7月6日放榜日，如果被派中學未如理想，叩門有咩程序

凍奶茶

如果放榜當日被派中學未如理想，我有兩間心儀中學想去叩門，應該做咩嘢先呢？

1) 是否當日就要去原本被派中學先註冊，還是馬上跑去心儀中學報名？
2) 其實是不是同一天就要去註冊？還是有幾天期限。
3) 7月13日繼續去被派中學考「中一入學前香港學科測驗」
4) 通常叩門中學幾時通知的學生收唔收佢，要不要再考試？

請各位有經驗的家長指點下，希望7月6日快D到，快D了斷。

凍奶茶

多謝2008mum2008的詳細回覆，明白了。

凍奶茶

現在日日望住個月曆等7月6日來臨，又唔知7月6日當日會發生乜事，簡直係度日如年，真係俾香港的教育制度玩死。

凍奶茶

原帖由 pineapple0983 於 10-5-31 10:23 發表

唔怕同你講，去年這段時間我就係乜都唔做，大安旨意諗住掂梗，到左大抽獎放榜當日，同跟住ge個幾月，渡過左一段黑暗ge日子；當時個大女成日問我：點解我咁努力，個結局都係咁？
到今年個細仔要升中，我而家處之泰然，一D都唔驚。 ...

看來妳大女去年派位應該不理想，最後是否叩門成功？
請問叩門是否一定要有叩門信，還是填叩門學校的申請表便可？請問有沒有叩門信可供參考呢？好讓我現在準備叩門文件。我的電郵已pm給妳，謝謝。

凍奶茶

原帖由 紀賢媽媽 於 10-5-31 17:22 發表


知道而家做家長難.我個仔過几日就呈分試啦,我也很緊張........

很多小學早已完成最後一次的呈分試了，我個女3月時已考了最後一次呈分試，老師還根據3次呈分試的平均分去計算全級名次，讓學校及學生估計banding作選校用途，你的兒子是否過幾日考學校的考試而已，其實不是呈分試，因為我個女下星期都要考試，只不過是普通學校考試。

凍奶茶

原帖由 pineapple0983 於 10-6-1 11:35 發表

我覺得佢應該講緊小五期終考嗰次呈分試(第一次呈分試)吧。
如果而家先考，真係。。。。。

同意。

凍奶茶

原帖由 KWT 於 10-6-1 11:43 發表


可能是畢業試.下星期我仔仔都要考畢業試.

很多朋友的細路都是6月7或6月8考試，我個都係，不過心情已比之前考呈分試輕鬆，雖然我知道今次考試對升中叩門很有用，但我的心情由女兒5年級第一次呈分試時已繃緊到第三次呈分試，繃足一年有多，已經無力再繃緊了，就好似橡筋拉得多，已經失去回彈力，今次考試反應輕鬆了，唯有靠個女自己了。

凍奶茶

原帖由 O仔媽咪 於 10-6-1 12:19 發表
我囝囝9號開始考呈分試啦(五年級)！ 將會經歷你們過去一年的感受！

每個階段都有不同的經歷，考試呢家嘢，我地做父母的只可以從旁監視+鞭策+鼓勵，主要都要靠個細路自己。
我認為3次呈分試的重要性都不同，第一階段自行收生，中學會向教育局索取頭兩次的呈分試平均成績作參考，統一派位就以三次呈分試的平均成績分banding。
如果第一次考得好D，第二、三次只要保持成績便可，否則第二次就追得很辛苦，我個女就系第一次就失手，第二次我們追得好辛苦，壓力很大。

凍奶茶

原帖由 pineapple0983 於 10-6-1 14:41 發表

由於小學生仍然未定性，我哋責任好大；要引導佢地做好多練習，仲要同個小朋友分配時間。當然，如果對個小朋友冇期望就冇乜所謂啦。
對唔住補充你少少，3次呈分試個比重係唔一樣架；呈分試成績並唔係：(成績1+成績2+成績3)/3。
我 ...

3次呈分試還有輕重之分？從來沒有聽過，請提供多D點資料？

凍奶茶

原帖由 一家的太陽 於 10-6-1 15:14 發表
會否因為第3次只用來大抽獎定banding,所以話比重最細?
而第1,第2次既成績還用來自行考學校.

同意你的睇法。

凍奶茶

原帖由 pineapple0983 於 10-6-1 16:08 發表

係教統個女人講ge，我不嬲都覺得3次應該一樣嘉嘛。

我估她的意思是自行階段看頭2次呈分試，統一階段只加進第3次呈分試分數，影響力較少，如頭2次考得差，第3次有進步也不能拉高整體分數去提高BANDING，所以說比重較輕。

唔知咁樣估對不對？

凍奶茶

原帖由 sleepingbeauty 於 10-6-1 16:54 發表
sorry, 想問一問, 咁profile係米都要影幾份, 預備交唔同學校?

綜合2008mum2008 + pinapple0983的建議，放榜前一兩個星期決定叩門學校，然後問定準備叩門的學校的叩門程序及所需文件，就知要影幾多份。

凍奶茶

原帖由 CINDYC 於 10-6-1 22:16 發表
我都係, 好似癲婆咁, 阿囡同我都唔好過!
阿囡已經係有直屬中學, 我哋以為壓力無咁大, 原來唔係, 每一次呈分大家都萬分緊張, 呢個過程真係好折磨!
不過而家等結果, 希望大家如願以償
(我基本上已知結果, 但都 ...

無錯，我都似癲婆咁癲咗年半，此刻暫時癲完。妳就好，己經知道結果，我重要等到7月6才知下一步要點樣走。

我個女之前問過我，如果派不到心儀中學，會不會喊，我想也不想便即刻回答佢，邊得閒喊！應該馬上出發去心儀中學申請叩門位，我們已經盡力，派不到只是唔好彩，小學都派唔到心儀小學啦，派唔到心儀中學又有乜出奇，女兒看見我這麼堅定的答案，好像放下心頭大石似的，希望各位家長緊記，無論7月6的結果怎樣，都唔好發癲，冷靜去面對，否則很容易嚇親個細路。

凍奶茶

原帖由 2008mum2008 於 10-6-2 20:53 發表

辛苦咗兩年，如果派得吾好，真係會晴天霹靂，一時間確實好難冷靜！其實派位結果7月5日已經送達各小學，家長們可以打個電話問吓校長或班主任，要吾要準備定叩門文件？佢哋可能吾會明示，但係會暗示”準備定啦”。

早一日知道可 ...

看其他家長的主題，有家長說叩QE即時告知取錄，乜叩門時會即時面試？
http://forum.edu-kingdom.com/viewthread.php?tid=2207879&extra=page%3D1

有沒有家長可以分享下去年的叩門經驗，請告知那一中學？是否放榜當日要即日遞表？即日或第幾日面試？等等經驗...

凍奶茶

原帖由 2008mum2008 於 10-6-10 22:24 發表


個人經驗冇即時面試/筆試，佢哋會係截表後，揀選合適嘅學生進行筆試. 舊年嘅截止叩門時間由半日至兩日不等.
1) 窩打老道真光叩門時限得半日, 下午就考筆試, 傍晚有結果都吾出奇.
2) 大坑真光叩門時限有一日.
3) 港島民 ...

請多D家長分享下去年的叩門經驗，請告知那一中學？是否放榜當日要即日遞表？即日或第幾日面試？等等經驗...

凍奶茶

每過一天，我就在月曆劃一天，講講下重有3個星期零一天就到放榜日啦。

我覺得升中派位比升小派位緊要，回想當年派小學時沒有現在那麼緊張，因為小學派位機制，純講隨機號碼先後；但中學派位，首要keep住學校成績在band 1位置，才可以有較大機會派到英中，由四年級開始，我已經不敢有些微放鬆女兒的成績，除了學校成績，自行及統一派位選校亦要講求策略，總之勞心勞力，都唔知點解香港地，想讀好D書要咁辛苦。

我和家人都很想去旅行輕鬆下，現在甚麼都不可以做，都是要等到7月6日才知跟住要做乜。

凍奶茶

原帖由 hw1115 於 10-6-15 16:46 發表


首要keep住學校成績在band 1位置

(請問以您間學校為例, 全級考第幾才是band one ?)

我個女就讀於一間普通小學，不是名校，去年全級152人頭40名派入英中，相信今年全級頭30名應該安全派到英中，所以在統一派位方面，我的目標是全級頭20名便可。

凍奶茶

原帖由 pineapple0983 於 10-6-16 11:22 發表

你好似係沙田個喎？

我是油尖旺。