瑪利曼同真光

bowra

作為過來人, 可給你一點意見.

我當年就係果一批上不到瑪利曼中學(當年叫瑪利諾), 又考到真光中學其中之一嘅學生.  F1被編到一班大部份瑪利曼, 聖保祿, 聖心等校'不要'嘅學生一同讀書, 感覺非常'親切'.  課程淺, 尤其英文; 音樂書內竟然有首我P2唱過的英文歌, F4那年又有一首P6唱過的!

上到F2, 學生開始大撈亂, 接觸到真光小學上來的學生.  可見佢地係就真係好努力, 但一到英文科嘅科目, 就好似欠左d嘢, 力不從心.  每到英文默書, 我地呢班唔駛太點讀, 佢地就讀到cc下.  不過上到upper form就差不多level, 大家都要讀.

最近喺Facebook搵返Marymount直升中學的小學同學, 知道的起碼有兩個做醫生, 兩個做律師, 不用做的也做緊少奶奶, 第二代讀的是國際學校.  (註: 呢班同學95%當年也有到外國升學的)

真光出來的一班, 有70-80%是基督徒(這點對有宗教信仰的人嚟睇係直得鼓舞), 知道的有做醫生, 物理治療師, 護士, 老師等.  同學比較起嚟樸實, 平民一點.

個人感覺Marymount除英文ok外, 學術上好似無咩特別, 除非再浸下鹹水.  真光英文無咁叻, 但讀得書的大有人在.  (我班當時最叻果個7A1B).  若我一心比個女遲d過外國讀, 我會選Marymount.

bowra

abc媽咪:

會否大壓力等問題, 我諗最好問返而家有女女讀緊d媽咪啦.

我讀緊果個年代仲有好多富豪子女讀 (eg 何莉莉四子女), 功課有壓力外 (高年班亞媽都唔識要補習), 比較差的同學, 老師會當眾鬧佢地懶 (用'死蛇爛鱔'等字眼); 另物質上也會有比較, 同學仔最鍾意去當時的Gift Gate買野, 電視一有新野出, 就好快見佢地有.  當時的 grading 也很 harsh, 95-100 先攞到A (B: 85-94: C: 70-84; D: 60-69, 60留下不合格).  所以去到真光對我嚟講係一種解脫.

我諗而家唔同哂, 最少老師唔鬧會人 ...

不過老公同事話, 之前揸架日本車去比個校工叫泊開d, 唔好阻住條路, 但轉頭見到架寶馬就揮手叫泊埋去 ...

原帖由 abc媽咪 於 10-6-7 09:54 發表
謝謝bowra! 我正是有宗教的人!
再請問下, 當年在瑪利曼小學的日子, 是否Enjoy? 會否大壓力?