10/11年度升中一:得閑繼續入嚟傾下啦

share.gain

小女都係九月升中一, 請問有無需要買快譯通俾佢用呢?

share.gain

咁快知, 我地2/8先知. 唉! 我又好煩呀!想大家俾d意見:-

這個暑假會裝修亞女間房迎接新學年, 為了電腦擺位同亞女有意見. 佢想擺個位是背住門口(即是我開門是見唔到個畫面--大家明啦), 我當然想放係一個向住門口嘅位置, 就算睇唔到佢寫咩都起碼知道佢上緊咩網, 等佢有d壓力.
雖然, 亞女依家都是正確使用電腦 -- 聽歌, 睇film, 上facebook, 玩msn, 暫時我都相信個女沒有越軌行為, 但上到中學就好難講. 你地話點算好? 如果堅持我嘅做法, 佢一定唔高興, 大家關係又會差d, 但如果照佢意思, 我又怕睇唔到佢做咩? 係咪應該對亞女有信心呢?

share.gain

多謝你地咁快有回覆俾我. 我都係上班一族, 聽完你地咁講, 可能我之前俾太大自由度佢. 但唔俾都俾咗, 依家收番, 一定死梗 (她會更加返叛), 點解決好?

share.gain

Crabprincer : 無錯la! 我想法正是你個老師講一樣. 點解我之前俾個女自己有電腦又唔限制佢用, 我同老公都知道出面有好多誘惑, 但唔想只係封鎖佢去接觸, 去知, 而係教導佢分辨是非, 同埋自我管理能力 (自己分配時間, 完成自己日常應做的事:功課/溫習/練琴後先玩電腦), 暫時小學階段佢都聽話, 但考完報分試後, 可能無晒壓力, 就差d.

肥仔媽咪 : 我會俾電腦佢擺自己房, 因為之前做落, 依家好難收番. 我最大考慮係擺位問題?

share.gain

我都明白佢地唔想俾個screen我地見到, 唔係佢地做緊d咩壞事, 睇緊d唔應該睇嘅網, 而係佢地要有自己空間, 要有個人私隱.
你講得啱, 對個女要有信心(這正是我老公成日叫我做的事). 咁, 我先俾張照我意思嘅圖佢睇先, 睇佢咩反應? 如果無大反應就大家開心, 如果超唔喜歡, 就照她意思擺, 同時再重申我的 - 使用電腦守則, 希望佢會遵守我們之間的君子協定啦!

share.gain

我亞女個間要做中英數暑期作業各一本, 另加中英閱讀報告各兩份, 下星期開始返暑期銜接班8堂. 有時都登佢地辛苦! 但無法啦! 嚟個教育制度就係咁, 我又無能力俾個女去外國讀.

share.gain

有無人可介紹邊度有時款d嘅女裝綁帶黑色學生皮鞋賣? 因個囡間學校一定要綁帶, 同佢搵過幾間鞋舖都話唔鍾意, 好老土, 我都覺得係.  剛上網search過, 有個台灣牌子叫arriba個款幾好, 但香港無門市要網上訂再付運, 好似好麻煩, 買對鞋啫!