URGENT -- 油塘基顯定係優才呀

dabbycheung

我個仔響優才中學讀左5年，其間我從未聽過校園裏面有好嚴重既欺凌事件發生過(但可能有個別唔嚴重既欺凌事件而我唔清楚)，始終學生人數少，所以只要一有大件事發生，事件好快就會傳遍校園。

其實呢個post已經係一年前既事，響呢一年間久唔久就會有人摷返出嚟講，而我亦相信幾年後呢個post會不斷再出現！

不過呢個post, 當中有幾多成真幾多成假？大家有無認真去分析同研究過？大家唔覺得呢個post疑點重重嗎？但為左尊重呢位家長，所以我唔想公開評論呢件事。

我只想講既係，評論一間學校好與壞，並唔係只單憑一, 兩位家長既說話而決定。如果有時間既話，請抽一兩日時間去學校(由其TKO校舍)，睇下班學生放左學去邊？問下去接放學既家長意見，同去學校附近商場問下果度既保安人員。

始終用自己對眼去睇，好過用對耳去聽！

另外，我認識唔少優才家長，都愛將2甚至3個仔女送入嚟讀書。如果優才真係某位會員所講得咁差，就唔會有咁多家長甘願每個月去交咁多錢學費。

其次，我亦知道優才有好多教職員(包括中小學部幾位校長)、李教授、主任....都愛送仔女入嚟讀書既(佢地都要交學費)。

[ 本帖最後由 dabbycheung 於 10-6-9 15:14 編輯 ]