極品....明日之星

brian61950

昨天給我遇見了一位萬年難得一見的天才小朋友,我睇人好少睇錯,此子將來必有一番大成就.
昨天帶了仔女去樂園玩波波池,除我仔女外,另有兩個小朋友在內,此時有一位8-9男仔加入,他父母放底佢就行左去,他一入去就亂拋波擲人,我仔女都唔係蕃薯,即場引發擲波大戰.擲波冇動手動腳我冇理又冇阻止.
該男仔差不多每隔20秒就走出來大叫"有人打人呀",另兩位家長和我也冇理佢,佢叫得幾次樂園的哥哥走來了解問佢比邊個打,佢指住我仔,樂園的哥哥望一望我,我苦笑一下,他行了去.佢又叫,樂園的哥哥又走來問,佢又話我仔打佢,此時樂園的哥哥想去話我個仔,我同佢講你咪理佢啦,調轉d野來講,你坐一陣睇下你就明架喇.
樂園的哥哥冇再走開,那男仔仍然久唔久就大叫比人打,樂園的哥哥一路有睇住所以冇理佢.
如是者又叫又玩又叫又玩夠鐘了,他坐在我旁邊著鞋時問我"你信我信我同爹地媽咪講呀那",我答佢隨便你啦.
出到去佢真係同佢父母講,我不覺奇怪因為預左,奇就奇在他竟哭出來,大滴大滴眼淚,佢阿媽好心痛問佢邊度痛,佢阿爸就好勞氣問邊個打佢.
本來我冇打算走,想同佢理論下,但想到子女係度,儭佢未發現我仔,我帶走了他們.
同太太講番,佢話下次再遇此子,拍佢片比佢父毋.
但我諗冇乜用.

brian61950

有時帶小朋友出去玩,以前我會教佢地小心陌生人.
估唔到現在可能要小心埋細路.

brian61950

我都覺得有怎樣的父母就有怎樣的仔女.
一方面遺傳,一方面有樣學樣,另一方面學校唔幫得幾多,因一對幾十及現今的小朋友好多都是奥斯卡男女主角.