有冇媽咪決定入讀聖三一? (part 2)

竹葉青

唔好意思呀!知你地忙緊考試,我想請問你地有冇人參加過3:30後功課班架,上堂靜唔靜架,小朋友能唔能夠轉心做到功課呢!因我聽聞係小1至小6就一齊上架,仲話會好易學壞所以有d擔心,因為我仔好易受環境影響架,麻煩大家分享下你地意見呀!同埋想問問小一除宗教,音樂ed書外有冇其他d咩書可以用二手都得架!

竹葉青

BB2WONG,

多謝你回覆,我就係要返工所以要一早按排好晒E D問題,因為我上個星期黎註冊同交錢時,經過附近有間補習社,咪諗住問下有冇得照顧到6:30,跟住佢話唔方便又話其實你可以考慮番聖三一自己有功課班,但跟住又有D暗事話D老師唔會點理D學生,又因一大班人成日會講埋D唔好野咁........等等問題,即時又令我擔心,因為諗住返學校個功課班就可以解決我接放學問題架麻.而家聽你講完,我諗應該唔會好似佢講得咁恐怖.真係唔該晒你呀!

原帖由 BB2WONG 於 10-6-14 13:16 發表


二手書，如果無改版就本本都用得番，但中、英、數、常都要做後面ex同圈詞語，我估用新的比較好。音樂同電腦就一定可以，普通話及聖經都有機會，但有d第課後面既ex 可能都會被用了。

輔導班好似係：p.1, 3, 5一班，p2,4,6一班。  ...

竹葉青

好多謝你地意見呀!我都知e d只係比佢地做功課,唔會溫默書測驗,e方面我都會叫佢囡囡同佢攪,因為我地普又唔掂英又唔掂呀!為有靠呀女咋,我只想睇下個當值老師會唔會控制下大家安靜之類,還是真係嘈都唔理果隻,因為我女係祟真讀小一時都有參加過e d,但因我女兒乖好多所以都ok,但呀仔唔同呀,佢要人管住架,有人管佢就聽話d,有人玩開佢就會跟住係咁玩咁先激死我呀!總之就同家姐相反啦!
二手書方面其實我只預宗教同音樂係可以用二手,中英數常當然唔可以,因見英文都好多故事書,所以多口問下可唔可以用二手書.
同埋想請問開學會唔會有咩適應時間,即要頭一兩星期返半日果d架,因我女間小學好麻煩架,年年9月頭兩個week都係返半日,你估真係個個家長都唔洗返工或有工人咩.小一就話情有可原啫,小二至小六都要真係怪呀!

竹葉青

YY13,

咁都好D,因果間補習社負責人講到好似求其搵個人坐係度,管唔掂D學生咁,真係比佢嚇到我唔知點好呀!
因為我囡囡小一派位時其實我係只諗住考直資OR私校因為我想搵英文小學,所以大抽奬我只係求其選左1.黃埔宣道,2.天神(果時我老公唔想個女讀12年女校呀),咁係第一輪自行分配時就考入左聖瑪加利男女(南昌果間),但又見佢地D學費加得好快,所以都係放棄左,到大抽奬就派到第一志願黃埔宣道,但當又唔甘心個女讀中文小學,因為佢幼園時又係全英所以佢英文好好.咁咪諗住讀崇真KEEP住下英同普,好的話就讀落去,但讀落真係麻麻地,除普通話教中文好好因D老師普話好正同GS係全英,其如都一般,佢地用中文數書英數練習,E樣我最唔LIKE,因為小朋友跟本唔會學到英數,因為巳係中數學會,自然做英數時一定唔會睇題目,只會睇數字做,咪即係冇用,咁叫咩英小,佢地學費又唔係平,咁鬼咁多雜項叫係比錢參加.我地果年功課好少,因為上年有家長投訴,到跟住果年我聽D舊家長講就超多功課因為之前有家長投訴少功課所以又加番.........但係佢地最好就係好就到我地D在識家長囉.
咁小一尾我同囡囡轉校考左入SFA同天神,初初都好難決擇,我到8月尾先決定到咋,都係好在係我一個朋友問我為何想揀SFA,我話SFA課程深D又英小咁第時考BAND 1英中都易D,唔LIKE 天神係中小,咁佢就話咁天神係中小但人地咪供應黎BAND 1英中比你,咪仲好......一諗之下又係喎.所以咪.....
唔好意思呀咁長氣添.

原帖由 yy13 於 10-6-15 15:40 發表
竹葉青

咁你放心
又未至於嘈都唔理
監堂o既老師都會控制紀律

eee
你大女之前讀過崇小p1 架
點解唔讀o既

除第1日外
之後唔會有咩適應時間


...

竹葉青

唔記得問埋咁功課班係幾時開始上堂架!

[ 本帖最後由 竹葉青 於 10-6-16 00:36 編輯 ]

竹葉青

請問你地小朋友,有冇返功課班架,你地試過最晏幾點接放學架,因我地要返工呀!如果6:15-20到去到可以嗎?

竹葉青

mmm888唔該晒你呀!等我聽日打去問下先,係呢你地通常係學校買書OR自己出去買架,我仲欠幾本呀,知唔佑邊間書店齊D呀!

原帖由 MMM888 於 2010/8/5 09:18 發表
我個女有返呀,都係自己接放學,
但學校就話要6:00前要接走,
通常我接走時已經得返小貓三兩隻
甘我捻你嘗試下同學校講,睇下可唔可以特別情況下比你遲少少接.
...

竹葉青

各位家長好呀!我仲欠一本書買唔到呀!有冇人知邊度有得買呀!"(Tick-tock) Keeping myself clean"或者有冇二手都好呀!書局話e本係幼稚園書所以好少地方有得買呀!pls help!!