- 在線時間
- 232 小時
- 最後登錄
- 18-10-8
- 國民生產力
- 13
- 附加生產力
- 78
- 貢獻生產力
- 0
- 註冊時間
- 08-1-22
- 閱讀權限
- 10
- 帖子
- 80
- 主題
- 3
- 精華
- 0
- 積分
- 171
- UID
- 177097
|
我都好想分享一下我的"經驗"
早前, 喺bk見有媽媽力薦九龍塘某幼稚園的幼兒班(不是出名的名校), 便想打仔仔去碰碰運氣, 終於, 今年一月, 第一次去interview(兒子剛剛16個月), 還不太懂說話, 更不肯在陌生人面前說話, 當然即時已被通知為"不用再面試的備取生", 亦明白所謂不用再面試, 亦等同reject了, 然後再沒有任何寄望
幾個月過了, 竟然於再收到該校來信, 邀請我們再帶仔仔於本月初再到該校進行第二次面試, 當時, 真的滿心歡喜, 以為有希望!
到第二次面試當天, 我自己一個人帶仔仔到學校, 在外面等一會後便跟老師進入課室! 老師眼定定咁望著仔仔, 跟仔仔講早晨, 然後叫仔仔同佢講"老師早晨", 當時我在旁邊已同老師講, 仔仔暫時只能發單音叠字, 他還未學懂講"老師", 但, 那老師好似聽唔到我所講嘅說話...繼續迫佢講, 當然, 我仔都係講唔到啦!!
然後, 老師又問:"小朋友你叫咩名"..仔仔諗咗一陣, 講咗佢自己個名的單字, 老師即刻同佢講:"唔啱, 你係叫xx", 我唯有再同老師講:"佢真係未發到兩個音, 我有教佢講佢自己名, 但佢未講到"...當然, 老師又係無理到我, 好似聽唔到咁啦...
之後, 老師又問:"小朋友, 你爸爸呢?", 咁我再喺旁邊同老師講:"爸爸因為突發工作關係, 要通宵,還未下班, 因此嚟唔到" 但...老師又係無理過我, 依然係聽唔到我所講嘅說話, 嗰刻...我真懷疑緊自己係咪講緊外星話, 定係變咗透明!!
被老師不段追問爸爸去邊之後, 仔仔亦伸出兩隻手板, 做了"沒有"的姿態, 確實當時, 的而且確係沒有爸爸在場, 我仔仔是明白老師所講, 亦用身體語言表達了...
然後, 都係玩下搭積木, 推波, 砌動物, 全部都做到, 但一邊做, 老師依然迫仔仔講:"老師早晨", 當然我仔無理佢啦, 佢個樣又目無表情, 仲不斷迫佢講一句句子...要一個20個月小朋友講句子, 我只能說,. 我仔確實做唔到!!慶幸我仔當時面對咁大壓力都無喊, 我已經覺得佢好叻仔喇!
老師同小朋友玩完之後, 到問我問題了...都係好"行"嗰幾條啦, 點解想小朋友入讀, 知唔知學校理念....我都有答老師, 終於, 我發現我唔係透明人了...原來老師係聽到我講野喎....超無奈!!
結果,面試完畢, 老師俾張form我簽, 大約係要我同意申請做後備生, 好啦...簽囉...反正唔駛俾錢, 咪填囉...簽埋名..老師又開始好"專業"咁同我講:"其實, 一個20個月嘅男仔嚟講, 佢已經好好架喇, 你做家長嘅, 唔好迫佢講咁多, 順其自然啦"...吓!!!我迫佢咩??? 然後我都同老師講..."老師, 我知道我仔講野係唔叻, 但佢係可以通過健康院歲半的語言能力測試, 亦唔須要2歲再返去評估!!"...當然, 老師就好"專業"咁又同我講:"慢慢嚟啦, 唔迫得嘅!!或者你嘗試下同佢講野時, 眼定定咁望住佢, 並要佢都望住你啦...."聽完...我更加無名火起, 大佬呀....明明係你迫佢...又講到係我唔啱咁...結果, 我都帶個仔走喇...
回程途中, 我問仔仔係咪唔鐘意呢度, 佢即刻擰哂頭, 睇嚟真係好唔鐘意喎, 然後我話...以後都唔嚟喇, 好唔好, 佢即刻點哂頭, 仲嗯tim....
好彩...我都有其他學校收咗, 亦唔須要再去等呢間"好學校"嘅waiting位...就算有...都咪搞喇...唔想再嚟俾人玩!!
anyway, 以上只係個人經驗, 見樓主所講, 好明白當中感受, 有感而發... |
|