IQ70以上的自閉癥小朋友上主流小學是否可行？是害了他？

mandylung

我的小朋友已經五年級了,在主流學校讀書.  他是自閉症.  當年入讀小學前評估 IQ 只有75, 醫生建議讀主流學校.  我都好疑惑.

我個人認為小兒各方面表現都未如理想, 讀了四年S位, 跟本未正式返過主流學校, 可以說都唔知咩是正式上課.  所以決定先給他往普通幼稚園讀一年K3, 打好根基, 才上小學.  

因此他成7歲才讀一年級.  我回想覺得這個安排很適合他.  
1. 他大過其他小朋友 (又高過他們), 無人敢蝦佢.

2. 主流課程對他來說是深的.  佢會和同年紀的小朋友距離愈來愈遠.  但他大過同班同學成1-2年, 認知水平差距就會近 d.

3. 由於亞仔年紀成7歲幾, 才學是一年級的知識, 所以理解會好d, 如果他現在已是6年級, 一家教死我 !!

我個人有些擔心, 如果在小學才留班, 小朋友自尊心會否有影響 !!  

不過最後都要看小朋友認知能力, 是否能跟上主流課程.  我見到學校有些A仔, 成績未如理想, 社交又唔好.  留在主流學校學咩呢 ??!!

原帖由 xixi1218 於 10-6-23 22:09 發表


聽說像我們這種孩子的讀到2年級后就更難理解和跟得上。請問你的類似情況的學生現在如何？

[ 本帖最後由 mandylung 於 10-6-25 14:55 編輯 ]

mandylung

我兒子一路成績都唔算好差, 全級中間.  不過今年開始有 d 跟唔上, 特別是中文和數學文字題.  因為理解能力弱 !!

亞仔曾經在二三年級時不能取得高分而發脾氣, 好唔開心, 後來我和老師相量, 解釋比佢聽, 100-85 是很好, 79-65 滿意, 64-50 仍要努力, 49 -0 不合格.

亞仔當日好似是 57分, 所以我哋同佢講仍要努力. 無話成績好唔好比佢知.

亞仔都問過我, 係咪努力讀書就會成績好, 我都好難答佢.  不過我話, 努力一定需要, 努力就是多練習不同類型的題目, 使自己知識豐富d, 我會反問下佢有無多練習不同類型的題目.  佢會望下我, 笑下, 跟住唔講走開咗.

原帖由 anniemiwow 於 10-6-28 10:58 發表
Hello,你好, 我兒亦差不多, "A"仔, 今年9歲, 7歲讀小一, 今年讀P2升P3, 想請教你的小朋友的功課跟不上時, 有否他覺得自己樣樣都做得唔好時, 自信心受挫時,家長怎樣開解他的情緒呢?我常常解釋予他-讀書不是求分數, 請 ...

mandylung

亞仔在填寫小一入學申請時, 我有tick特殊需要, 所以教統局會安排做評估, 醫生報告亦會交比學校跟進, 如安排社交訓練, 言語治療等 (視乎學校安排).  當然唔好 expect 學校會做得好好, 不過好過無.

因亞仔本身實在有專注力, 行為的問題, 我都好想學校有心理準備和輔導比佢, 所以我一定會比學校知.  老師亦安排咗個企理 d 同學仔和亞仔一齊坐, 幫下佢.  我唔講的話, 老師又點會有安排呢 !!

原帖由 xixi1218 於 10-6-29 23:43 發表
mandylung你小朋友的情況都不錯。我其實對小朋友的學業都不會太高要求，最怕就是他壓力大不高興或被人欺負。其實他如果現在讀小一都算是“大仔”，我現在都是見步行步。。。。請問你是否已告知學校他有這個癥？
我聽說有些 ...

mandylung

小兒是讀S位的, 所以在5歲幾, 政府就會安排特殊幼兒中心小朋友做評估, 當年就評他75.  

之後我沒有讓他上小一, 而出去讀了一年主流幼稚園.  亦在幼稚園申報小一入學申請時 tick 了特殊需要一欄.

後來教統局要求亞仔做評估, 所以他上小一前共做了兩次評估的.

原帖由 xixi1218 於 10-6-30 20:57 發表
mandylung ，我知道小朋友的問題后我已經立刻給他做密集式訓練，以後上小一了也應該依然會去找私人機構訓練，因為政府的好像都要排期什麽的。我不知道對不對學校說好，也不知道什麽時候說好，想先讓他在學校適應一下，看情況怎麼 ...