終於換咗琴老師

10101010

亞仔學了琴一年,考了2级試,我乜都唔識,個老師又乜都唔講,冇讚又冇彈,求求其其,我見亞仔真心喜歡彈琴,終於忍無可忍轉了一個用心教導有讚有彈嘅老師,我唔介意從頭學過,最緊要每學一首歌都係彈得好聽顺耳,並唔係彈咗就算,希望鐘意彈琴嘅小朋友媽咪,如發現琴老師唔好,要試吓轉老師。

RabbitJump

我都做左個無後悔的決定, 小兒在家樓下的琴行仔已學了四年琴, 時常轉老師, 最近的一位要佢由二級重學 (其實三年前已考到二級了), 孩子十分沮喪, 說了幾次不想再學, 我本身都學過琴, 看見他未致於要降幾級 (其實佢最大問題是懶練), 最後決定轉到大琴行學, 上左八堂, 老師話可以開始學五級, 下年考五級

我地好開心, 我同老公都覺得阿仔彈得比以前好,
其實如果懷疑自己的老師是否合適, 可以搵藉口停一個月,
去出面試學, 我地都怕換錯人所以都同舊琴行話功課忙要停下

Charlotte_mom

都唔係既...........比賽我都有在場, 聽晒幾十個學生, 我就知究竟要求d咩(果次係我女第一次去音樂節)
好多學生, 全部大細聲漸大漸細全部無做, 有2個even彈高左8度! (連續頭2個呀, 我幾驚係我女錯呀), 所以我知老師係有教technique/detail的
如果靠我女自由發揮..........真係no eye see!
睇完你地d分享...........我唸我都係算吧啦, 或者我再同老師傾下

原帖由 ada1812 於 10-6-20 01:28 AM 發表
以你那個老師的教學態度, 我認為你個女學得好, 得獎, 係你個女本事, 我不相信什麼名師出高徒, 事實上, 因果剛剛相反, 是有一定能力的學生, 才受名師收為徒

正如名校的老師, 我唔信佢地有咩咁巴閉, 只不過名校學生 ...

10101010

大家好!我轉咗新老師兩堂,佢話亞仔係完全唔識數拍子,唔識分大細聲,所以彈首首歌都冇情感,但佢本身好有音樂感,希望慢慢可改正。之前跟舊老師考嘅2級試嘅分纸亦有了,原先舊老師話佢scale好差驚佢呢part唔pass,又話佢aural最掂唔駛練,但結果係scale差不多攞滿分,但aural就唔pass,3part其中1part仲係錯晒冇分,所以轉咗老師決定完全正確。

y_see

看來大家比錢買左D令自己一肚氣ge野.....我都有過同樣遇到一個令人激氣的老師(遲到早退, 我係度吹笛佢就心不在焉地攪其他野,唔帶笛來上堂,我吹完沒有comment, 唔解釋樂譜上的符號代表什麼及應怎吹奏和技巧.

後來問自己 - 唔啱自己, 掂解唔轉, 而令自己唔轉老師的理由重要嗎?!想通後即專,及知都應該怎樣選舉老師了, 再不是學歷及名氣, 而是熱心及良好表達, 因音樂好抽象, 要靠老師表達出來.  現在搵到一間好的, 可安心,專心學了.

miss321

你去佢琴室學就一定有穩定時間，你之前都講上你門係因為都係附近學小提琴。自己取捨。

原帖由 Charlotte_mom 於 10-6-19 13:08 發表
事緣係咁.........我女好細個已經跟佢, 當時佢初初去果區教, 租琴房, 後來佢走我地就跟佢走, 佢話佢都會黎我隔離座大廈學小提琴, 所以可以上門(其他學生都唔上門)
久而久之, 變左佢咩時間學小提琴, 就咩時間上黎教( ...

ada1812

原帖由 Charlotte_mom 於 10-6-18 17:49 發表
ME TOO
老師教得好好(講真), 我女跟左佢6年, 音樂節都有試過得獎, 亦有其他學生得獎, 女女考2級有MERIT (做唔到既, 我見老師有教, 係我女改唔到D習慣姐), 而家準備考4級
老師教法絕對無問題, 但我真係支持唔住佢搵我 ...

以你那個老師的教學態度, 我認為你個女學得好, 得獎, 係你個女本事, 我不相信什麼名師出高徒, 事實上, 因果剛剛相反, 是有一定能力的學生, 才受名師收為徒

正如名校的老師, 我唔信佢地有咩咁巴閉, 只不過名校學生, 有一定的家庭背境, 得到的資源和機會自然多

反而, 老師的教學熱誠和態度才是最重要

[ 本帖最後由 ada1812 於 10-6-20 01:31 編輯 ]

Charlotte_mom

事緣係咁.........我女好細個已經跟佢, 當時佢初初去果區教, 租琴房, 後來佢走我地就跟佢走, 佢話佢都會黎我隔離座大廈學小提琴, 所以可以上門(其他學生都唔上門)
久而久之, 變左佢咩時間學小提琴, 就咩時間上黎教(由於鋼琴老師都忙, 所以小提琴都係flexible時間), 再久而久之就變成而家咁.........

原帖由 !貓貓老婆! 於 10-6-18 11:47 PM 發表
有冇同老師講要約定一個時間呀?
唔可以成日轉。

pianist2

我都聽聞演藝既學生做老師就真係麻麻,基本上成日調堂,

!貓貓老婆!

有冇同老師講要約定一個時間呀?
唔可以成日轉。

原帖由 Charlotte_mom 於 10-6-18 17:49 發表
ME TOO
老師教得好好(講真), 我女跟左佢6年, 音樂節都有試過得獎, 亦有其他學生得獎, 女女考2級有MERIT (做唔到既, 我見老師有教, 係我女改唔到D習慣姐), 而家準備考4級
老師教法絕對無問題, 但我真係支持唔住佢搵我 ...

ballcat

我個鋼琴老師仲衰呀...我上45分鐘堂...佢次次都呃我5分去廁所加買小食...買完返黎更加在我面前食...咁都算喇, 佢想食咪食囉...但我最憎佢食日同我傾計, 佢可能好悶喇...當我想彈果陣又搵我傾計....搞到我好唔專心同埋好難習中精神彈鋼琴....我唔係見佢教得OK, 我一早走鬼左喇~之前佢教我5級我拿左Merit~

kevin_bb

唉....我唸下都係轉好D......
呢個老師真係好'士'!!!

janetgordon

我反而係搵到好老師,但佢身體有事唔可以再教阿仔,依家頭痛緊去邊樹搵個好老師

Charlotte_mom

ME TOO
老師教得好好(講真), 我女跟左佢6年, 音樂節都有試過得獎, 亦有其他學生得獎, 女女考2級有MERIT (做唔到既, 我見老師有教, 係我女改唔到D習慣姐), 而家準備考4級
老師教法絕對無問題, 但我真係支持唔住佢搵我黎"攝時間", 個個禮拜都唔同時間, 總之佢彷彿EXPECT我MON-WED放學後都AVAILABLE(有時就唔到就星期六日), 仲要下下都即日打黎即日約, 我有時話NO, 如果約唔到又要延期..........., 有時老師黎到半個鐘就教半個鐘(佢會補, 但我覺得黎半個鐘算點先, 都未WARMUP已經落堂)
我應該換嗎?

原帖由 kevin_bb 於 10-6-17 11:10 AM 發表
我依家都15,16唔知換唔換好...

ada1812

原帖由 小伊 於 10-6-17 01:29 發表
演藝畢業系最低要求咗播！

我起初諗住找一些在演藝學院教的老師添, 不過人地大師級, 話唔教我個女D初級生wor, 就介紹了他的一名學生給我, 給我的印象是: 搵飯食

我識得有人在音樂事務處學添, 入得音統處做導師, 資歷有番咁上下啦掛, 個個都什麼音樂學院畢業, 但佢話個老師一邊上課一邊打手提電腦做博士論文, 邊個就廢事講啦

我越來越不相信權威和表面資歷, 我現在果個, 只係中大音樂系畢業, 又唔係乜野名師, 一D都唔出名, 但他教得好, 有交帶, 我已經冇打算再轉

kevin_bb

我依家都15,16唔知換唔換好...

小伊

演藝畢業系最低要求咗播！

katrinafu

我都剛剛換了老師呀..