Net 35, 誰獲派第一志願呀？

mimifans

其實35校網真的不太好, 只有7間學校, 其中一間是女校, 對於小男生來說, 選擇只有6間, 基本上黃埔區家長都是以紅磡馬頭涌官立小學為第一首選, 太多太多人掙一個學位!

紅馬每次第一round的自行收生階段都收到超額, 本身有125個學位, 收一半學生大概63人, 以今年來說, 大抽獎的學位只有58人, 即是說自行收生已收了67人, 超出4個限額, 可想以知大家一起選擇的時候, 就會有好多人派不到, 如沒有私學在手的家長, 建議選擇奉基千禧, 起碼校舍新, 科技先進, 小朋友會讀得開心啲!

聖提摩太並不是你們想像中的差, 只是不在黃埔區內, 不常見到, 就以為都唔知咩學校嚟, 校舍雖舊一點, 但教育歷史悠久, 跟黃埔宣道, 奉基都是一般普通成積的學校!

最得人驚的應是葛量洪, 小朋友讀完6年書就咩都唔識, 活動教學即是只有活動, 沒有教育, 在學校沒有實質的教學, 學生家長完全沒有壓力, happy的過每一天, 但到了中學, 就死火, 咩都唔識點跟得上呢? 比你留班都算好彩, 仲讀唔掂, 真的唔知要搵間咩中學比佢讀, 害死仔囡的前途!

以下提供2010年小一統一派位的大抽獎學額:
天神嘉諾撒 : 34 (總收生 大概75人)
馬頭涌官立 : 58 (總收生 125人)
奉基 : 50 (總收生 100人)
奉基千禧 : 50 (總收生 100人)
葛量洪 : 110 (總收生 ? )
黃埔宣道 : 75 (總收生 150人)
聖提摩太 : 69 (總收生 ?)

黃埔區有咁多學生, 但好的學額就得咁少, 所以派到第一志願的都是很困難, 如家庭環境可應付, 先留私校學位才以大博的精神大抽獎, 或選擇保良局林交燦直資小學也不錯, 只是校舍舊, 但校長及老師都是精英中的精英, 好有教育精神及抱有理想, 平學費而且全英語授課, 資源豐富, 位於九龍城中學校網, 只是沒有得大抽獎, 2011年的家長可留意一下!

我囡囡是今年入讀小一的學生, 花了很多時間報考私學, 考咗10多間, 只有一間正式收, 及一間做後備, 當中有苦自己知, 時間一日一日的過去, in咗好多間, 才收到一間私校正式收佢, 當時已開心到不得了, 所以到派位選校的時候, 也以沒有所謂的精神選校, 打定輸數, 完全講彩數!

甲部三個選擇全部都不是35區, 博一博!

乙部第一志願就是天神, 囡囡好幸運的獲派了!

所以2011年的家長應做足功課, 唔好等到花兒也謝了的時候才問人已是太遲了, 一分耕耘, 一分收穫, 白過了準備的一年, 發夢醒時才知錯, 小寶寶如何是了!

mimifans

我囡囡不是林文燦做backup, 係"私校", 只是建議2011年入讀小一的35區家長可考慮林文燦!

我也建議了幾位男生的家長今年入讀林文燦, 因為35區的大抽獎很難博, 由於她們沒有私校的offer, 更加頭痛, 所以選擇放棄大抽獎, 入讀林文燦直資小學!

其實, 南亞裔學生沒有你們想像中的壞, 讀書也很好, 只是活躍多一點, 請你們不要帶有色眼鏡去睇佢地, 小朋友大家都是一張白字,  純真笑容都是一樣的, 相反我覺得佢地好有氣量, 要忍受周遭的奇異目光繼續生活, 試想想她們的處境, 也是一樣的交學費, 送孩兒讀書也是想小孩成材, 大家目的不是一樣嗎?

mimifans

eeb,

你都要開始準備迎戰, 35區競爭激烈, 可能仲要比41更大, 2005年出生率也不少, 黃埔區好多同年的小朋友, 我有一個黃埔區的朋友, 也正在煩惱如何報私校, 港島區的私校可能都要諗, 我的理念是有刹錯冇放過, 因自己也不知道自己的子女在interview能否勝出, 當然所花報名的時間亦不少, 直資的陳守仁比我想像中的難考, 林文燦可能亦開始好多家長會考慮, 畢竟開始轉小班的學校愈來愈多, 學位一年比一年少, 所以做家長的真要打醒十二分精神!

考到私校, 就玩大抽獎, 考唔到私校, 考到直資都要讀, 免得他日後悔, 叩門不是易事, 去年看見電視見到家長失望的表情和緊張到死的去叩門, 這已是我要去如何避免自己也是其中的一位, 我很同情, 但始終愛莫能助, 求天不如求己, 派位真係玩唔過, 只有派位前做足準備, 派到當獎金, 派不到我也不用怕!

希望你的小朋友事事如意, 最緊要大家開心!