功課一問?

hcshiu

如果你只係睇功課多少，又一村既功課真係好少，全日班差不多係學校做哂，番到屋企只係對一對就可以了。但學校功課少，你都可以比其他野佢做架，例如你講故事佢聽，或開始比小朋友自己睇書，培養下小朋友鍾意睇書，好過你而家要佢學識幾多個字。

其實每個小朋友升小學都要適應期，又一村既課程，只係主流課程，所以入一般小學其實無乜問題，如果你心目中要入一些出名著重學術既小學，好似宣小，咁你就要自己另外去搵一些班幫佢補一補，個問題唔係銜唔銜接到，而係面試都可能過唔到。

但係直資私校其實好多都唔係只睇學術，所以你應該睇下其實邊類既小學你覺得係適合你個小朋友，跟著再找方法幫你個小朋友去考，唔好以為可以靠哂幼稚園。

原帖由 coltan 於 10-6-20 21:01 發表
小兒今年插班讀k2，請問各位囝囝就讀又一村的家長知不知到是否每天都有功課? 因為小兒現時就讀的學校實在太少功課，太太很擔心銜接不到小學課程。請幫忙! ...