽幫孩子認識問題）
ALEX: SAM拿了我的吸鐡石，不肯還給我。
媽媽：你當時為甚麼一定要拿回來？　（媽媽要了解更多的信息。）
ALEX:因為他已經玩了好長時間了. (如果媽媽只要求他分享,是了解不到這些的)

媽媽:你那樣搶玩具, 你覺得SAM會有甚麼感覺? (媽媽幫孩子考慮其他孩子的感覺)
ALEX: 很生氣，但我不在乎，因為吸鐡石是我的。
媽媽：你搶吸鐡石的時條，SAM做了甚麼?
(媽媽幫助孩子思考行為的後果)

ALEX: 他打我!
媽媽:那你有甚麼感覺? (媽媽幫孩子思考自己的感受)
ALEX :生氣
媽媽: 你生氣, 你的朋友也生氣,並且他打了你.你能想一想你兩都不生氣, 而SAM也不會打你的方法拿回玩具嗎?
ALEX: 我可以請他給我.
媽媽: 那樣的話可能會發生甚麼呢? (媽媽已指導孩子思考正面的解決辦法會產生的後果.)

ALEXL:你會說不.
媽媽: 他可能會說不。你還能想到甚麼別的辦法拿回玩具呢？　(繼續把重點放在孩子的問題上,媽媽鼓勵他想出更多的解決辦法.)

ALEX: 我可以讓他玩我的玩具車.
媽媽: 好主意,你想到了兩個不同的方法.

媽媽幫助兒子思考了他自己及他人的感受，他的行為的後果以及其他做法。這位媽媽是在教孩子　如何思考，而不是思考甚麼。

Parisienne

Good!!

原帖由 rean_chau 於 10-5-13 23:28 發表
想分享岩岩睇完既一本書: 如何培養孩子的社交能力. 入面有一部份係講管教小朋友打人/搶玩具既情況:
'我能解決問題'

媽媽:ALEX, 老師告訴我你又搶玩具了。告訴我是怎回事？（媽媽幫孩子認識問題）
ALEX: SAM拿了我的吸鐡石 ...

brrbaby2007

原帖由 rean_chau 於 10-5-13 23:28 發表
想分享岩岩睇完既一本書: 如何培養孩子的社交能力. 入面有一部份係講管教小朋友打人/搶玩具既情況:
'我能解決問題'

媽媽:ALEX, 老師告訴我你又搶玩具了。告訴我是怎回事？（媽媽幫孩子認識問題）
ALEX: SAM拿了我的吸鐡石 ...

Good! Help them to analyses!!!

[ 本帖最後由 brrbaby2007 於 10-5-14 15:04 編輯 ]

spmok1999

原帖由 rean_chau 於 10-5-13 23:28 發表
想分享岩岩睇完既一本書: 如何培養孩子的社交能力. 入面有一部份係講管教小朋友打人/搶玩具既情況:
'我能解決問題'

媽媽:ALEX, 老師告訴我你又搶玩具了。告訴我是怎回事？（媽媽幫孩子認識問題）
ALEX: SAM拿了我的吸鐡石 ...

一個十幾個月至兩歲o既 bb 邊識講咁多o野同明白大人講d乜, 就算當時一刻聽得明轉過頭小朋友還是很快會忘記的, 只有不厭其煩的重複又重複同小朋友講, 如果都係唔聽話我會強行拉佢走咩都唔比佢玩, 會同佢講下次唔聽話咩都冇得玩, 仲要佢即刻道歉講 sorry ...