軒小上午校 2010年9月的 1 S 班

wongkay

你哋好! 我個仔都係讀1S班，佢都好鐘意呢間學校，可能成日聽我哋兩公婆講話好鐘意呢度，所以佢入到嚟都覺得好開心。我個仔明天參加台拳，唔知有沒有老師帶佢哋上天台食嘢呢？又有沒有人帶佢哋到四樓活動室呢？佢仲要換翻條運動褲先玩得，都唔知佢攪唔攪得掂，因為佢平時比較"呢啡"，不過都唔理得咁多，希望佢掂啦！我都有參加故事爸媽，希望遲D見到你哋啦！

wongkay

我個仔尋日返嚟話跆拳好好玩，仲教我點樣握拳，出拳後仲要"噓"一聲，好好笑。佢哋尋日都無派袍，所以連長褲都唔洗換，唔知幾時有袍派呢？我暫時都係比運動服佢著咋，因為起碼唔洗換上身衫先啦！

我個仔星期六日都有學其仔嘢(圍棋和游水)，其實我都想佢再報一些有關英文和數學的課程，但因為而家要返長短週，所以真係無乜時
間。其賁St Joseph都係半日制學校，但星期六就唔洗返，好似多D時間用。

仲有，我個仔話尋日無默英文，咁你哋知唔知道應該幾時默呀？因為我個仔好無記性，溫咗都可以唔記得，而家仲要喺最尾兩堂先默，玩完兩個小息應該唔記得七七八八，如再拖一個星期，我唸我同佢溫書都溫到嘔血 。

Kingawa, 我個仔叫卓謙/Hugo呀！今晚返去問吓佢識唔識你個仔先。

wongkay

係阿！班上面有兩個卓謙和兩個Hugo，我個仔叫黃卓謙，應該係你印印認識那個．我唸第時我哋D仔要叫番志強，偉文先唔會同人撞！

wongkay

咁我個仔又唔係喺蘇浙過來的，而且他是坐校車返學的，所以應該不是你印印所說的卓謙嘞!  Anyway，能夠成為同班同學都是一種緣份，以後要多D交流、交流。

wongkay

我個仔就搭C車，我都成日叫佢識多幾個朋友仔架，佢而家都好似無乜固定的鐵腳，小息時呢個又玩吓，哥個又傾吓。有時又同隔離班的同學玩，因為佢以前間幼稚園都有幾多同學派到軒小的。咁你個仔又叫乜名?可能佢哋已經識呢!

wongkay

啱啱喺網上見到明天要默英文，乜唔係話一個星期默英文，一個星期默中文咩？之前又無講清楚，我仲未同阿仔溫呀！而家兩科都喺同一個星期默，真係有D辛苦。

wongkay

唔係 Fa!!  係就好嘞，唔洗同阿仔溫得咁辛苦，同佢溫書簡直就係挑戰人類極限，佢次次都好似遊魂咁，隻眼又唔係望住本書，隻手又周圍攪野，一時又話口渴，一時又話去廁所，總之想盡任何藉口離開個位，呢頭溫完，轉頭又唔記得，真係想殺咗佢

bbcyrus,我想問你哥班係咪都係一個星期默中文，一個星期默英文的？

我想問你哋有無特別嘅方法幫他們溫默書架，尤其是英文？因為我個仔對英文都幾抗拒，我有時唸好唔好比佢上補習班，因為我哋兩公婆都要返工，weekday真係無乜時間同佢溫書，而星期六又有長短週，又要返其他興趣班，真真正正溫習就只有星期日。但係如果咁細個就返補習班，幾時返到大呀.... 總之就煩啦!

原帖由 kingawa 於 10-10-13 11:45 發表
阿仔話默書時老師係抄係黑板上俾佢地照抄ga!
咁唔知何為默書
佢一di都唔擔心,第一次仲拿100,上次英文我沒準備都有95,照抄都錯

wongkay

咁你個仔係邊度返功課輔導班架?聽講中央圖書館附近有一間補習社幾好，不過我又住得唔近，又無人湊阿仔去，所以無唸。

wongkay

我個仔話老師會在默書前在白板上幫小朋友溫習生字一次，然後會擦咗佢先同小朋友默書，並不是真的照抄。

呢兩個星期真係好辛苦，每星期兩科默書，又要評估，又要開始溫測驗，自己公司又多嘢做，就嚟死嘞...

wongkay

好耐無上嚟cheat嘞，因為我公司block 咗Baby Kingdom個網，攪到我唔可以成日上嚟添
我想問大家知唔知道今個星期三需唔需要默英文呀，因為家課冊又無寫，但呀仔話盧老師講咗話要默，請問你哋D仔女有無講呀？

wongkay

kingawa, 我知你講邊個梁昆浩，聽呀仔講佢有個花名叫小博士，什麼都識，讀書應該幾叻。我老公在學校旅行都有留意佢，覺得佢同其他小朋友不同，我哋D仔大都比較幼稚同天真，而佢講嘢就好叻，好似好多理論，中意人哋聽佢嘅說話。同你個仔一樣，呀仔都幾中意同佢玩。

嘩！你18號就去旅行，最尾幾日咪唔洗返學，澤銘咪好開心。首先多謝你個仔同annalee個女張聖誕節咭先，祝你哋有一個開心到飛起嘅聖誕節。

但記住.....聖誕後佢哋又要考試嘞，大家做家長嘅要繼續努力、繼續加油....

wongkay

我個仔咁懵，都唔洗旨意上到榜，但我都想知道係邊度睇到個皇榜架?  

我只係希望個仔一路keep 住有進步，自發性去完成自己的工課和自己去溫書，咁我就好滿足嘞！唔知要等到幾時呢 ...... 　

wongkay

係咩! 真係未見過呢張綠色紙喎， 緊係呀仔唔知掉咗去邊。我個仔一樣，完全唔介意自己係第幾名架，一D鬥心都無。激死

wongkay

好開心呀!終於考完試啦!我都無眼睇呀仔今次D成績，皆因佢上星期六日病到七彩，又發燒又咳又無胃口食嘢，成個人謝曬，所以無mug點溫數學和常識，就算有溫過嘅中文同英文，我都無信心，因為佢可以呢頭讀完，哥頭就唔記得，我同我老公都話要dig佢去驗吓個腦係咪有問題。Anyway，今次就睇佢嘅做化嘞。


你哋知唔知佢哋學校會唔會話比家長知小朋友在班中的名次呢？我個仔都唔洗唸會喺個皇榜出現，但都希望知道他在班是否落後很多。

wongkay

嘩! 澤銘真係好叻仔呀!下期龍虎榜希望可以見到佢個名啦! 我個仔就麻麻地嘞， 不過我都無mud鬧佢， 唔想比咁大壓力佢，佢開頭自己都有少少唔開心......當然好快就唔記得啦，但係佢應承我嚟緊會比D心機讀，希望佢有進步啦。

另外，我都無同個仔清過耳屎，我老公話D耳屎大大下會自己跌出嚟。我真係見過我老公有日無瑞瑞由耳仔跌舊耳屎出嚟，係咪好嚇人呢，所以我都無mud理我個仔，只係洗澡後幫佢抹下。Anna，我唸你個女應該無事嘅，唔好咁擔心。

下學期希望大家D仔女都一齊努力，一齊進步!!

wongkay

時間過得真快，咁就一年嘞!  盧老師話呀仔下學期考試有進步，但我覺得佢考試時仲有好多 careless mistakes，佢常識試過唔記得做半頁紙 ，英文的b&d... p&q又 調轉，中文的標點符號又唔寫...... 激死!!  現在最驚是二年級測驗考試無讀卷，到時都唔知點算。

好奇怪，下學期派總成績表竟然無家長日安排，唔可以跟班主任傾下呀仔的學習情況。仲有，好想知佢大約考第幾，等我暑假可以以再操操佢 ar!

你哋暑假安排了什麼活動比D仔仔女女呀？我搵到個綜合暑期班，返星期一三五，時間9:30 - 4:30，有嘢學又有嘢玩，仲有outing，我都係等一次join，希望好啦！　不過，都真係要好好利用暑假，幫佢哋準備一下二年級D嘢。

wongkay

我想問你哋知道呀仔呀女二年班讀mug班未呀？我好似在somewhere 睇過話已經公佈，但又沒有通告，問呀仔又話唔知。