官立嘉道理小學(銅鑼灣)

Lilo

幾年前識人讀呢間,個小朋友本來讀開International school,但係爸爸破左產,交唔起學費,但個小朋友又唔係好識中文,教育局轉介左佢去呢間讀,佢話d同學成日唔返學,唔做功課,不過老師okay咁啦.我必須强調個小朋友異常咁生性,佢自己唔理外在環境好努力咁讀書,希望升中派間好d既中學,最後佢派左陳瑞祺喇沙.

以上係幾年前既情況,呢幾年有無變就唔知

Lilo

原帖由 kkk3316 於 10-6-29 09:26 發表
謝謝Lilo,

如果要小朋友異常咁生性，即表示他們的校內讀書風氣什差？

另外，你可否知道他們(南亞裔)會否集體欺付華人學生呢？

謝謝！

我同個小朋友唔係咁熟,只係係一年見幾次,同佢講開佢先講學校野, 根據個小朋友所講,讀書風氣真係唔係咁好.記得南亞海嘨之後約一星期同佢食飯,我問佢有無同學唔見左,佢話唔知,因為佢d同學成日放完假,特別係長假後都唔記得返學,要老師打去屋企,d家長先記得叫d仔女返學.如果家長無要求,大多數d小朋友又點會努力學習,學校風氣又會係點?! 至於欺凌,佢就話度度都有,以前International school都有外國小朋友組黨蝦中國人, 佢話人地蝦佢咪唔同佢地玩,佢地覺得唔好玩就唔會再搞.  不過佢話呢間d老師唔錯,佢比心機讀,老師亦會extra教,所以佢中學都派得唔錯,我諗陳瑞祺喇沙都應該係BAND 2.不過又係個句,佢小朋友好生性,知自己中文唔得就好比心機學,上到中學佢自己話都okay,係班中成績有中上 我老公成日話個小朋友生性法,萬中無一.唔係人人讀呢間都可以有咁成績. 其實樓主你最好親身去睇下, 始終每個人感受唔同.