林文燦英文小學-印巴籍學生

JackyBaBa

原帖由 Anise 於 10-10-5 22:18 發表
我想替我2個小朋友報" 保良局林文燦英文小學",但有其他家長告訴我,這校有較多印巴籍學生,而大部份印巴籍小朋友是品行上較差,會教壞我的孩子,這是真的嗎?
我不想因為出面其他人講的說話而影響我選擇一間好的學校給我 ...

Anise 媽咪,

你既諗法同我一年前揀LMC既顧慮差不多一樣,
詳情你可以參考之前post如下:

http://forum.edu-kingdom.com/viewthread.php?tid=2168517&extra=page%3D3


經過一年,我留意同分享如下:

1/. 學校有收差不多over 60% oversea 既 學生,其實唔只有印巴籍學生,仲有,英國,法國,加拿大,日本,星加坡,印尼,澳洲,etc...
亦都係因為咁,學校先更加容易成為一間以英語語境為主既學校,你平時有機會可以去學校參觀下,
你唔難會聽到學生與學生之間係自然用英文溝通同交談,正因為多外籍人士就讀,咁先之更容易令佢地用英語交談,使小朋友英文進步成長得好快。

2/.我都有留意學校印巴籍既學生,佢地都係好乖好活潑,有d仲係prefect,班長同好有禮貌,如果你interview果日有機會同下佢地傾計就知嫁啦,
其實頑皮既學生無論中國或者每個國藉都會有,一樣米養百樣人,唔可以因為佢地係印巴籍而就特別label佢地,呢方面我對LMC老師既評選同教育好有信心。

3/.TSL 同LMC都係同屬賈梅士理念既直資學校,都會收取外籍同印巴籍既學生,正正因為咁,亦成為學校國際環境同特色之一。

4/.我小朋友開咗學到而家,都係話好開心同鍾意番呢間學校,仲話開心過番幼稚園陣時,又成日己經學識唱校歌比我同太太聽,我地見到佢咁開心都覺得冇揀錯間學校比佢。

呢d都希望幫到你,但最緊要既,都係你要自己清楚揀間乜野類型學校比你小朋友,咁先至最適合你同小朋友。

祝goodluck

[ 本帖最後由 JackyBaBa 於 10-10-6 00:07 編輯 ]