有無人收到馬鞍山靈糧同合一堂録取通知？

titanlow

請問你地d小朋友幾大? 我個0810細女唔知有冇份呢....個日佢表現好好呀, 希望有份啦....我幫佢揀pm class...

titanlow

我揀合一堂, 近d
靈糧唔會收我個女...因為佢全程無反應, 佢唔鍾意間學校, 最好笑, 問佢鍾意邊間, 佢話有樓梯個間, 佢...可能係鍾意樓梯而已...

titanlow

我有舊同事係靈糧教過, 主要都係喜歡收叻仔叻女, 同埋...唔收煩o既家長喎, 因為有d家長係interview係咁問多問短, 個d一定唔會揀....佢地鍾意d細路活潑同會講野, 所以最後肯唔肯同校長講野都係關鍵..我個女....同校長話'唔bye bye' ...個刻眼瞓, 唔肯合作了...呵呵

titanlow

合一堂都收o左我囡讀下午班呀, 好野, 唔駛再等! 連美善幼稚園的面試都唔駛去了...yeah!

titanlow

我唔喜歡靈糧喎, 一來地點較煩...一定要搭校車, 讀合一堂就坐村巴到(我住翠擁), 二來, 靈糧係自理同品德方面的培育無合一堂咁好, 加上亞囡的反應話我知佢喜歡合一堂, 咁就無謂自尋煩惱啦! 不過, 我舊同事個仔係靈糧就好鍾意返學o既, 所以, 我相信靈糧都係好學校, 只不過每個家長所重視的唔同o者, 我當初都係唔知報咩好就報埋靈糧, 加上....我根本唔覺得靈糧會收佢...呵呵呵

titanlow

靈糧同合一堂都係分批發信, 應該係第一批有人無交留位費, 咪通知排第2批囉, 直到交晒了, 咪發信通知唔收囉....

我都無收到靈糧o既email, 不過決定了合一堂, 收唔收都無所謂啦!

我覺得大家要調校一下心態, 讀得學券, 間間程度唔會差太遠, 要深, 就去綠茵呀, 威寶個d, 以九龍塘o既幼稚園水平為藍本, 否則, 一般幼稚園都係咁上下, 我自己反而睇小朋友是否喜歡, 家長重視o既係咩 (當然唔係講學術啦, 好似靈糧講創意, 合一堂講自理和品格).  好多人怕上小學跟唔到, 老實講呀, 讀完靈糧幼稚園上靈糧小學係比死更難受, 不過, 大把人係咁, 最後小朋友都係pick up到, 係開頭辛苦d, 咁決定得俾佢愉快學習3年, 家長咪自己做d 功夫, 好似k3時自己俾d 字佢寫, 同佢玩下默書, 教佢串下英文字, 睇多d故事書囉...現在k1都未讀, 就擔心定p1唔適應? 慳番d精力吧....會死好多細胞o架...呵呵

titanlow

其實, 靈糧同合一堂都誤導了, 話最遲係12月中通知, 不過我估那一刻已經係收reject通知, 好似合一堂咁, 原本都話12月中有結果, 結果, 我11月17號已收到信, 20/11交埋留位費啦, 我估計, 係第一批正取交晒錢, 咁仲有位剩咪發信俾第2批, 又或者直接發reject信.  

我都未收到靈糧email o架, 不過一心讀合一堂, 先唔需要諗收唔收到....

好明白你地等緊o既心情...尤其係非常想入的話...

titanlow

其實我覺得係搵笨囉....你有咩理由要收o既仲咁慢慢出o者....合一堂連reject信都已發出了..有朋友都收到了....

titanlow

其實我覺得係搵笨囉....你有咩理由要收o既仲咁慢慢出o者....合一堂連reject信都已發出了..有朋友都收到了....

titanlow

原帖由 petunia 於 10-12-6 16:15 發表
點會搵你笨呢？人地作為學校，學額有限，第一輪啱心水的學生，就自然第一時間叫佢地交留位費啦。....咁....又有著你地一班大帝家長，in 左又唔讀，先俾個後補俾下一批學生。...

咁....一層一層咁推，到12月先收到email，都應該心照 ...

搵笨o既意思係佢地只係令d家長有個false hope, 其實早在11月出o既email, 已填滿所有學額, 而無交留位費o既先有餘額俾後補o既, 到12月先出o既已是無位, 但不斷跟家長說分批出, 令想入o既家長空等o者.  錦泰o既美善幼稚園, 27/11 in, 6/12已係網上公佈晒, 上午班waiting都有幾個batch, 咁樣d家長能有心理預備, 好似waiting list batch 3....根本已知唔需要有期望, 好過現在咁樣空等....我囡in沙田平安福音堂都係...一出result, 就知waiting排第9...咁就可以自己衡量一下點決定囉!
我唔駛等都覺得咁樣等好慘...更何況一心想入o既家長...

titanlow

我無揀waiting呀, 我囡會讀合一堂pm