打左折扣了> <

applegun

之前開左個話題係:聖羅撒幼稚園同民生幼稚園唔知邊間好?聖羅撒正選收pm,然後成功轉到am,民生後備收pm,
由於我仲有一個未夠1歲的小女兒,所以為左方便照顧起居時間我希望大女可以調到am班,點知去民生注册當天,問辦理手續的人員時,她對我老公說:"am通常 都比晒正選收既學生啦,如果你真係想轉上午班,係可以寫信的,不過機會好微,因此我建議你唔洗寫啦,因為冇咩機會調到的..."

但點知事隔一兩星期,我大女n班的一個同學仔都是後備生下午班,佢媽媽對我講,佢寫信去調上午班ok左啦!
於是覺得有少少被"老點"的感覺...
咁照寫信去啦,轉唔到都冇所謂,
上個星期寫完封信,今日老公打去查詢,
點知個職員非常的令人不可思議,
由接到電話果刻開始冇問過小朋友叫咩名,
只一味同我老公講,"冇位既啦,有都俾晒正選的學生啦,一直以來我地都同後備的家長講冇得轉上午的啦...."
老公話"但係我個朋友都係後備轉到上午了喔?咁我想問下你地調班準則係先後秩序定係會睇埋個人原因呢?"
職員仲係話"冇位啦,有位就會通知你地...."
俾我老公問多幾問,就將個電話俾另一個同事聽,
後來接電話呢位就好d,會問下"個小朋友叫咩名呀?"
"係呀,我地收到信啦,有位會通知你地""咁我地都會睇個原因去幫同學調班既"..........等等,
如果第一位接電話的職員都係咁樣,起碼令個家長都舒服d啦,點解講到 後備生就冇機會調上午班??由接電 話一刻開始都係赶住想cut線?一開始又誤導家長, 真係有d激氣,要重新考慮一下了= =

iantsang

Sorry to hear about your bad experience.

I guess to be fair, many office clerks would hope to make their life easier so they would just try to give routine answers to parents.  So I guess it could happen to many kindergartens, especially those popular ones where similar inquiries would be made to them frequently.

Take the time and think about it if you are still holding both places and decide which one that you would feel more comfortable and trust worthy.  However, just a friendly reminder, don't forget to decide soon and release the place that you no longer need.  I guess there are still many parents waiting to get in either one of them.

All the best!

myc214

(後備)個個轉上午班冇人pm班,

[ 本帖最後由 myc214 於 10-7-12 17:01 編輯 ]

applegun

並非要求一定要轉到上午班,只是打電話去確認有冇收到信同埋有冇機會轉到上午咁簡單,但好唔鐘意第一位接電話人士完全唔理咁多一味 話"上午冇位啦...有位都俾晒d正選生..."但確確實實有後備生是轉到上午班的!
如果轉到,咁學校以什麼準則去決定轉唔轉到上午呢?
先到先得還是個人理由為重要呢?其實轉唔到我係預左的,只不過,家長都有權了解下吧?雖然只是後備生...

如果唔係因為我要一個人照顧2個小朋友,而妹妹現在才不到一歲,想要轉上午班2姐妹作息時間比較容易就到.方便照顧,我對上下午班都冇所謂,

純粹個人呻下,冇攻擊任何學校的意思,
不喜勿插...

Charlotte_mom

之前我都講過, 我識某幼稚園校長(唔係名校)

每年收生, 10個家長, 9個都想轉上午(因為各樣原因啦), 而校方"標準回答"一定係上午無位, 第一, 有哥哥姐姐讀緊上午, 細佬妹100%要俾上午, 另一方面, 坦白講, 有多出黎既上午位, 亦會先俾"高分"既小朋友, 即係用"上午班"黎吸引D比較叻既小朋友黎讀, 之後就會因應學生家庭情況黎ASSIGN

我女當年讀果間幼稚園, 一樣情況, 個個都話想上午, 學校亦STANDARD答"上午FULL左應該無咩機會", 我女係WAITLIST入, 最後我係寫信話因為家庭原因......老人家幾廿歲, 一個睇2個會好辛苦........想女女返上午, 而學校亦俾左上午我

我都明你轉唔到上午會好唔開心, 但亦希望以上一番解釋可以令你明白學校用咩準則去編排, 學校一日唔知要接幾多個電話"FOLLOW UP"轉上午安排, 都無可能下下拎返個FILE出黎睇清楚再答的

原帖由 applegun 於 10-7-12 11:12 PM 發表
並非要求一定要轉到上午班,只是打電話去確認有冇收到信同埋有冇機會轉到上午咁簡單,但好唔鐘意第一位接電話人士完全唔理咁多一味 話"上午冇位啦...有位都俾晒d正選生..."但確確實實有後備生是轉到上午班的!
如果轉到 ...

chaco

希望妳囡囡都可以轉到上午班la...我諗起之前呀囝收左下午班,我都問佢有無機會轉到上午,佢地都話無架,不過我無理到佢照寫信,寫明原因,到注册當日親手交比職員,咁到6月尾就收到call 真係可以轉到上午.不如妳再寫多封去la,未到開學都仲有機會.

applegun

多謝晒各位熱心媽咪的回復,可以理解學校日理萬機,只是昨日聽到電話一刻感受唔好而已,
我都同老公傾過轉唔轉到都會讀,因為相信一個校務處人員的態度唔可以代表成間學校~~~

Charlotte_mom

唔好唔開心啦, 入到心儀學校應該開心嘛, 上晝下晝, 其實好多時係家長覺得返上晝時間好用D姐, 有人話下晝比較少學生, 其實仲好!
ANYWAY, 3年之後轉小學, 又另一個世界喇

原帖由 applegun 於 10-7-13 02:17 PM 發表
多謝晒各位熱心媽咪的回復,可以理解學校日理萬機,只是昨日聽到電話一刻感受唔好而已,
我都同老公傾過轉唔轉到都會讀,因為相信一個校務處人員的態度唔可以代表成間學校~~~ ...

pandabonita

亦可能只是害群之馬，不過學校不知道或不處理這問題亦返影ｍａｎａｇｅｍｅｎｔ不足之處

原帖由 applegun 於 10-7-13 14:17 發表
多謝晒各位熱心媽咪的回復,可以理解學校日理萬機,只是昨日聽到電話一刻感受唔好而已,
我都同老公傾過轉唔轉到都會讀,因為相信一個校務處人員的態度唔可以代表成間學校~~~ ...

spmok1999

"害群之馬"
哈哈~

Ching_Mammy

原帖由 applegun 於 10-7-12 15:05 發表
之前開左個話題係:聖羅撒幼稚園同民生幼稚園唔知邊間好?聖羅撒正選收pm,然後成功轉到am,民生後備收pm,
由於我仲有一個未夠1歲的小女兒,所以為左方便照顧起居時間我希望大女可以調到am班,點知去民生注册當天,問辦理手 ...

I believe if you insist you do not consider pm class during the interview, you probably can get a seat in am class.  My kids attended 7 interviews in total, all offered am class.(只要你夠膽    )

applegun

好多謝大家!
無論點,已經選擇左佢,希望之後的日子,囡囡係學校返得開心~~~