大抽獎怪現象

Radar

請你地快D睇下你地少朋友張身份證號碼最後個數字係大定細就知內裡既原因了.

原來只要你身份證號碼最後個數字係1或2就恭喜你,你一定中頭三志願,因為你地會被抽先,呢個就係所謂隨機no.

我做過統計,我大約問過十個人,都中晒,派到頭3志願既,個no.不約而同都係1,派得吾好既都係大no.最慘係細no.個d成績都係band2尾,但佢地有band1學校讀,我個女好不幸都係受害人之一,佢成績吾係特別好,都只係band2中,但佢間小學係band1小學,所以都幾難讀,依家佢被派去band3中既band3學校,其實我都吾係貪心,我係統一派位時都只係揀d band2學校.
唉!依家我連band3頭而校風好既學校都要叩,因為我個女點夠d band1尾band2頭既學生爭丫,d學校收都收佢地先啦,真係好傷心呀!

Radar

係括弧內的數字.

原帖由 ANChan59 於 10-7-8 03:15 發表
The last digit, you mean the number in the bracket or the last digit of the number?

My son's case Y...........9 (1), you know why I ask this question.

Radar

係呀!訓吾着呀!天光訓左一陣,10點又醒左.

你小朋友未派位呀?我建議去考直資囉,又或者係band1既就算要叩門都着數d囉.

原帖由 greendotdot 於 10-7-8 05:34 發表


嘩你仲未瞓呀，我個(?)係"A"，咁我一定執輸啦

Radar

傻啦,你仲信d數字呀,呃人架,我見d band2學校都吾知幾多人叩門呀,如果吾係,我都不用連band3頭既都叩埋啦,依家真係等運到呀,希望有band2學校收啦,唉!

原帖由 LittleKidult 於 10-7-8 10:38 發表


今年話成9成派頭3志願, 即係9成學生尾數係細no.....唔會掛!

Radar

你甘信政府既,你不如去做下資料搜集,問下身邊既人,睇下佢地係大no.定細no.囉,我依家都仲做緊資料搜集.

講真,我係一個好自量既人,如果係技不如人,我無話可說,但依家出來既結果吾係甘,係人地成績差過自己果個都入到好學校.

原帖由 davidmimi 於 10-7-8 11:59 發表
講真....教育局就唔會呃人，不過學校就可能會，如果學校得20% band 1位，佢夠唔夠膽如實講俾家長聽呢？通常都係含含糊糊，band 2就話band 1尾，好心的會填統一時提點家長保守點選多d band 2，但更多的情況係，真實banding比率，只係得 ...

Radar

拿!呢個就係我想做資料搜集既目的,睇下如果括弧內係英文字母同埋係0既係吾係睇括弧前果個no.

大家幫下手啦,問下人,或者睇下自己果個,上來講下,我果個就已成定局,但都想幫下以後既小朋友.

仲有,我朋友話,有陣時會2號抽先,有時會1號抽先,但號碼大就無咩機.

不過大no.都不用驚,只要你係band1生,讀緊一條龍學校,又或者有直屬中學就不用怕,又或者自行考到都不用怕.

原帖由 KWT 於 10-7-8 12:22 發表


我仔仔no.是Yxxxxx2(0),派左第一志願,但不清楚究竟是自行得左還是統一派位攪珠得左.如果是(x)內的字是0,大林把應該沒有機會,如果是(x)前一個數字是2,似乎有機會. ...

Radar

我只係勞氣點解仲話政府吾會呃人,佢吾呃人點做靚條數,點顯得佢公平呀,其實甘多年上甘多網,我覺得政府係玩緊報復,因為d家長成日嘈要政府取消公開試,所以佢地就想出呢個攪珠方法,又話用隨機no.抽,你想投訴佢出術都吾得,因為你無可能有證據,佢今次玩你依區,下次又可以玩第二區都得.

仲有政府果d吾係庸官,佢食左你都吾知,依家就開始擔心334,都吾知佢會點玩你班人,其實我就比較鍾意以前既制度,可能我個人比較古老,其實一生人考三次公開試都吾係多啫.

不過今次既錯節我都有好大既得着,就係個女乖左好多,做事認真左,吾再馬乎了事.其實我只係擔心個女去到d黑學校啫,而吾係擔心去到d程度低既學校,因為我有能力既大可以中二中三轉校,係吾係?

大家吾如意既家長互勉啦,明天會更好.

原帖由 davidmimi 於 10-7-8 14:14 發表


唔使咁勞氣...

1. 我唔係信政府，而係政府班庸官無誘因去呃你，按本子辦事已經唔使孭鑊，反而學校會為掩識跌band，會不清不楚說banding的。

2. 假設學校有30% band 1位，全級200人即係約70人係band 1，統一派位時考70派得好 ...

Radar

tigi,

我都祝你個女快快考入英中,不用再四處叩門.

我都祝我個女快快有間band2學校收,呵呵呵!不好意思用左你個位祝福自己個女添.

原帖由 tigi 於 10-7-8 17:34 發表
多謝咁多位家長既事後分析.和氣討論就算了.事實已經擺在眼前.是但哪一方面出錯.已經冇得再追溯,為有努力叩門.比多d正面既思想比囡囡.只要有心讀.一樣冇問題.只不過當日實在太難接受咁既派位結果.又要強忍唔可以係囡 ...