考完試啦。。大家戰績如何？

miriam

中英常暫時平均分都 90 或以上, 係數學一科維持原判, 同我預計一模一樣

唯一係英文真係有進步, 希望可以 keep 住喇

miriam

原帖由 miffy 於 10-6-15 21:38 發表
wow~~ 咁你地個個都有全級頭十名囉, 勁呀~~

我仔只有英文一科有9字頭, 可以全級頭十名~~

我個女無可能係全級頭十名....

miriam

原帖由 overview 於 10-6-16 19:01 發表
係呀, 如果想係全級排名在30前, 大多學校既平均分都要有9字 !

所以我囡囡可以行埋一二角

miriam

原帖由 go111kmf 於 10-6-21 21:49 發表
請問你用什麼方法教囡囡可以拿倒好的成績,因小兒就快升P.1,本人十分擔心,謝謝!

得一句 "上堂留心聽書".

我係考試前兩個禮拜分段同佢默返晒課文內比較深既生字, 因為生字會常用, 作句又好, 填充都好, 絕對會用得返.

之後都係 hea , 到考每科前一日就拎返校內工作紙同作業俾佢做多一次, 做完出黎已經知佢識幾多, 衰係邊度, 跟住抽幾題同佢解釋, 最尾收工.

睇囡囡做完晒 d 工作紙, 預計到佢數學仍然係弱, 英文理解好左, 中常一直都唔使擔心, 會係預計之內, 最終我計到總平均分係 91.xx.

其實最重要係平時小朋友做功課時家長肯放手, 由得小朋友錯, 開學頭兩個月係適應期就跟一跟, 之後真係有錯就由得佢, 等老師去改, 等小朋友做改正, 改完又錯等佢再改, 再錯先出手執佢.

我有朋友就係太緊張功課, 不容有錯, 要全部做到岩晒咁交, 最終出黎既成績係滿江紅......

不容有錯.....即係有機會係家長講埋答案俾小朋友知, 咁照抄一定岩喇, 其實小朋友原來係唔明唔知點解要咁做, 老師見佢全部岩晒就大安旨意顧少一個, 因為佢識嘛, 到老師要抽人上課後班佢小朋友實無份, 老師覺得佢無問題, 點知最大問題就係佢, 考試出黎係全班尾幾, 去到呢個時間老師先執佢入補習班.

到我朋友同我傾時, 佢先知自己用錯方法, 唔係唔緊張小朋友成績, 而係唔好要求全部岩晒咁交.

依家佢係放手由得小朋友錯, 錯左返黎等佢改正, 終於知道小朋友弱項係邊, 再著手搵專科補習.

所以你話有咩方法可以拎到好成績, 一係就中英數勁上補習班, 一係適當地放手等小朋友去試去碰釘, 否則小朋友唔識得去長大, 全部依賴左父母去跟, 等小朋友碰完釘後家長再出手去搵補習又好, 自己嘔血地跟都好, 總之真係要靠小朋友自己去領悟囉.

我所講未必係岩, 你可以當參考.