好嬲，升左中就係咁？！

麟媽媽

自從亞仔升左上中一，
d 生活好似好Hea 咁，
無咩功課，書又唔知佢教左幾多？！

今日佢話想留校練波，
預備聽日既校隊選拔，
我話OK啦，但4pm 好走喇。
點知5:30pm 都唔見人，
仲熄埋個電話唔聽，嬲得我！
中一已經自把自為，大d 點算？
剛才佢先打比我話返緊！
我好火打比老公，我想罰佢，
扣佢聽日零用錢，
但老公又叫我冷靜，話個仔大喇，
可以約法三章，可以有自由，
但唔可以濫用自由喎！
真係好小事嗎？唔使表達我不滿？

麟媽媽

WYmom，Judy，見到你兩個老朋友真好！
亞仔升左中我都唔知佢想點，
個人好似好鬆散咁！佢學校又出名夠自由，
但佢地都唔好好似甩線紙鳶咁款呢！
我覺得自己頭先都好得，忍得住把火，
其實今日呢件小事只係引爆器，
之前好多細細既事情，總之覺得佢好Hea，
佢又好似無咩方向咁，功課都未顧掂，
呢樣club又話join，嗰樣又話想join....
頭先又話佢負責做壁報，我話你又有份？！
死囉，好學唔學似足佢老爸！

麟媽媽

Joe媽媽，

多謝你提醒，
我一直無諗過亞仔面子問題，
或者好多時只顧自己大人既面子....
同你地傾完心情好多了，
共勉之~~

麟媽媽

嘩！咁多老友，開心啊！
亞蝦，唔好咁得戚，
睇你亞仔幾時甩你手呀！
真係好多以前小學雜談既朋友，
而家個個仔女大個，
我地又要開始多多學習做中學家長。

麟媽媽

我個仔用普通Nike 背囊做書包，
小學時都係用護脊書包，
升左中學唔肯用！
佢個書包都超重，仲日日揹住上斜，
幾好呀，我覺得佢Fit 左清減左！

原帖由 441 於 10-9-16 22:56 發表
Hi 各位,

我個女買了個North Face 有護脊的, 都幾好.  折扣後都要$560.    個書包真的很重!

麟媽媽

我個仔中一唔可以出去食lunch，
係學校訂飯，可能佢運動量大，
佢話食完個飯盒仲未飽，
尤其是有幾日要練波(校隊)，
水又唔夠飲，野食又唔夠飽，
我每日再比多$25 比佢，
用黎買野飲同買野食。