st. nicholas' english kindergarten 學校質素如何?

moominfloren

之前我都有聽過 york 同 sn 係同一創辦公司, 不過唔肯定, 而我o地交費用o既支票枱頭, 同今日報紙講 york o既新聞中提及o既校董公司亦唔同, 校車都唔係 share, 我覺得係完全獨立 (雖然套校服都幾似)

winbun

What I heard is York & Stafford are related schools. The briefing letter from Stafford is exactly the same wordings as that of York ! Haven't been to  Stafford's briefing, not sure if the briefing content is same as York or not.
Any BK mami know about this ?

prettygirls

教局被指對私校監管寬鬆
約克給家長的通告上，下款由「約克教育機構」署名代表三間約克系幼稚園，馮禮城是該機構兩名董事之一，另一董事蔡國贊，是九龍塘金巴倫英文小學暨幼稚園校監。蔡國贊也出任仁濟醫院歷屆總理聯誼會董事，為中山中港英文學校校長，他與馮禮城有另一合資公司。（clip from Apple Daily)

http://hk.apple.nextmedia.com/te ... amp;art_id=14507417

真係同一公司，有無bk mami 知呀？

本來都好喜歡SN,  現在開如動 榣。

winbun

原帖由 prettygirls 於 10-10-1 14:55 發表
教局被指對私校監管寬鬆
約克給家長的通告上，下款由「約克教育機構」署名代表三間約克系幼稚園，馮禮城是該機構兩名董事之一，另一董事蔡國贊，是九龍塘金巴倫英文小學暨幼稚園校監。蔡國贊也出任仁濟醫院歷屆總理聯誼會董 ...

Me too. I've applied SN & have good impression but feel worry now if it's really related to York. Btw, when will SN starts their interview? I haven't received their interview letter uptill now!

[ 本帖最後由 winbun 於 10-10-1 15:05 編輯 ]

ho_yan2406

我都有d擔心,如果佢收我地又讀,會唔會又好多費用要交呢?
上次交表話10月尾先寄有關interview既信俾我地

2隻臭豬

原帖由 ho_yan2406 於 10-10-1 21:49 發表
我都有d擔心,如果佢收我地又讀,會唔會又好多費用要交呢?
上次交表話10月尾先寄有關interview既信俾我地

以前佢地係有關係 , 而家肯定無關係 , 我個大女都係金巴倫畢業 , 兩間學校好唔同

moominfloren

阿仔開學之前聽幾次 briefing, 而家開學 2 個月, 都冇聽過 sn 要小朋友考 cambridge.....etc o既考試, 雖然 sn 雜費唔算平, 但都係必需o既費用, 唔覺佢好"掠水", 而且學費 $25xx X 11個月, 都算平.  所以除o左校服, 唔覺得 sn 同 york 好似.........

jswailam928

agree,
我亞女今年k1, 番左2個月真係無乜費用要出~~~
咁雜費個個學校都要架啦!!!
開學前聽講座SN校長真係唔似Y校長咁下下都講MONEYMONEY~
正常學校一間...GOOD!!!

helenli

我讀過STAFFORD, 現在讀SN, SN和STAFFORD/YORK是完全不同的, 除左D功課簿有些相同, 用的書本都不一樣, 中文書同樣用朗文, 而英文書, YORK/STAFFORD是用佢老細自己寫的英文書 (自以為寫得很好), SN也是用朗文的.

SN和YORK是完全不同STYLE, 無劍橋班, 也無多元智能班, 唔會借圖書都收你$70... SN也有課外活動, 是星期一至五課後的, 收費$1300-$2100不等, 視乎你每星期參加多少日, 也有外判的畫班, LEGO班, 暑期興趣班, 但沒有為考試而設的雞精訓練班.

我不知SN和YORK的股東現在是甚麼環境也不會去問學校, 無咁既必要, 有興趣報SN的家長可以去聽下校長的簡介會, 你會發現同馮譚淑賢女士的演講好唔同.  我好記得前年復活節我帶仔仔去SN參加迎新FUN FAIR時, 校長MRS CHOI說, "家長一定要清楚我校的理念, 現在係四月, 你地仲有時間去選擇其他學校, 歡迎大家比較, 覺得適合先好比小朋友入來讀" 相比馮譚女士不停推銷, 吹噓, SN的令我覺得可靠和實在得多.

原帖由 moominfloren 於 10-10-2 00:04 發表
阿仔開學之前聽幾次 briefing, 而家開學 2 個月, 都冇聽過 sn 要小朋友考 cambridge.....etc o既考試, 雖然 sn 雜費唔算平, 但都係必需o既費用, 唔覺佢好"掠水", 而且學費 $25xx X 11個月, 都算平.  所以除o左校服,  ...

LITTLESPICY

totally agree with you!
開學前去個seminar, 校長介紹學校, 老師同課程. 亦解釋他們用的二文三語所佔的時間比例!
我好記得, 佢好強調一點 - 我地唔係全英語教學, 不過學校係用NET teacher 去教英文, 北京老師教普通話! 如果家長的意願學校係全英語, 咁就要認真去考慮SN可否達到你要求!
我地收的學費比一般在九龍塘的幼稚園便宜, 亦已盡量去聘請足夠的NET teacher來教學!

我聽完覺得好舒服, 佢講真話! 學費真係底讀, 有NET teacher, 有outdoor playground, 有普通話學....起碼佢會叫你想清楚先比小朋友來讀! 從冇hard sell!

家長幫小朋友找學校, 唔一定要名校, 課程深.... 最重要係間學校適合自己小朋友讀, 佢讀得開心. 比返一個好的童件佢地!

開學到現在已有一個多月, 我好滿意SN. 對小朋友好細心, 我個囝個班主任會主動打電話比我講我個囝的問題, 我好多謝佢. 因為細仔, 真係有一些事跟唔上, 我知道後,可以在家訓練佢.... 非常好!

原帖由 helenli 於 10-10-2 01:27 發表
我讀過STAFFORD, 現在讀SN, SN和STAFFORD/YORK是完全不同的, 除左D功課簿有些相同, 用的書本都不一樣, 中文書同樣用朗文, 而英文書, YORK/STAFFORD是用佢老細自己寫的英文書 (自以為寫得很好), SN也是用朗文的.

SN ...

ho_yan2406

聽完咁多位既意見,個心都定d...

其實sn都係我學生家長介紹俾我既,只不過佢個女已經十歲,驚唔知而家係咪都keep住咁好~

咁我想問d雜費唔平...大約係幾錢?同埋係咪半年交一次咁咋?

另外..課外活動一定要join嘛?

helenli

雜費是千多元一個學期, 包括小朋友在校的文具, 用品, 生日會/節日禮品包, 茶點費另計.

課外活動是自由參加, 可以每星期參加兩天, 三天或五天.  放學後玩, 所以只有上午班可以參加.  SN的興趣班辦得不錯, 頗受歡迎.  

原帖由 ho_yan2406 於 10-10-2 01:55 發表
聽完咁多位既意見,個心都定d...

其實sn都係我學生家長介紹俾我既,只不過佢個女已經十歲,驚唔知而家係咪都keep住咁好~

咁我想問d雜費唔平...大約係幾錢?同埋係咪半年交一次咁咋?

另外..課外活動一定要join嘛? ...

helenli

ho_yan2406:

你係咪FRANCIS呀? 我係N年前在中大讀MUSIC時同你做過同學的HELEN呀? 你都做左媽媽嘞? 恭喜你呀BB好得意!

原帖由 ho_yan2406 於 10-10-2 01:55 發表
聽完咁多位既意見,個心都定d...

其實sn都係我學生家長介紹俾我既,只不過佢個女已經十歲,驚唔知而家係咪都keep住咁好~

咁我想問d雜費唔平...大約係幾錢?同埋係咪半年交一次咁咋?

另外..課外活動一定要join嘛? ...

littlecook

請問几時有簡介會呀?
係有興趣既都可參加,定係報左名既會被邀請參加,還是取錄左先可以去呀?

原帖由 helenli 於 10-10-2 01:27 發表
我讀過STAFFORD, 現在讀SN, SN和STAFFORD/YORK是完全不同的, 除左D功課簿有些相同, 用的書本都不一樣, 中文書同樣用朗文, 而英文書, YORK/STAFFORD是用佢老細自己寫的英文書 (自以為寫得很好), SN也是用朗文的.

SN ...

JasperCheung

AGREE.....我仔仔都係讀了2個月左右.....學費$2XXX....(其他: 書薄費$1K左右....雜費$1K半年...茶點費$1XXX(茶點可唔俾的...自己安排亦可...)....校服費-幾百蚊......而又沒有其他費用要收喇~~~亦沒有慕道班....
校長唔HARD SELL...老公極鍾意呢間學校....話比YORK...相差好遠....勁SELL.....仔仔現在同我講普通話...好搞笑...現在只變仔仔教媽咪講普通話添....而仔仔最愛返學校食茶點...有通粉....ABC粉...有栗米片...有CAKE...有麵包...每日不同.....而且同我勁講英文....老師每星期都打電話俾我....有次我放假接仔仔放學....有D唔係教我仔仔個班既老師都同我傾計及提及仔仔.....我覺得佢地照顧好周到...我已確定..無選錯學校...而且我本身仔仔已經受洗禮....本身返區堂就不用俾$$$......不明白點解D家長要去俾$$$領洗....不尊重宗教....

JasperCheung

仲有閱讀圖書計劃.....係叫你自己去圖書館借書.....沒有像Y咁收費....

lasjashk

好學校，真心講，無預期會甘好
我女兒是今年N1上午班學生，去年我跟大家一樣對這間學校存有很多疑問。
女兒去年考到ST CAT英普和學之園（將軍澳）下午班，但她改不掉午睡習慣，故我寫了信去申請轉上午班，但兩間答覆已沒有學位，到8月尾，卻有熟人後補到上午班，我覺得不公平，我致電查詢，答覆一樣，心想暫時讀SN ，讀不好便回多多。
怎料，開學個多星期，已體會到老師的愛心：
1開學首3周，老師每天／隔天致電具體及詳細報告女兒在校情況，以前迦南（麗港城）和多多都無甘密
2以前女兒不會說一句普通話，學習興趣亦 不濃，改讀TT時班主任是北方人，情況一樣，但這兩星期，她竟唱普兒歌，中秋節時，用普通話說吃月餅玩燈籠，可見老師教學用心
3課程不如流傳般淺，每天都有功課，簿的大多填色連線，女兒不愛填色，故吃力；另每周一篇網上通識練習和親子閱讀
4每周有SHOW N TELL 帶一樣物件回校在同學面前用英文介紹物件，女兒最愛
5校舍舊，課室佈置不算美，但學費相對便宜，女兒班上只有17人，真正小班，軟件好－課程師資不馬虎
6女兒有點公主病，不愛聽指令，老師都耐心教導，現時學會守規，從沒在校發脾氣，自己如廁，吃下整份茶點，進步很大

見她天天上學開心，留了留位費，都不轉了
名氣重要，但亦要適合孩子，讀得開心，畢竟要讀三年，學習的路仍很長

helenli

媽媽你好, 請問你的小朋友是哪位班主任? 是MS BERNIE 還是MS JORELL教英文?

原帖由 lasjashk 於 10-10-2 22:27 發表
好學校，真心講，無預期會甘好
我女兒是今年N1上午班學生，去年我跟大家一樣對這間學校存有很多疑問。
女兒去年考到ST CAT英普和學之園（將軍澳）下午班，但她改不掉午睡習慣，故我寫了信去申請轉上午班，但兩間答覆已沒有學位，到8月 ...

littlecook

其實几時會開始interview呢?
交左表一個月都無消息呢!

JasperCheung

講真.....真的沒預料到...這麼好....開了學~~心裡還很想有其他學校9月有位時再轉~~但將來3年....絕對不會轉添喇~~小朋友每星期日就係佢既玩具堆裡面...尋找玩具...自己貼上名稱...話要同MS. Jorell 講 how to present my love toy....我聽到好感動...要一個剛3歲既小朋友....係咁多同學仔面前用英文介紹自己既玩具....呢個係考驗小朋友自己的自信心....對升小一面試絕對有幫助....朋友的仔女畢業...都話無咩劍橋課程呀...慕道班呀...額外不知明既收費呀~~~