瑪利諾修院學校家長交流區

pcrystal1010

舊年我地自行報名時，仲以為自行階段的名額係全部for外校生的。但計返今年 F1外來生的人數，原來自行階段只收咗二十幾個外來生。

pcrystal1010

sorry,遲咗覆你！ 如果你唔介意，我都可以分享少少。舊年呢個時候，我地都係同你一樣嘅心情，有d忐忑不安，好驚因為自己嘅錯誤選擇，而令囡囡錯過最啱佢嘅學校。咁自行階段選校時，MCS係我地嘅首選（屬於跨區），另外一間地區名校係我地嘅次選。因為我個囡成績係小學全級前五，加上有其他課外活動獎項，對於次選係稍有把握，但對於MCS，就志在報名嘗試下，冇諗過會有把握成功。咁面試前，都同阿囡溝通咗，唔比壓力佢，希望佢可以輕鬆自信去面試，當時佢自己覺得面試表現都唔錯。七月放榜時，當知道佢可以夢想成真時，果一刻我感覺佢真係好lucky！ 開學後，都曾經擔心過佢係咪需要好長時間去適應全新的中學生活。但出乎我意料之外，佢適應得好好，冇太大問題。溫書，做功課甚至考試前的溫習都係佢自己安排。唯一有嘅“壓力”，就係班裡太多叻人（外來生來自港九新界不同地區，聽聞全級第一都有幾個，好多仲係文武雙全），令佢覺得自己不再“優秀”。不過有壓力，才會有更大的動力，佢本身係不服輸嘅性格，所以佢而家有更大的動力去讀書。見到佢每日開心返學，享受精彩的中學生活，我都感到十分欣慰。

pcrystal1010

如果真係心儀呢間學校，對自己嘅囡囡有信心，可以不妨一試！