官塘福建家長站~Part 2

寶貝豬的媽咪

Hi tinetinew,

做咗長老囉wor , 我見而家都少咗高年班gei媽咪上黎回應, me too la.  因為亞仔大個囉, 好多野都自己一手一腳攪掂, 我都唔係好知佢d野 .

呢度靠你喇~  

p.s. 亞仔中一至中三都係要帶好多書, 佢個書包日日都幾十斤, 只有盡量將d唔使日日溫嘅書放係locker.

寶貝豬的媽咪

以前就私人補習, 而家高中就安排去補習社.

原帖由 sumyee 於 10-9-6 17:48 發表
Hi tinetinew, 閣家長,
請問你哋有沒有請補習老師or去補習班?

sumyee

寶貝豬的媽咪

原帖由 tinetinew 於 10-9-9 22:00 發表
hi,

  nganC9話少嚟蒲,我咪胆粗粗'扮'樓主law!

yuk hei mum   

寶貝豬的媽咪

亞仔無講喎...今晚返去問下佢先, 如果真係太難食, 要同學校反映下.

原帖由 worldpeace 於 10-9-14 22:49 發表
你地d小朋友有冇投訴今年個飯商好難食呀?  阿女話寧願食杯麫, d飯又凍又少菜, d汁一pat pat......

寶貝豬的媽咪

尋晚問咗亞仔, 佢話d飯真係超難食 .  睇黎都要同學校反映下.

寶貝豬的媽咪

好明白各位家長gei心情, 諗返亞仔當年去軍訓嘅情境, 我係未接到佢電話前, 真係坐唔安, 食唔落, 簡直係瞓唔著, 好似被蟻咬咁....

佢夜晚都係靜雞雞先至打比我咋...好似做賊咁, 亞仔到而家都話軍訓對佢黎講係"永世難忘"喎, 他去完返黎話軍訓又辛苦, 地方又污穢, d野食有頭髮, 屎渠係同學仔張床上面成晚不斷滴水, 攪到又臭又濕, 亞仔足足3日無沖涼...返到黎好似走完難嘅乞兒咁, 佢第一句同我講嘅"終於都返到黎, 返到屋企真係好~~~".

So佢去完軍訓之後都明白咗一個道理, 就係"在家千日好, 出外半朝難", 對佢黎講都係一種得著黎嘅.  各位家長堅持住, 佢地聽日返架喇~~

亞仔呢3日都去咗梅窩宿營, 我都係超掛住佢...如果第時細妹有幸入到福中, 我都唔知點算囉...玩下手上埋深圳潛伏係軍營附近stand by...

寶貝豬的媽咪

係呀, 因為亞仔都中四囉, 好多野都唔使我跟, 所以我都少咗上黎.

其實環境係唔係咁惡劣, 就真係要親身經歷先至知喇~(我都係聽亞仔講) , 可能香港d小朋友太幸福啦, 所以會覺得慘姐, 唔好話深圳啦, 香港地食野都隨時附送頭髮、昆蟲 or 鐵釘啦.  同埋講到環境囉喎, 可能香港地比較乾淨, 相對國內黎講, 小朋友唔習慣姐.  我地d小朋友平時都會嫌公廁污穢啦, 何況深圳軍營吖.  不過屎渠係同學仔張床上面滴水就真係誇張咗d, 我都問過亞仔n咁多次"係咪堅架?"亞仔話"係呀!!! o個同學仲要走去同人媽鋪架".

除咗彈之外, 亞仔都有讚嘅, 佢話最好玩就係射擊, 佢好鍾意.  仲話如果有得再玩射擊, 佢都可以再次忍受唔沖涼3日喎.   

其實都幾好吖, 見到亞仔返黎屋企o個一刻, 幾有久別重逢嘅感覺呀, 即刻攬下亞仔先:loveliness: , 幾sweet sweet呀~.  同埋一家人聽亞仔呻去軍營嘅苦況, 我地又有得笑下~都幾開心架~

原帖由 441 於 10-11-16 13:59 發表
Hi 寶貝豬媽咪,

妳好少上來喎!   多D上來講下妳的經驗比我地知啦!  

聽完妳咁講, 真係可以想像她們是如何辛苦!

其實, 訓練是否可以比一個合適的衛生環境也可以呢?
我本人覺得, 訓練, 步操, 紀律是要有的.  
但同 ...

寶貝豬的媽咪

之前未參加過, 原本今年想比亞仔去, 但見轉咗去加拿大, 而且亞仔興趣不大, 所以都係等到下年先至算.

寶貝豬的媽咪

Hi meyonw,

我亞仔今年S4, 佢都係全理科, 生物、化學、物理(中文部和英文部都會各開一班), 記得每班大概30幾-40人度.  要入選到理科班主要睇數學分數, 學校有一條公式計算的.  所以如果你小朋友想選理科的話, 數學好緊要.  同埋校長同老師都有講, 幫小朋友選科時一定要考慮佢嘅興趣.

我亞囡今年小五, 福中係我首選, 但聽閱而家難入咗, 因有福小關係.  我頭痛亞囡多過擔心亞仔, 呵呵~

原帖由 meyonw 於 11-3-6 23:24 發表
我非常同意你們所講, 況且將來亦都有好多變數, 所以有時問多啲, 學多啲. thank you.

寶貝豬的媽咪

大家唔好咁客氣, 有時間我會多d上黎同大家交流心得.  順帶一提, 參加英語話劇係好事, 新高中英語科要選話劇或閱讀, 二選一. 如果由S1就開始嘅話, 咁到時真係選話劇就有個好嘅基礎.

我都有問題想請教大家, 你地知唔知福中預留多少學位比福小呀?  而家收生係咪收band 1多? 我而家開始要幫亞囡搵定資料, thanks.

寶貝豬的媽咪

Thanks~而家知道學校最新收生情況, 都可以預先準備.  

原帖由 candyvu 於 11-3-9 10:53 發表
多謝你分享，我聽簡介會時話收band1 尾and band 2頭，當然band 1 更係首選啦。不過校長話，如果只係收band 1 點樣可以表現到老師實力。依加得一輪收生，第二輪已是七月份。好似話先收一百人，預留三十個扣門位，其他留比小學。 ...

寶貝豬的媽咪

問過架喇~福小已經收足學生, 而且亞囡仲係高年級, 好難插班.  而家唯有叫亞囡努力加油~

原帖由 PoPofamily 於 11-3-9 13:43 發表
資深家長最好多d上黎同大家交流心得la。
參加英語話劇真係好好, 囝囝依家講英文自然左又有信心。
至於收生除非福小生自己唔揀,福中應該收晒先,所以唔好等叩門,最穩陣轉入福小先. ...

寶貝豬的媽咪

學校比帶電話, 家長可以寫原因係手冊, 再交比老師.  但一定唔可以係校內使用, 要關機.

原帖由 meyonw 於 11-5-18 12:38 發表
點解最近不見PoPofamily? 你好嗎?

我想問吓學校可以帶電話嗎? 因阿仔電話壞壞地, 所以想知學校要求. 謝謝!

寶貝豬的媽咪

唔使客氣, 我就一定唔會比新款囉, 驚佢唔見.  不過我亞仔都唔多追新款, touch screen + 有得聽歌就ok喇.

原帖由 meyonw 於 11-5-18 23:55 發表


唔該哂! 你地多數比什麼款手機佢用, 太新我又唔想佢追款, 太舊佢又唔鍾意, 可分享吓嗎?

寶貝豬的媽咪

各位媽咪,

我都好耐無上黎囉, 話咁快亞囡就小六喇, 我好希望佢可以入到福中, 同亞哥一齊返學放學.  但而家福中比以前難入好多, 我都好擔心.

我記得亞仔當年面試時要做中、英、數三份卷, 再加廣東話、普通話同英文對話.  但最近睇入學申請, 面試只係分2part, 數學IQ擂台同廣東話、普通話同英文對話.  唔知上年考入福中嘅媽咪可唔可以講下而家福中最新嘅面試情況.  唔該晒~

寶貝豬的媽咪

candyvu,

唔該晒~想問多少少, 數學IQ擂台係以咩形式架, 自己做卷定分組搶答題目呀?

寶貝豬的媽咪

candyvu,

再次唔該晒~我download咗form喇.

寶貝豬的媽咪

Hi tinetinew,

好耐冇上黎喇, 時間真係過得好快, 我亞仔今年都中六, 你亞仔都選科囉. 而家諗返當初係bk傾計, 好似唔係好耐之前嘅事.

全理加m1/m2, 會好辛苦, 你仔仔要加油努力啊~

今年福中競爭實在太大, 亞囡未能同哥哥一齊, 不過都好彩入到一間唔錯嘅學校, 感恩.

寶貝豬的媽咪

冇轉呀，已經讀到死死下，再轉想攞佢命咩~

寶貝豬的媽咪

回復 tinetinew 的帖子

呵呵, 原先係挑戰新高中最高難度(全理加M2, 老師講嘅), 後來覺得實在太辛苦喇, 加上同老師討論過拎分策略後, 都係集中火力, 就退修咗化學同M2.

你可以先比仔仔讀一年全理, 起碼比佢有機會接觸晒3科.  好似我亞仔咁, 佢都無後悔當時選全理, 因為佢唔讀過就唔知自己唔鍾意化學.