小五失手, 2A2B 考直資有冇機

greendotdot

原帖由 Fion_Chan 於 10-6-20 00:36 發表


呈分應該計本校名次來再排分，唔係計份卷分數高低，個人覺得份卷深D應該會好D，容易把程度高低顯示出來。
其實"2A2B"呢個處境，好難講係咪差喎，又唔知A邊份卷(英文咁，都分GE、Listening、Speaking...)，B邊份卷，又唔知其他同學 ...

你講得啱，如果小朋友成績係好，家長一定希望學校呈分試出深啲，高下立見，反正呈分試係去爭最好的全級名次，就算攞4個"B"但全級考第二，又如何？咪一樣可以獲編配師兄師姐考Pre-S1 HK Attainment Test的第二高分數。考直資主要靠第一及第二次呈分試的這個編配分數去篩選參加面試，成績表上的所謂Straight "A"s 只是錦上添花，如果全港次第排頭位又Straight "A"s，咁好明顯係高手！有些小學可能會為咗校譽，份試卷唔敢出得太深，咁分數就算相差很微少，但全級名次會上落很大，相對一些成績好但偶有失誤的學生，會是非常不利！所以家長唔好睇得咁表面。

greendotdot

原帖由 greendotdot 於 10-6-20 15:04 發表


引用:

原帖由 Fion_Chan 於 10-6-20 00:36 發表


呈分應該計本校名次來再排分，唔係計份卷分數高低，個人覺得份卷深D應該會好D，容易把程度高低顯示出來。
其實"2A2B"呢個處境，好難講係咪差喎，又唔知A邊份卷(英文咁，都分GE、Listening、Speaking...)，B邊份卷，又唔知其他同學 ...

你講得啱，如果小朋友成績係好，家長一定希望學校呈分試出深啲，高下立見，反正呈分試係去爭最好的全級名次，就算攞4個"B"但全級考第二，又如何？咪一樣可以獲編配師兄師姐考Pre-S1 HK Attainment Test的第二高分數。考直資主要靠第一及第二次呈分試的這個編配分數去篩選參加面試，成績表上的所謂Straight "A"s 只是錦上添花，如果全港次第排頭位又Straight "A"s，咁好明顯係高手！有些小學可能會為咗校譽，份試卷唔敢出得太深，咁分數就算相差很微少，但全級名次會上落很大，相對一些成績好但偶有失誤的學生，會是非常不利！所以家長唔好睇得咁表面。

2A2B 並不能推斷係Band One定Band Two，如上所述，某學生於這3次呈分試獲編配的分數，舉例平均值有70.5分，在全港次第排名9,039(假設全港應屆考生有30,000人)，他/她便是全港Band One (此例子以1-10,000為Band One，10,001-20,000為Band Two，20,001-30,000為Band Three)，统一派位甲部有優先(當然再要睇埋其他Band One學生的隨機編號)；假如他/她是屬於九龍城區，在這區次第只能排名1,288(假設這區應屆考生有3,000人)，他/她便是屬於九龍城區的Band Two (此例子以1-1,000為Band One，1,001-2,000為Band Two，2,001-3,000為Band Three)，统一派位乙部便要待Band One派完晒先。通常小學會因應學生全級考第幾，估算他/她會屬於本區的Band幾，建議家長選校，因為大家都是靠估，Band邊緣的學生一定會有誤差，同埋學校一般都會保守啲。

P.S.
2008-2009 及 2009-2010 小六 是使用 2007 與 2008 Pre-S1 Hong Kong Attainment Test 的成績，不過，

2010-2011 及 2011-2012 小六 是使用 2008 與 2010 Pre-S1 Hong Kong Attainment Test 的成績

唔好問我點解無咗2009！

[ 本帖最後由 greendotdot 於 10-6-20 20:37 編輯 ]

greendotdot

根據上述的方法，每位學生考完呈分試都能夠獲編配一個分數，以這個分數排出全港次第。如果報直資和自行收生的學校，直資不限報幾多間，但自行只能報最多2間(第一及第二選擇)，這些直資和自行學校，舉例某學校收到500張報名表，便會向教育局申請索取這500人的全港次第，這時教育局會根據第一及第二次呈分試所編配給學生的分數，來排列一個只供直資和自行使用的全港次第，如果這500人最叻個位於全港次第排名是1099位，教育局會通知該校這學生是1 out of 500(並非1099)，如此類推，該校便能參考這個相對的次等、學生提供的特異功能、成績表等，比重由高至低，篩選出一批學生進行面試。

如果直資收咗會於約4月同家長簽協議書，不用參加统一派位，就算自行收咗都會退出。

如果無直資收或者唔肯簽約，但事實自行巳經收咗，學生都一樣要參加统一派位，因為無人會同你確認自行巳經攪掂，學生始終係要等7月放榜。

greendotdot

原帖由 ckw1500 於 10-6-20 23:06 發表
Thanks for your encouragement!  But luckily my kid has been accepted by a DSS despite she performed not good in the last examination.

你囡囡的中學學費和膳宿費的開支都頗大，不過物有所值，學校近年出咗狀元添，校園大又好玩，好似去咗英國讀書咁，我諗你囡囡都會識諗，懂得珍惜這樣好的學習環境，不會辜負家長的心機。

Congratulations！

greendotdot

原帖由 Sigma 於 10-6-21 23:05 發表


我兒是2010-2011小六的, 請問是用 2008 Pre-S1 的成績, 還是 2008+2010 Pre-S1 的成績 (平均數?) ?

對呀，以兩年的Pre-S1 HKAT 成績的平均數值計算。

以令郎的小學為例：假設每年的P6人數不變，巳經知道2008-2009的P6 第1-70名屬於本區Band One的話，則2009-2010的P6也一樣是 第1-70名屬於本區Band One。

如果這小學的2010 Pre-S1 HKAT考得好過2007，而本區其他學校只能保持一樣成績，這小學2010-2011的P6 可以變成 第1-80名屬於本區Band One；反之，如果考得差過2007，而本區其他學校不變，2010-2011的P6 也可變成 第1-60名屬於本區Band One。(假設性數字) .... 所以靠師兄師姐真係幾無奈，況且，好似玩緊zero-sum game咁，如果本區的其他學校狂操練又考得更好，你哋Band One生會再少啲...

表達得唔好莫怪！

greendotdot

原帖由 brima 於 10-6-21 09:41 發表
greendotdot,

thanks so much for your detailed information.  I realized much more.  And I mainly apply DSS for my son.

remind your son to put a smile on his face at the interview.  Good luck!

greendotdot

原帖由 pineapple0983 於 10-6-21 10:21 發表

Greendotdot你仍然係我欣賞ge其中一位；每次都比心機去幫人，雖然有時"沉"氣左D。
係呢，你個名同一間叫"點點綠"ge有冇關系？有時我經過，硬係覺得有D關系咁。 ...

Pineapple：日日都見你上BK幫人，唔止你一個話我沉氣，我就嚟可以攞生果金啦，有時不免長氣沉氣啲。我初時想用"點紅點綠"個名，不過巳經有人登記咗，咪删走個"紅"囉，同果啲商店無乜關係，也無幫人賣廣告。感激你行街都記得我就真。

greendotdot

原帖由 Sigma 於 10-6-24 01:13 發表


明明地, 係咪即係以 08-09 的 pre-s1 為主, 再以 09-10 的 pre-s1 來調整實際 band 1 人數? 還是直接將2次得到的 band1 人數相加除2?

想再請教第一階段 p5+p6 呈分, 計算成績的比重是否一樣?

tks ...

總之，你地2010-2011呢屆小六就是參照2008Pre-S1及2010Pre-S1的平均值，不過2010Pre-S1要7月13先考，仍是一個未知數去決定你地全級第幾名是屬於Band幾。

再下一屆(2011-2012)就着數啲，可以參考你地呢屆去揀學校。

呈分試的比重都是均等。

greendotdot

原帖由 MaggieHei 於 10-6-25 14:31 發表
即是說 : 如果呈分試考得好都要托學兄學姐們考 tsa 時考得好才有用 ?

tsa 是否決定小學有幾多 band 1 / 2 / 3 的學生 ?

比如說 :
A 學校有 90人. 每 30人是一組. 如果呈分試是 93分. 但因在校是排 35. 變成 93 分也是 band 2 ?
B學校同樣是 90人. 小朋友呈分試是 89分, 排 28. 他便是 band 1 生 ?

都話完全不關TSA的事咯，TSA對學生Banding的影響現在已經成為歷史，講負面啲，就算令郎令千金TSA現在考零分，只會影響學校將來的發展，我都唔明白點解家長咁重視，仲要操TSA去考呈分試，你話得閒無嘢做當revision 還可以，好似數學科咁，辟如第三次呈分只考體積，係你最弱個科，你有體積唔去主力温習，反而去做TSA連小五的topic都温埋，係咪本末倒置。

老細急call，遲吓再講。

greendotdot

原帖由 circle123 於 10-6-25 04:08 發表


Hello greendotdot,

      如果頭2次呈分ok全A, 但第三次失手MATHS得B,其他都是A, 最尾校內試MATHS都係B,老師話份卷出深了,真無奈! 咁請問扣門時中學會否見到B便無機會? 是否BAND 1 中上的中學都不會考慮?請多多指教!

我明白你意思，坦白講，去名校叩門我認為仲難過去考佢地的自行收生位，到時咁亂，真係要睇吓有幾多位、有幾多人爭、張成績表靚唔靚、派咗去邊間、收某某小學的quota滿咗未、筆試成績、特異功能、自行有無誠意揀過佢、係咪阿蟲介紹等很多因素，無論機會高低，盡力而為囉，prepare for the unexpected放諸四海皆準，升中就算讀唔到名校，又唔係絕路，唔好愁，唔好怨，樂觀啲，子女受到感染，將來才能夠為佢地自己解決問題，right?

greendotdot

原帖由 MaggieHei 於 10-6-25 14:31 發表
即是說 : 如果呈分試考得好都要托學兄學姐們考 tsa 時考得好才有用 ?

tsa 是否決定小學有幾多 band 1 / 2 / 3 的學生 ?

比如說 :
A 學校有 90人. 每 30人是一組. 如果呈分試是 93分. 但因在校是排 35. 變成 93 分也是 band 2 ?
B學校同樣是 90人. 小朋友呈分試是 89分, 排 28. 他便是 band 1 生 ?

唔好意思，不是發你脾氣！

以今年2009-2010小六生舉例，假設每年每間小學的學生人數不變，用番你的例子：

2009-2010的Banding是參照師兄師姐2007及2008的中一編班試成績的平均數
例設2007及2008的中一編班試成績的平均數結果如下
A學校有90位考生，成績由高至低排列
98, 90, 82, ...... , 30, 25 共有90個分
B學校有90位考生，成績由高至低排列
80, 78, 70, 60, 50, ...... , 20, 1 共有90個分

當今年2009-2010 A學校的小明第一次呈分試是 93分，在校全級排名第二，參照上面A學校的2007及2008Pre-S1 HKAT排列的分數，小明會被編配90分。
B學校的小超第一次呈分試是 89分，在校全級排名第五，參照上面B學校的2007及2008Pre-S1 HKAT排列的分數，小超會被編配50分。

考完第一次呈分試後，每人都用上述方法獲編配自己的分數，當考晒三次呈分試，每人便有3個分，3個分平均值便是每人的最後分數。此例就當3個分都是相同啦。因為現在每人都有自己的分數，全港小六生便可以由高至低排名出來，如果今年全港共有30000小六生，好似切蛋糕切成三份，1-10000 便是Band One，10001-20000 便是Band Two，20001-30000 便是Band Three。小明的90分令他全港排名第2009名，屬於全港Band One，小超的50分令他全港排名第20009名，屬於全港Band Three，這就是统一派位甲部使用的Banding。

假設本區是南區，2009-2010只有600人小六生，好似切蛋糕切成三份，1-200 便是本區Band One，201-400 便是本區Band Two，401-600 便是本區Band Three。抽出本區的600人再由高至低排名出來，小明的90分令他在本區排名第30名，屬於本區Band One，小超的50分令他在本區排名第399名，屬於本區Band Two，這就是统一派位乙部使用的Banding。

[ 本帖最後由 greendotdot 於 10-6-25 19:18 編輯 ]

greendotdot

原帖由 MaggieHei 於 10-6-26 12:41 發表
我老公個侄囡今年升中一, 油尖旺區佢係 band 2 尾, band 3 頭. 基於此計分下, 佢如果跨去另一些區是有機會升 band 是嗎 ?

好難講，睇你係咪真係本區的Band邊緣和跨去邊區，舉例如果西貢區Band One尾跨去九龍城區，就有機會跌Band變咗Band Two。況且而家已成定局啦！

另外, 佢細佬九月是小五, 成績 ok, 不過不失. 但 pre-s1 的成績是睇佢家姐個界. 對嗎.

如果細佬同家姐是同一間小學，細佬的Banding是睇佢家姐考Pre-S1加埋2008果屆考Pre-S1成績的平均數。

另外, 你說 : tsa 只是著重學校評分. 其實, 如果個界d小朋友考得好差, tsa 分數不好, 對學校會有什麼影響 ? 家長其實係唔會知間學校 tsa 分數是幾多. 對嗎 ?

TSA咪好似啲大機構對員工的表現評估咁，個報告寫得差可以減人工、無花紅，最嚴重咪炒得。教育局出兩招：減班、減老師headcount，啲學校都頭痛死啦！當然TSA只是其中之metrics，有啲學校收生一年少過一年，又成日換校長...

又說 : 小朋友也不會知自己呈分試屬全港及自己區的 banding. 如果是這樣. 佢地點去決定選自己 banding 的學校呢 ?

咁又未必，先假設本區及自己學校小六生的人數舊年和今年都相同，家姐3次呈分總名次全級排50名，很大機會Band One與Band Two的邊緣人，不過，你識得舊年有位師兄又係全級排50名，佢自行無報任何學校，派位派咗去統一派位乙部第一志願的一間熱門Band One中學，咁你都幾肯定家姐也是Band One，因為家姐的Banding同舊年果屆都是參照同一組Pre-S1成績(2007&2008平均數)，學校一定知道舊年學生考第幾派咗去邊間中學，有理由相信老師會靠咁樣話你知今年學生的Banding，除非佢地刻意誤導你，否則信得過。但細佬前一屆就慘啲，那屆開始用新一組合(2008&2010平均數)，無人可以有參考！如果果學生都是全級考50名，老師如果不懂變通，照樣參考今年的派位同佢講佢係Band One，啲邊緣人就要自己知自己事諗吓搏唔搏啦，如果2010Pre-S1考得差過2007Pre-S1，佢就算一樣全級考50名也有機會跌咗落Band Two。細佬果屆又着數番，可以參考佢前一屆。

又說 : 如果要睇一間小學升中派位資料. 一間小學有好多學生考入去直資  & 私小. 是否代表佢地的成績好好 ? 因為 考入去始終要看自身的成績.

當然，學生能夠升讀名校一定有番咁上吓，但我個人觀點則認為：這也表示該校大多數的家長有一定的經濟能力和他們對子女有相當的要求及期望。

至於全港 & 自己區有多少學生是邊個 band. 應不是1/3 計數吧 ! 如果唔係, 個介 d 小朋友如果好參差. 分分鐘成績不好的也升 band 啦. 是吧 !

用番小明的例子，如果小明的同學小星攞50分全級考第三，獲編配82分也屬於Band One，咁你覺得邊個較值得？不過呢個係好極端嘅case，通常學校質素很難短時間有咁大變化(除非老師大逃亡)，若果小明呢屆真係咁參差，佢啲師兄師姐考Pre-S1成績都唔慌會個個都咁好，小星呢個例子我諗根本無可能發生。我會相信強者愈強，弱者愈弱。