培正幼稚園interview

siulili

培正一向都係話只比一位家長陪同上樓，我兩個仔女考時都係咁寫， 但佢會唔會切實執行， 又係另一回事， 阿女考果時， 只有我入左房陪女，老公要係走廊等，但我仔考果時， 阿女都同我一齊上去亦入埋房 （但實情係我女後來閃左出走廊同D唔使做INTERVIEW的老師傾計！）， 我問咗老師，如果唔得，叫家姐係操場等我（反正都係佢地頭，哈）老師話，唔怕， 家姐上埋去啦。

至於話喊就一定唔收， 又唔係喎， 係副校長親口同我講過， 佢地會收喊的小朋友， 我都識幾位小朋友係喊的都收左， 副校話，小朋友喊住都答到問題，咁老師一樣會照比分，只要小朋友答到問題， 就有機會被錄取。

雖然而家每隔幾星期就做一次評估， 但我從來無幫仔溫習過， 佢自已搞掂，以佢地而家的課程，只要小朋友唔係有咩學習障礙，我想都唔會有太大問題去做果D評估，唔使太擔心，培幼的課程唔可以用深來形容，坊間一般的幼稚園都有機會深過佢。

培幼教得淺係因為配合培小？ 呢個statement 都幾奇怪。 有邊間小學係會要求幼稚園教淺D來配合架？  我想應該係話因為有培小接收培幼D學生， 所以佢唔使谷得咁勁，可以慢慢嚟， 所以培幼的學生返學係返得好開心架。 我仔同女都好LIKE培幼，個女到而家都好MISS培幼的老師， 個仔就個個老師都錫佢， 個個老師都唔鬧人架。 但問題係，培幼早兩年開始普教中，咁培幼係無教普通話的，英文亦只教PHONICS，而培小的英文測考默在小一亦唔會少喎，咁小朋友如果只係返培幼而自已無出去惡補，咁升上小一就要用一段時間去適應架啦。

以上純粹個人意見。 可能有培幼家長會持不同意見。