純做英文文法練習能培養出怎樣的小學畢業生？

csy_ma

原帖由 stjoboldboy 於 10-6-28 10:09 發表
嘩, 今朝睇晒csy_ma 既”分析一本書”幾篇文章, 一本中二reader都可以化腐朽為神奇去學習, 境界真係好高呀, 我都係想都未想過, 想到都無能力教個女做!

Stjoboldby：

Eviepa就話當局者迷啫，您無理由咁神化呢D基本野？

係唔係我為咗遷就Eviepa既語言，講得玄咗D呢？不如我將情況化返做正常既師奶如我既反應吧？

女：阿媽，今次考試，我唔想溫reader。
媽：吓，點解呀？

女：個老師出題好刁鑽，我可能要背晒個古仔先攞到高分！
媽：傻女，家陣係學野啫，又唔係叫妳第時做補習天王去學貼題，你咪苟其溫吓，盡咗力，咪算囉。

女：我之前都睇過本書一次嘞，本書好悶，唔想再睇。
媽：悶？學野又唔係玩，梗係悶架啦。不過本係故事書黎既，照計唔會比學歷史做數仲悶架？點解妳咁唔鍾意再睇呀？

女：本書講打打殺殺，主角古怪，情節又犯駁囉。
母：咁個主角係點樣架？點解你話佢古怪？情節又點犯駁？第幾頁講呢樣野？打打殺殺係唔好，但學校揀得俾妳地睇，當中一定有d正面既寓意既，妳認為響邊度呀。。。

就係咁，非常自然既對話，應該冇乜深既道理？
老實講，如果阿女講得好清楚話我知點解本古仔咁唔值得讀，我都收貨架。不過，佢唔攞本書出黎揭果出邊頁佢唔like，又會冇說服力，佢揭得黎，都溫咗啦。假如我都知道本書既內容，仲會駁吓佢，咁晚吓手都唔止半粒鐘。

學習，其實未必要坐定定溫書啫，互相討論，大概係一個更佳既過程。討論得，梗係經過自己既分析理解，再要整理出黎架啦，課堂學習應該日日如是，怎麼一下子上昇為境界了？？

[ 本帖最後由 csy_ma 於 10-6-28 15:30 編輯 ]

csy_ma

係喎！街坊都係出自聖公會既學校喎？

我響阿囡初小時一直唔係好鍾意佢間小學，因為功課多（其實班班唔同，撞啱我囡果班幾不幸），為緊密既學習節奏傷害咗母女感情。

不過我囡而家將升小五，我既睇法又唔係好同，但得找時間分享。

但我囡並不像Evie咁聽教聽話，我叫佢去東，佢多半去咗西，或者大喊N分鐘，意即N分鐘後才實行，然後N分鐘後再N分鐘。。。假如佢好似Evie咁和順，肯聽我講，我都唔駛同佢D同學組學習班攞苦黎辛。

所謂分析整理，唔好諗咁深，好多時，都係由閱讀感受起。不過，要小朋友對果書好有感受，只讀一次大概係唔夠既。呢個都唔係我囡既閱讀習慣。佢響P1，唔肯睇字書，不斷睇五十嵐優美子畫既《紅髮安妮》，會同我講佢估安妮係幾時愛上格魯吉亞既，咁咪算做佢自己既獨立評價囉？

又好似而家佢鍾意睇中英文既《小婦人》，響前言得知作者在該書的下集中講 女主角Jo唔係嫁咗俾男主角，有點不解，想知答案，咁算唔算分析整理？跟住佢睇埋作者生平，成日搞亂咗小說中女主角同作者真實生活既際遇，但至少佢清到真實中既作者最後冇結婚，但阿Jo有，又自己比較一番。。。
我唔係好覺佢呢d野層次有幾高？佢俾我熟故事既情節，通常都係有佢講冇我講，當然我都會睇，會同佢討論吓，但好少會逸出劇情講表達手法。同朋友間講吓劇集情節好似冇咩分別，有幾難？

同囝囝爸一樣，我更在乎既態度。不以事小而不為，係我屢屢提點女兒要做既。生活上，如果佢唔講唔該而要我地幫佢做野，我地會當聽唔到。我堅持要佢對人有禮，請佢常講唔該堅持咗成十年，但係都唔係成日成功，其他野就真係冇咁好氣 更遑論其他如誘其多看英文課外書。。。。

[ 本帖最後由 csy_ma 於 10-6-29 00:25 編輯 ]

happyvalley

原帖由 csy_ma 於 10-6-28 15:26 發表


學習，其實未必要坐定定溫書啫，互相討論，大概係一個更佳既過程。討論得，梗係經過自己既分析理解，再要整理出黎架啦，課堂學習應該日日如是，怎麼一下子上昇為境界了？？

以上呢段好正，學校唔鬧人都飲得杯落 la，真係唔好車望。所以責任都係我身上，討論好有用，好多真理都會傳遞開去。

eviepa

女: “今次考試，我唔想溫reader, 因為要背誦晒個古仔先攞到高分, 我不屑浪費時間咁做”.
老實講, 如果我個女咁同我講, 我會好高興(公開考試除外), 因為佢已經明白求學既真正意義, 而且有獨立思想, 不隨眾!

Stjoboldboy,

衰在她很少會有這樣的神來之著。其實她絕大部分事情都是個conformer。在香港這個較為單一意識形態的地方，能夠有創見不易，就算有創見也不易找到可以實行理想的機會。

你看，我讀會考時的那個同學，為了要能實現理想，去大學盡情為學問而學習，在中四五時還不是那麼市儈。

eviepa

mattsmum

想问多一句子，334下，中文好像变得跟以前会考大不一样，读了文章来分析，跟你现在的reader 考试有点像吗？

eviepa

這個孩子, 上中一已完全不需要我理, 我不清楚什麼原因令他對自己的要求越來越高, 我只覺得他太辛苦了, 這是我在他小學 階段時所不能預計的.

如可以的話, 也想你分享一下你的所謂不同之處. 還有兩天放榜, 看得出他正承受巨大的壓力, 又沒本事能開解他一二, 既慚愧又擔憂.

Wunma,

當我囡囡讀小一，我按照幾年前的承諾，擔當女兒的主要管教者。當時的她是一個很平凡的孩子，大概只是繪畫較一般小朋友好外，毫無長處。因此女兒長大期間，所留意的只是怎樣將一個素質平凡的孩子，培養成為一個不錯的孩子，我的志向僅此而已。至於怎樣培育天才，或是鬥心甚強的孩子，真的沒有怎樣細想過。

介紹一本書給妳看：張五常的《五常談教育》。

張五常的情況跟妳有點相似，一個大兒子及一個小女兒。兩個都是天份極佳，兒子好學不倦，女兒的努力程度比哥哥差很遠。

引一個例子：「兒女在中、小學唸書時，我一直對他們的功課不聞不問。但我有一個比較硬性的規定，就是假日不准讀書。當然，到他們上了大學之後，這『規定』就廢除了。也是在中、小學時，發現兒女的成績特別好的話，我就對他們說，讀書是長途賽跑，那麼早就領先，會後勁不繼的，暫時倒不如成績差一點吧。

…………..

後來他進了大學，問道：『爸，在大學可以發勁了吧？』我答道：『可以發一點，但真正的衝刺，應該是從寫博士論文那時開始的』誰不知兒子聽到可以一發過癮之勁，就一發不可收拾。」

eviepa

eviepa

原帖由 mattsmum 於 10-6-28 22:43 發表
想问多一句子，334下，中文好像变得跟以前会考大不一样，读了文章来分析，跟你现在的reader 考试有点像吗？

不懂。

csy_ma

原帖由 stjoboldboy 於 10-6-28 16:17 發表


我既理解係咁既:-
女: “今次考試，我唔想溫reader, 因為要背誦晒個古仔先攞到高分, 我不屑浪費時間咁做”.

Stjoboldboy：

首先為我成日打錯您個名致歉 ！另亦為近日我表達能力的無能而哀嘆 我惟有換咗您啱聽既師奶語言再闡述一次：

Evie既說話，我既理解同您既似無二致，但係。。。

佢話唔溫既原因，完全冇提及個古仔好壞噃，只係話要攞高分，就要背個古仔，咁我唔屑去做囉

咁即係乜野呀？都話家陣係要你去學野，唔係貼題囉，乜學野只係為咗要攞分架咩？口口聲聲話唔重視分數，但係要去溫習，原來個目標只係得一個：攞高分？溫習既方式，仲要跟足晒預設既魔鬼老師果套：背晒佢，否則呢，就唔叫做有效既溫習。

咁假如唔計分係咪就唔駛理個先生？唔駛上堂呀？

我完全唔明點解呢D叫做＂獨立思考＂？？正如您之前所講，佢既價值判斷，不過係一種應試策略，不過係反向而已。溫唔溫，聚焦既係會唔會攞到高分，而唔係我有冇學識點去有效率咁掌握一個古仔既概要同發展脈絡。

假如係我個女，我會同佢講，攞到幾多分唔係你而家要諗既問題，呢個係check point，妳要做既係試吓自己響呢本書度學咗幾多野？試吓你自己既閱讀同理解力，假如你認為呢本書好唔值得學既，咁你就要講俾我聽究竟邊度唔值得學。

個小朋友唔明白正常既reader課要佢地學D乜啫，大人都唔明？咪好似版主大人咁講，令佢地學分析理解同整理（遲D應有比較）囉。我睇唔到有乜理由因為個先生疑似教得白痴，可能扭曲咗reader課既學習結果而唔駛個小朋友學噃？

我認為學呢課只係為咗攞高分，我唔旨在，所以就唔學
－－咁樣理解學習只係圍住分數轉既淺見，你地都唔糾正，仲讚佢＂獨立思考＂？？

不禁質疑，學習只為求分數既觀念，係唔係已經高壓到深入至港人既意識深層？？

[ 本帖最後由 csy_ma 於 10-6-29 00:08 編輯 ]

csy_ma

原帖由 stccmc 於 10-6-29 00:15 發表
//
我認為學呢課只係為咗攞高分，我唔旨在，所以就唔學
－－咁樣理解學習只係圍住分數轉既淺見，你地都唔糾正，仲讚佢＂獨立思考＂？
//

我想， Evie and her pa 不認同 reader 的考試要求背誦是一種有用的學習。  重點是「沒用的背誦」 ...

我既重點係：學習唔係為咗抗議老師既方法既，沒用既背誦唔啱，你咪唔背囉，有何大不了？但係，唔駛因為老師教得唔好／俾分方法差就唔去學應學既，咁同樣係本末倒置。

eviepa

我既重點係：學習唔係為咗抗議老師 既方法既，沒用既背誦唔啱，你咪唔背囉，有何大不了？但係，唔駛因為老師 教得唔好／俾分方法差就唔去學應學既，咁同樣係本末倒置。

咁佢就唔背囉。Reader 叫 Mrs Doubtfire。她看過兩次電影，而且照佢讀了reader還記得的，努力去考，不過沒有背誦硬事實，就真的會不合格，正如她所料。

我想，她沒有一個同學會用妳所提供的辦法去學習，大概所有同學都是狂記當中事實而已。按照老師定的標準，狂記事實細節的都是好學生，Evie是懶學生；按照妳個人定的標準，統統都沒有「學應學既」。

妳所提供的，是一個很值得認真探索的方法。成效可能會很好，不過，如果妳要說服我，不跟這套辦法做，會極大的問題，妳還需補充很多資料。

eviepa

csy_ma

原帖由 stccmc 於 10-6-29 00:47 發表
//
唔駛因為老師教得唔好／俾分方法差就唔去學應學既
//

邊個因為老師教得唔好／俾分方法差就唔去學「應學」既?  何謂應學的？  有人認為背誦考英文不是應學的，是沒用的，這判斷有間題嗎? ...

應學既：reader課要學的（如有效率地概括分析理解）

背誦：目的只係為咗攞高分，沒有用，
這判斷我有說過有問題呢？

我講既係：學野，唔係攞分，目標放在學野的話，係唔需要跟住個老師既思維轉，花時間去背誦。不過，唔背誦唔等於唔去學，Evie認為學果科只有跟老師既方法去學（因為咁先可以攞高分），咁只係俾老師或者分數個五指山擋住吧了

囝囝爸

//
為何考 reader 要 recite 書本內容?  你真的在另一境界，未受過長期訓練的家長不要試
//

Stccmc:

以上是你前的疑問.  我也想知道, 為什麼考 reader 要背一百多頁書, 考卷的內容問題如何?   

先不談時間善用和分數等值的利害計算, 考試溫習策略等精深學問.  以 Evie 超幾學年的能力, 也因難為之而不為之.  其他中二同學雖屬 band 1, 仍是中中生, 如何為之?

//
我也對本地一般學校(尤其小學)的英文測考方法不以為然，好左學校無要呀女背啫！
//

何謂一般學校, 是否指程度較差那些, 或傳統學校.  小兒小學背誦只有中默, 數量實少, 中英測考未覺得不妥, 其他學校未知, 可否舉例說明.

csy_ma

原帖由 eviepa 於 10-6-29 00:58 發表


咁佢就唔背囉。Reader 叫 Mrs Doubtfire。她看過兩次電影，而且照佢讀了reader還記得的，努力去考，不過沒有背誦硬事實，就真的會不合格，正如她所料。

我想，她沒有一個同學會用妳所提供的辦法去學習，大概所有同學都是狂記當 ...

用背D咁蠢既方法去學reader，梗係唔算係學咗啦，我講白到懷疑自己仲適唔適合響呢度出現時，終於同您有共同既語言了

睇過兩次電影，同略讀過一次，除非係過目不忘既天才，否則都唔算係分析整理噃？

分析整理，咪就係用個腦將資料放響腦入面個書架囉。
寫腦圖：人物時間地點橋段推進，可以係其一，我自己既經驗：係經過編輯過既野，就會食咗，印象深刻。

編輯過係乜？放在看一個古仔度，就係每一章節都起條自己既題（呢個一方面訓練捉point，亦係另一種鍛鍊概括能力既訓練），highlight表現人物特性既對話或者描寫。呢D，可以第一次看就做，第二次就睇highlight過既重點，睇吓搞唔搞到個簡單既事件/關係表。

老實講，我同我囡睇書都唔會齋睇一次，第一次係略讀，追情節（我個人既略讀速度大概係兩日睇一套四集既金庸，試過同阿囡一齊追同一本書，佢既速度竟然有時比我快，有點成謎），第二次係回味自己鍾意睇既，可能有第三次，亦可能冇－－咁先完成了一次閱讀既過程。

而上述所說的"編輯"，大概類似做筆記吧？目標係乜？我唔睇衛斯理，但係曾經（大概小五時）睇魏力（倪匡另一個筆名）既女黑俠木蘭花，通常，書未睇過半，就可以估到結局。咁你個囡中二，咁睇書時咪叫佢留意伏線，叫佢代入作者，估吓情節會點發展咯。

我初中時鍾意追日劇，有時都覺得自己既興趣幾浪費時間，就同自己訂咗個目標，盡快摸清人物派絡關係，估佢條橋點走同情節發展。咁既安慰辦法都幾有效，果時日劇情節又簡單，通常不出三集就估到。

您咪叫阿女玩D咁既遊戲咯，開動咗腦筋，就好似我之前嘗試搵方法令您地明白自己講乜咁，會有D欲罷不能，且唔會放過任何預示情節發展既蛛絲螞跡（咁梗係唔可以一口氣睇晒，揭晒謎底喇，要睇一節諗一節先好玩）。

至於我講互換文章，則其實係講另一樣野。語涉其他，只係想話：咪玩啦，邊個話只係經典先值得讀，值得去分析評價架？真正有效既學習，係先學識方法，咁，對付經典時，可以一看再看，對付碎料時，咪可以一眼睇出佢玩緊D乜咯（例如好似我咁講到咁一舊一舊，亦都可以好快咁捉到我既＂潛在話語＂）。

閱讀能力，好似聆聽能力一樣，唔係識睇，睇得快就視為好既？

[ 本帖最後由 csy_ma 於 10-6-29 01:52 編輯 ]

csy_ma

原帖由 eviepa 於 10-6-29 00:58 發表


妳所提供的，是一個很值得認真探索的方法。成效可能會很好，不過，如果妳要說服我，不跟這套辦法做，會極大的問題，妳還需補充很多資料。

個囡係您既，方法既探討似乎唔應該由我代勞？
每人有自己既學習方法，要係自家出品，先最有效？
我唔係好知您講既＂不跟這套辦法做＂，這套辦法指的是什麼？當然不會判斷有到有什麼問題？？

至於補充資料。。。對不起，我忍不住寫了那麼多，不過是感慨自己的表達能力為什麼會變得那樣低，忍不住發火繼續寫吧了。既然火已發過了，那就得回到自己的正業裡去。

[ 本帖最後由 csy_ma 於 10-6-29 02:11 編輯 ]