請問有無人知馬鞍山靈X幼稚園點評分架？

jenniferzhu

請問有無人知馬鞍山靈X幼稚園點評分架？最高分系幾分？最低又系幾多分？
我囡囡IN時我瞄到申請表上得3.1分（囡囡IN時表現唔好，唔多肯回答老師問題），好擔心無得入讀呀，呢間學校系我地既首選學校黎架，如果唔收囡囡我會好傷心呀。

sarah5gi

hi各位MAMA好
我個囡都有去IN 靈糧仲要晨早第一批8:00!呀囡一入到去當然去玩玩具,老師問咩都聽唔到,我就講左句佢掛住玩,咩都唔答,個老師竟然答我更係啦,小朋友唔玩就奇怪!其實佢想小朋友答問題,定玩左先呢?
不過點都好當係一個同呀囡架經歷啦,希望可以同各位做到同學仔啦!

jenniferzhu

問題唔系個個老師都識咁諗，面試我囡囡個老師俾佐個扁嘴兼滴汗既叮當貼紙我囡囡呀，好明顯唔喜歡我囡囡唔理佢唔出聲啦，唉。。。。。。。。。。

原帖由 PeonyComing 於 10-11-9 22:13 發表
唔洗唔開心, 我個囡都係咁, 一個專業o既老師係真係讀過書, 佢地會理解小朋友係咁, 識得分析, 我反而覺得 d 名校老師就唔會咁觀察小朋友, 好多都係坐低問問題, 好大人角度去評個小朋友lor. 我同個老師講話我個囡好貪 ...

jenniferzhu

希望可以做到同學仔，因為我家人好想囡囡入讀呢間幼稚園，又近我地屋企。

原帖由 JOEYJOKY 於 10-11-9 13:11 發表


其實唔駛咁擔心.  我個大b女係大b 都係咁... part 1 入去大房到玩玩具, 試問一個咁細個小朋友, 見到咁多玩具, 仲邊會聽到其它人 ( 包括老師及父母 ) 的問題呢 ?  老師係咁問我個女野, 又叫我個女扮倒杯水請老師飲, ...

PeonyComing

唔洗唔開心, 我個囡都係咁, 一個專業o既老師係真係讀過書, 佢地會理解小朋友係咁, 識得分析, 我反而覺得 d 名校老師就唔會咁觀察小朋友, 好多都係坐低問問題, 好大人角度去評個小朋友lor. 我同個老師講話我個囡好貪玩, 佢唔理人, 個老師就話小朋友o既工作係玩, 鍾意玩先係小朋友. 所以到最尾個囡 (佢係第10個, 等好耐) 見校長都唔多合作, 成日叫玩, 我都算啦, 難得有間in o既時候唔係只著重小朋友o既語文發展. 我好希望囡囡入到呢間咁有創意同以兒童為中心的學校.

原帖由 jenniferzhu 於 10-11-9 12:05 發表
我囡囡IN靈糧時初時幾好，肯乖乖坐定定玩，後尾老師問佢時就開始唔合作，問咩都唔答，仲唔理老師，唉。。。

JOEYJOKY

原帖由 jenniferzhu 於 10-11-9 12:05 發表
我囡囡IN靈糧時初時幾好，肯乖乖坐定定玩，後尾老師問佢時就開始唔合作，問咩都唔答，仲唔理老師，唉。。。

其實唔駛咁擔心.  我個大b女係大b 都係咁... part 1 入去大房到玩玩具, 試問一個咁細個小朋友, 見到咁多玩具, 仲邊會聽到其它人 ( 包括老師及父母 ) 的問題呢 ?  老師係咁問我個女野, 又叫我個女扮倒杯水請老師飲, 我個女 so 都唔so 老師.  就算肯回答, 或比返應老師, 個眼神都冇望住老師.  全程金精火眼望全d玩具.  小朋友心想, 玩邊樣野先就真... 哈哈 !!!

anyway , 大家好運.  或許將來會是同學仔...

jenniferzhu

我囡囡IN靈糧時初時幾好，肯乖乖坐定定玩，後尾老師問佢時就開始唔合作，問咩都唔答，仲唔理老師，唉。。。

原帖由 petunia 於 10-11-8 16:25 發表
唉....靈糧，我真係無希望了....

我都有去in，但因為In的時間係原本佢午睡的時間，我個女勁無耐性，乜都聽唔入耳，仲訓左係地下度！係in咁多間幼稚園都試過的。

更可惜的，係bb排最後，校長一個問成三四分鐘，等到我都已經係半個鐘之 ...

JOEYJOKY

原帖由 monmonbe 於 10-11-7 12:21 發表
咁幾時會通知呀？

12月15日或之前會有好消息... 大家努力等...
我個女都有考.  我看到是 3.8 分. 但我諗都是年齡而已. 因我個女入學時都係3yrs8m.   

加油....

肥梅

agree

[ 本帖最後由 肥梅 於 10-12-8 00:37 編輯 ]

petunia

相反，我又會覺得....自己的小朋友等兩個鐘，都唔懂得表現自己無耐性的話，除非小朋友家教真的極好，超懂得耐性的真意....

但....面對有咁多玩具，又有咁多比校長更有趣的事情，聰明的小朋友，怎會同你考慮咁多？當然係玩左先算啦！咁樣只代表佢轉數好快呢。

petunia

唉....靈糧，我真係無希望了....

我都有去in，但因為In的時間係原本佢午睡的時間，我個女勁無耐性，乜都聽唔入耳，仲訓左係地下度！係in咁多間幼稚園都試過的。

更可惜的，係bb排最後，校長一個問成三四分鐘，等到我都已經係半個鐘之後的事。我個女訓地、周圍跑，情緒最差的懷習慣通通出爐。

最關鍵時刻，真係輪到佢見校長，我個女....正見都無望過校長，就直接揭後面果堆書。(我個女平時都超鐘意睇書)。

見到咁的情況，我只能不抱任何希望。

只是，我又不會覺得女兒做錯了甚麼。我有個懂得「睇書更有趣」的女兒，還有甚麼好埋怨的？

我的女兒，一早in 完sat cat，等了一個早上，同時錯失了午睡時間，就跑到靈糧堂in兩個鐘，佢只是訓在地上，周圍跑，沒有猛哭也沒有做出更破壞的行為，我不是應該很驕傲她脾氣很好嗎？

jenniferzhu

我都想知，仲想知最早幾時可以知道收唔收囡囡呀。

原帖由 PeonyComing 於 10-11-7 22:37 發表
咁請問有冇人知個評分標準呢?

PeonyComing

咁請問有冇人知個評分標準呢?

jenniferzhu

咦，照你咁计，我囡囡到下年K1九月入学时又真系3岁1个月大WO。
不过IN时囡囡表现唔好，恐怕学校唔收囡囡呀。

原帖由 greenshoot 於 10-11-6 23:35 發表
我個女3.7分, 我估意思係佢入k1時會3年零7個月大, 你地會唔會都係咁解? 無理由大大個分俾我地睇到架嘛. 唔使擔心!

monmonbe

咁幾時會通知呀？

MC-煎

學校無我想像中咁好！（可能太亂， 影響我既第一印象）
我同小朋友都不太喜歡！

肥梅

想問大家,有無睇--------- 談幼稚園 » 九龍城靈糧堂13號知收唔收

肥梅

梗應該係啦

肥梅

今日真係好多人喔

greenshoot

我個3.7, 因我個大你一個月. 不過我諗個數字係一個資料, 唔係分數. 如果唔係, 咪即係越大越高分? 我諗係睇埋其他野架.

原帖由 肥梅 於 10-11-6 23:54 發表
係呀係呀,你都係?

[ 本帖最後由 greenshoot 於 10-11-6 23:57 編輯 ]