講開唔開電話, 同大家分享一個故事(有D長, 但好有意思的)
之前上一個輔導課程, 社工導師分享左一個真實CASE, 故事主人係一個中年媽媽, 佢個女中學了, 成日都無黎搭烚, 有一日放學, 無返屋企, 媽媽勁打電話都搵佢唔到, 8PM, 9PM, 10PM, 媽媽開始慌, 想報警又好似好大件事, 坐又唔係, 企又唔係, 出去搵又唔知去邊度
呢個時候, 女女返屋企, 媽媽心裡好複雜, 想鬧, 心安, 好嬲........一次過出晒黎, 講唔出野於是講左句"夜喇, 換衫食飯啦"
2母女一路食飯, 相對無言, 個女越黎越驚點解阿媽仲唔開片??? 當然佢唔敢問, 到最後, 媽媽講左句"你知唔知我頭先好擔心你, 你下次唔好咁喇"
個女至知, 原來自己阿媽驚到鬧唔出, 果下, 佢知錯了, 以後都唔敢唔開電話
(社工寄語: 丙一千次, 唔及你感動佢一次, 切記)
好, 上PART講完..............聽左呢個故仔, 我好上心, 以為收到教訓了, 好, 而家請大家聽下半PART (現眼報呀各位)
我有幫手女女學校義工工作, 有一晚, 女女又循例打黎"你去到邊呀", 我亦循例答"快喇就返喇" (當時我女小3)
事實係我約左D PARTNERS開會, EXPECT半小時開完, 開會無耐我電話就無電熄機, 結果又神推鬼控咁就攪到10PM
一出LIFT, 我離遠見到我女坐o係鐵閘位置, 我心唸"大鑊", 一開門, 同佢講"你等我返黎呀?", 我女眼紅紅望左我一眼, 無答我返左房, 當時我表情應該係咁:
入到屋, 我老公一見我就狂鬧"你知唔知你個女等左你幾個鐘頭呀你又話就返知唔知人地擔心你架構^(^*&*%$^$"
果下真係超級guilty feeling, 之後, 我唔夠膽玩消失, 就算電話無電都一定問人借電話報到
(所以我咪話現眼報lor, 真的, 老公丙我一百句, 都唔夠個女果一個眼神HURT, 嗚........我知錯喇) |