點樣幫唔識中文的外國回流小孩，插班入真道DS2？

70x7

小兒今年就讀4th grade，本人正考慮未來一兩年回流香港，但心煩應讓他今學期Stage 3插班入DS2，定等下年9月才入DS3？        

原因﹕
（1）今學期插班
想是越年小，適應力越強。希望他越快轉入新學校，越快適應，及最重要是越快、越容易能追上中文和普通話的空白/進度。
他中文看寫能力是“0”。我們日常對話是廣東話，所以普通話也是“0”。

（2）再等一下
另方面又想話，等全部科目，除中文科，轉用英文授課，是DS3或DS4吧？？才讓他入讀真道。那麼他要應付的便只有中文科這一學科，而不是要再加上用中文授課的數學或其他學科，難度會低點吧？！！
中文始終是我擔心的地方啦！

Q1﹕請問真道家長們，有什麼想法、建議？
Q2﹕如是你/妳，會如何做？會選擇留班一年嗎？還是讓他試試看，唔得才留班？
Q3﹕如何幫他適應真道的生活？追上課程進度，尤其中文及普通話啦？都是那句，中文是困難之所在。
Q4﹕有什麼地方我也要注意的，如在心理、情緒方面？
**重要
Q5﹕我從何決定真道適合小兒而不是其他學校？
Q6﹕見校長面試，有什麼要注意的地方？

謝謝！



[ 本帖最後由 70x7 於 10-9-24 00:55 編輯 ]

mancon

hi 70x7,
本人女兒今年插班讀FS2,個case好似不是外國回來,我女兒識中文,佢以前1直讀international school,
至於e間學校中文唔淺,女話好難(因以前間學校中文淺),english就so easy(因以前間學校教到3A)
1.我覺得趁細轉好d.由DS1開始,除中文+普通話外,全英文授課所以早轉好d.
2.我不想小朋友留班,e度d老師好好,唔明問老師.
3.我女兒放學返黎都5pm,每日都好趕,好彩我地有keep住做街外中文習作,加上我女以前學校有普通話學,會好dd.
4.我女以前學校好照顧d小朋友,e間剛雙反唔多照顧d小朋友,要自立.
5.我女兒比較喜愛非傳統學校,再加上我女以前學校行IB教學同真道較接近.
6.見校長,我女細interview時看父母有幾緊張,考中,english,數卷1定要

原帖由 70x7 於 10-9-24 00:52 發表
小兒今年就讀4th grade，本人正考慮未來一兩年回流香港，但心煩應讓他今學期Stage 3插班入DS2，定等下年9月才入DS3？        

原因﹕
（1）今學期插班
想是越年小，適應力越強。希望他越快轉入新學校，越快適應，及最重要是越快、 ...

[ 本帖最後由 mancon 於 10-9-24 13:39 編輯 ]

nerimo

如果你打算讓孩子回流返香港讀書, 除了國際學校外, 其他學校你都需要慎重考慮, 原因:
小學階段就算是英文小學, 始終有部份科目是會用中文教授的, 例如: 常識/社會科。
真道DS2, 英文/科學/數學, 會用英文教授, 但其他科目都會用中文(廣東話)教, 工作紙都會係用中文, 而中國語文因用國內教材, 會比較深,  DS3/4/5大致上都差不多, 所以如果你個小朋友, 只識講唔識睇, 我相信你要由現在開始幫佢惡補, 才能適應香港嘅教學。

70x7

Nerimo，
好開心得到妳的意見分享！  
就是知好難，佢會追得好辛苦，所以好心急亦好閉翳，宜家已經“落藥”同佢講返香港讀書會點，功課相對較多，中文及普通話要勁追。
就中文及普通話這道難題，請問你有什麼好提議，讓我能同小兒一起作戰？當然是要勝仗啦，縱然辛苦！
謝謝
70x7

[ 本帖最後由 70x7 於 10-9-24 23:28 編輯 ]

70x7

謝謝 ，Mancon﹕

你話真道老師好好，但又話呢度老師無你女兒前所學校咁照顧小朋友，咁即是。。。

我個仔好矇，好無記性，成日唔記得帶家課冊或folder返屋企，成日要問佢，跟佢後邊，咁佢係真道咪好弊，因自主性弱。有麥計？

佢入學評估卷（中、英、數各一卷）考了，宜家校長想見小朋友及家長，所以我想問面試時要注意什麼？或準備什麼？我現時就只有不斷在網上，從不同渠道去了解真道。還有什麼可以準備，以致小兒成功被錄取？

最後，可以問下你經歷，區內還有幾所出色的直資學校，為什麼最後你會選取真道？吸引之處在那裏？

謝謝分享！

原帖由 mancon 於 10-9-24 12:36 發表
hi 70x7,
本人女兒今年插班讀FS2,個case好似不是外國回來,我女兒識中文,佢以前1直讀international school,
至於e間學校中文唔淺,女話好難(因以前間學校中文淺),english就so easy(因以前間學校教到3A)
1.我覺 ...

[ 本帖最後由 70x7 於 10-9-24 23:30 編輯 ]

mancon

hi 70x7,
我女兒雖是FS2學生,但只得6yrs,以往老師係好以前全班15人2位老師,我明白現在人多,始終係FS2要自立.
我都日日提女抄題目,寫手冊,佢試過冇抄題目返黎,點做? 好彩我夠8開學後認識了家長,唯有打tel問功課.我知不是長久方法,所以我更加不停提女,現在仍進步中.
校長好like小朋友多野講,喜歡家長較主動.
至於考學校,我女兒case好特別,佢本身由2yrs至6yrs前在international school讀,以前間學校係5yrs讀grade1,諗住想多d中文學就試同女考出面學校,用左6-7months準備不停做練習,當中有唔小學校收佢p.1and p.2(因年齡關係考埋p.1),從朋友介紹得知真道唔錯,我女算遲取錄8月頭先通知,亦諗住非傳统學校對我和女兒都容易適應.

原帖由 70x7 於 10-9-24 23:20 發表
謝謝 ，Mancon﹕

你話真道老師好好，但又話呢度老師無你女兒前所學校咁照顧小朋友，咁即是。。。

我個仔好矇，好無記性，成日唔記得帶家課冊或folder返屋企，成日要問佢，跟佢後邊，咁佢係真道咪好弊，因自主性弱。有麥計？

佢入學評 ...

[ 本帖最後由 mancon 於 10-9-25 18:09 編輯 ]

nerimo

原帖由 70x7 於 10-9-24 23:03 發表
Nerimo，
好開心得到妳的意見分享！  
就是知好難，佢會追得好辛苦，所以好心急亦好閉翳，宜家已經“落藥”同佢講返香港讀書會點，功課相對較多，中文及普通話要勁追。
就中文及普通話這道難題，請問你有什麼好提議，讓我能同小兒一 ...

你可以試試從看書著手, 有d中文書會有國語拚音, 你可以用廣東話教佢, 而佢自己睇拚音學普通話, 因為係學校都要學拚音, 另外你可以比佢睇d講普通話嘅電視節目。 其實你又唔使太擔心, 小朋友適應能力好強, 只要家長有時間, 係生活上多用中文, 比多d機會佢睇中文書/報紙, 相信會對佢有幫助。

bzmom

我是2008年回流,有一子一女入讀真道，他們只懂寫自己的名字和說廣東話，完全不識讀中文。當年女兒8歲讀FS2, 兒子6歲讀FS1。

今年他們是DS1和DS2，中文科己有能力應付，只需間中輔助。DS2中文科是普通話上課，女兒也能完全明白，所以我很感激學校教導他們。

我建議你的小孩選擇較低的年班入學，從DS1開始課程艱深和教授速度快。最好装備數學和普通話。

我不懂普通話，所以他們報讀了Kumon中文科，從拚音開始，你不妨考慮讓孩子報讀。

[ 本帖最後由 bzmom 於 10-10-5 17:24 編輯 ]

70x7

話，好開心，有相同case的朋友， 我可以向妳取經了。

咁請問，妳位寶貝女當年是否讀低一級去就中文課？

又請問他們在那裏讀公文中文、普通話？調景嶺嗎？

妳會否介意分享一下，妳是如何帶妳的子女，特別姐姐啦，因級別高一點，中文深點，跟上真道課程的進度？用了多長時間？他們有不適應學校生活、功課壓力、評估測驗嗎？因始終外國功課少，又無麥assessments。

最後，可以再問問妳點解在云云直資學校裏選上真道？因我仲是有些少遲疑，真道是否就是命中那間。

謝謝！:loveliness:

p.s.  我可以跟妳交個朋友嗎？ 不介意的話，請貓給我妳的e貓信箱地址。

原帖由 bzmom 於 10-10-5 15:57 發表
我是2008年回流,有一子一女入讀真道，他們只懂寫自己的名字和說廣東話，完全不識讀中文。當年女兒8歲讀FS2, 兒子6歲讀FS1。

今年他們是DS1和DS2，中文科己有能力應付，只需間中輔助。DS2中文科是普通話上課，女兒也能完全明白 ...

[ 本帖最後由 70x7 於 10-10-8 02:28 編輯 ]

bzmom

我當然很高興跟你交朋友分享我的經驗。
待我send email 給你，直接跟你詳談。

70x7

Thank You.  Look forwards to hearing your 血淚史！

Thanks God ，我找到妳作我的盲公竹。

原帖由 bzmom 於 10-10-6 11:08 發表
我當然很高興跟你交朋友分享我的經驗。
待我send email 給你，直接跟你詳談。