真道手續費.........

lsltennis

我剛IN完，係朋友推介，感覺唔係好鍾意，不過既然交左$200，都去IN下，果日卅幾度，個個小朋友好似濕水鴨加小乳豬(塊面紅卜卜)，但竟然安排有蓋操場加風扇算數，報到條龍又混亂，D小朋友個個唔係嗌住走就係無呢神氣，D老師偏向大年紀，個人覺得小學應該多D後生D，有生氣D囉，而且間學校都幾細間。IN成50分鐘，家長要另一有蓋操場等，等左45分鐘後，先有人話可以入一個冷氣房睇介紹短片，好嬲。

我好似好小氣，但真係印象麻麻。

原帖由 Wingwingtong 於 10-7-13 00:06 發表
想問問真道係好早收form, 晤知in左未呢, 今日打去問佢話重可以交form, 記得交$200手續費一齊交, 究竟幾時先無位呢? $200手續費真係幾貴!!!

lsltennis

我抱怨並非我唔挨得，只係從中指出某D觀點，
1。無開禮堂無開冷氣--唔係純粹怕熱，係顯示佢腦筋唔識轉灣，見熱成咁應該立即改動安排。
上。
2。老師年紀大對於低年級的確欠了點生氣。
3。由進入學校到二樓坐低，個老師都一直叫我坐響有蓋操場等，無提過有冷氣房，對於初次到校，當然對老師所說言聽計從，不敢四處遊蕩，而現場所見，當該老師首次表示有冷氣房時，大部分家長也坐在有蓋操場，只有約10位懂入冷氣房，而且即時便有大批家長衝入去了。
4。地下操場條人龍，只計報到臺前有約80-100名小朋友+家長，係，報名有分姓名，但只有一條龍，去到差唔多臺前10零個先分到兩條龍，我一去到只見一大條龍，排左十幾分鐘突然後面家長問我係咪排緊P-Z，我先知有分，但又拖住呀女，咪唯有照排住先，差唔多到先見到原來兩條龍撈亂左，大家自動分番開。三四個老師樓梯口將小朋友分組上樓而無一人幫手搞好隔離條隊的秩序，唔係抱怨無人服侍，係覺得安排有問題，D老師亦唔夠醒目。

我從來唔准我的小朋友做大少，大小姐，在家亦不准他們事事依賴家傭，學習自理，但當天實在太熱，睇見個個濕水鴨+小乳豬，真係好赤，亦零舍覺得學校的安排欠妥善。

可能有D家長會陰謀論地話我猛叫其他人唔好揀而增加自己機會，但我真的是我發自內心的感覺，$200是偏貴，但請睇番我上一段說話，我從未提及嫌貴或不值，只係話既然俾左錢都去睇下點(我太遲CHECK，MISS左簡介會)，留一個機會。

原帖由 fongyuen 於 10-7-13 20:36 發表


我諗呢間學校真係唔適合你小朋友。
上年我哋都有in，都預咗要坐50分鐘，天氣都好熱，條龍都有少少亂，不過我哋冇因為呢樣嘢怨三怨四。容易抱怨嘅家長，自然會產生容易抱怨嘅下一代。我諗一間五星級服務周到嘅小學啱你哋一啲 ...