我覺得好多時真係因材施教的, 我大女細個, 真係比較醒, 我好細個已經俾佢跟鬼佬學英文, 學琴, 體操, 游水, 普通話, etc etc當然其中好多都係玩多, 志在學多樣野識下朋友, 真係放左學至做功課既, 好少好少, 我想佢有機會接觸下唔同既野, 發掘自己興趣同專長, 譬如畫畫, 好早已發現佢唔鐘意了, 無謂side時間, 有d佢有本事的例如朗誦, 出去比賽佢都好有信心
亦好老實講, 當年為左準備考私小直資, 係比較落力的, 咩比賽咩cert都比較緊張
我仔都唔係讀咩名牌幼稚園, 佢發展係無家姐咁醒, 所以一直以黎我都無再特別arrange咩課外活動(已經返全日放學都5pm啦, 學咩wor, 已經預左有家姐照住掛? 考學校都有信心d), 係confirm左小一讀家姐果間學校, 至想練好d普通話(因為小一已經全普通話教中文, 我仲記得幾年前開學時問我女, 係咪全班都識, 我女答, 唔係, 有一個唔識, 我仲心唸, 個同學咪好慘...........我唔想而家輪到我仔做全班唯一唔識果個)所以而家1:1學......呵, 細路既潛力, 真係唔可以睇小, 5月中學到而家, 已經學晒所以聲母單韻母複韻母, 生字都學唔少, 我都放心d, 遲d8月會再有一個專注力訓練, 咁就上小學喇
其實真係有心谷, k3暑假唔係起跑線, 一早就谷左好耐喇....... |
發表於 10-7-23 15:36