科科唔合格, 真係驚會踢出校~~

Man^o^

Giant,

成績唔好, 小朋友自己都會好唔開心, 每日應付功課, 默書, 家長各方面既壓力, 小朋友又點會肯讀書呢 ? 我意思想話, 可能唔係小朋友讀障, 智商有問題, 而係佢心理抗拒讀書寫字............我仔都係甘, 坊間所有專注, 讀障, 心理醫生各方面都check 過晒, 但係佢都係小二開始成績每況愈下, 近呢兩年主科未試過合格, 每晚做功課最早起碼至 12 點, 補習, 私人補習, 每次測考我請足大假陪佢溫書, 故事式, 攪笑板, phonics, 卡紙, 自製考試卷各方面都做過, 成績都係甘........... 只不過我仔學校好包容佢, 冇因為佢成績唔好放棄佢, 每日都不停鼓勵佢 (因為我同學校做足溝通, 俾學校知道我呢個家長冇放棄佢, 仲不斷尋求辦法去幫小朋友), 所以妳要同學校溝通一下, 如果因為佢成績唔好而要佢離校, 放棄佢............我諗妳都係趁依家小二同佢轉校好過....... 我仔今年 P4, 多得老師幫助, 佢有機會試做風紀 (通常成績好先有機會做), 唔知係咪甘, 佢下學期測驗突然進步左好多好多, 除左英文, 其它科科都合格, 小朋友其實好睇心情讀書, 要俾時間佢地玩下, 放鬆一下, 佢地心情好 D, 自信心足夠, 自然會有進步既空間, 慢慢試下喇, 我都係過來人, 我好明白妳既心情既..............  

原帖由 Giant 於 10-5-19 13:58 發表
小二喇, 根本冇心機讀書, 成日遊魂, 一攞起本書就喊定先, 學期尾喇, 冇科試過合格, 真係驚佢踢出校, 到時要(pok)學校就有排煩

littlejennyho

如果真係追唔到, 早O的轉校好過遲O的轉，去一間功課少一點, 要求低一點的學校會好一點
因為及早打返好個底好過繼續拖

wega

Giant,

今天在街見到個 banner 介紹5/29 (Sat)係浸曾大學有個免費講坐, 係講學習差異的兒童困難與出路, 唔知對你會唔會有幫助, 你可電2537 2480 王少姐查詢.

原帖由 littlejennyho 於 10-5-22 11:34 發表
如果真係追唔到, 早O的轉校好過遲O的轉，去一間功課少一點, 要求低一點的學校會好一點
因為及早打返好個底好過繼續拖

[ 本帖最後由 wega 於 10-5-22 17:55 編輯 ]

Giant

原帖由 wega 於 10-5-22 13:10 發表
Giant,

今天在街見到個 banner 介紹5/29 (Sat)係浸曾大學有個免費講坐, 係講學習差異的兒童困難與出路, 唔知對你會唔會有幫助, 你可電2537 2480 王少姐查詢.

...

唔該晒, 不過已經full晒lu, 期待下次啦。

aryee

原帖由 Giant 於 10-5-19 17:38 發表
社工話佢有讀寫障礙,但學校唔理妳障唔障礙, 只睇分數之嘛; 每日放工跟功課、食飯沖涼, 其實都已冇乜時間剩, 佢每日已經連玩嘅時間都冇, 默書測驗又排山倒海咁嚟, 真係好難做到社工所講”攤長嚟教”囉 ...

如果小朋友有讀障，學校又唔支援，係咪應該考慮有support既學校呢﹖據我所知，有讀障既小朋友，響功課同考試上都應該有調適。

LapLapMom

如果有時間，試下照去，可能有家長報了名，到時又冇去，咁會有位剩。

原帖由 Giant 於 10-5-25 17:47 發表


唔該晒, 不過已經full晒lu, 期待下次啦。