2010年度幼兒班

寶媽咪Jackie

報到耶

寶媽咪Jackie

carman,

咦咦咦~~我認得你個仔呀,我地應該係識架,你和我老公是同行,前幾日我地仲係樓下撞到,我話我個仔要去廁所,所以冇傾計!right?!

記得我第一次帶穎穎去游池,帶個小水桶去,同戴手臂水泡,開始抱佢入去,ok左再係勁淺水位慢慢行,又踢下水咁,好快佢已經放手自己行,再叫佢用水桶仔裝水玩,不知幾開心!!

我自己帶佢去游水ok喎,我都有帶齊d沐浴用品,一齊沖,沖一輪先走,但返屋企一定再沖多次!其實最緊要佢平時沖涼你有冇試過用水兜頭淋過佢?因為泳池個花灑頭係上面,一按d水一定係兜頭淋,我見有d小朋友一路沖一路喊,但又唔可以唔沖架嘛~~

我都去得幾密,maybe下星期搵日一齊去?但我一早起身就出去,以免太曬!

原帖由 carmen1102008 於 10-7-7 01:20 發表
wing wing mum:

wing wing 唔驚水呀，我囝囝家諾去沙灘玩，唔肯落水呀，不過我過兩日會再同佢去泳池玩。反而佢唔識驚，將D沙堆係自己個頭上面…激C我

想請教下自己一個人同阿仔去泳池會困難嗎？我指係沖身問題，是求其過下水、 ...

寶媽咪Jackie

carmen,

我都記得呀,因為穎穎真係勁少肯拖小朋友架,哈哈

家諾終於成功下水喇~yeah!!你囝囝真係好痴你喎,穎穎一向都唔依賴我架,雖然係我自己湊,但可能我夠冷血,由佢細細個佢喊都冇乜理佢,而家都好少扭我,反而扭爸爸~hahaha

原帖由 carmen1102008 於 10-7-12 01:22 發表
wing wing mum:

無錯，我同你老公係同一間公司做架。家諾和穎穎之前都見過面……啟思學校面試、今年年頭地鐵站，兩個小朋友拖手行，搞到你地行過左龍……反而未試過在公園撞過你地，不過如你所講，依家天氣太熱，我去公園的時間 ...

寶媽咪Jackie

聰聰佢咁搞笑~haha
穎穎就真係non-stop!而家有d擔心佢返學9成唔肯坐定,睇下老師點治佢!

原帖由 venus_mama08 於 10-7-12 23:32 發表
我個仔上次落到水, 郁都唔郁坐係個水泡度, 叫佢走又唔肯, 激氣~~

寶媽咪Jackie

我真係超緊張和擔心呀!穎穎佢對住生保人會乖d,但佢唔太合作和一熟就natural high,又自我又唔肯分享,唔like仲大叫,我日日對住佢都幾嘔血架,要成日睇住佢搞搞震,要經常提點佢,到時返學上校車唔知會唔會大吵,好在佢好鍾意坐巴士啫!!

而家日日都同佢講返學架,希望有心理準備好d啦!

原帖由 venus_mama08 於 10-7-13 11:00 發表
聰聰係出面比較定,可能怕陌生, 之前返playgroup都係咁.你地就快返學喇, 緊唔緊張? 有冇同穎穎講返學係點...我一講第時會坐school bus, 佢就好興奮 as he like bus very much
...

寶媽咪Jackie

venus mama,

你千祈唔好咁講,到時你叫聰聰唔好介意穎穎騷擾佢上堂就真!haha,放心,我一定會叫穎穎'照'住聰聰架~~hahaha
相信到時穎穎和聰聰一齊放學搭校車會好開心!

原帖由 venus_mama08 於 10-7-14 15:31 發表
After 返學, 穎穎 會乖d gala. 記住叫穎穎哥哥"体"住聰聰弟弟先得, 有個照應 ahma, hehe

寶媽咪Jackie

未入呀~未諗定運動衫一套定兩套,我怕污糟左洗唔甩又要入葵涌買,老公話好似有套後備好d!
校服會唔會做大d呀.......冇諗過哩....你呢?
我之前行過千色店睇中左一對黑皮鞋,二百幾蚊,諗住8月尾先買,記得上次老師話適應月全著運動衫,費事對鞋好快唔啱著!白波鞋諗住著返對nike算,唔想買呀,只係有少少藍邊,我諗ok啩?!

原帖由 venus_mama08 於 10-7-15 10:48 發表
你打算幾時入校服錢? 買左鞋未?
另外買2套校服,會唔會做一套大D, 佢地大得好快ga

寶媽咪Jackie

我係你都只會買一套,但因為穎穎8月成個月都要著運動衫,我驚一日乾唔切,你知油塘幾潮濕啦!落乾衣機又會縮水....嘥就真係嘥d,唯有出年俾人啦!!

原帖由 venus_mama08 於 10-7-16 00:33 發表
我呀仔10月先開學,返個幾月又換季,驚D校服下年唔arm著。
運動衫你都買多套?如果下年轉校咪好晒?