金巴倫 vs Think (美孚) 邊間好D?

jaycee_mami

我去年有金巴倫, 約克和美孚朗思3個offers, 最後揀左朗思.  

金巴倫和朗思同樣係著重英文的幼稚園, 程度我覺得差唔多, 我去年亦有struggle邊間好.  美孚朗思k1每日都有40mins英文堂, 20mins 普通話, 而且設雙班主任制 (一中一英).  

和金巴倫最大的不同, 係美孚朗思k3只有普英班, 沒有廣東話.  如果你打算小一揀"普教中"的小學, 咁朗思可能適合D, 小朋友可以在k3有一年的適應期.  我自己就在k1-k2揀左粵英班 (這班每日有20mins普通話), 希望仔仔在頭兩年先講好母語, 以應付k3上學期進行的小學面試.  

另外, 大家成日以為THINK係純國際學校, 但我睇番小學派位 (學校網站有刊登), 大部份學生係考到直資和派去官校津校, 讀國際學校的反而佔少數.  

有些家長話書簿費貴, 但我仔仔讀左1年 (連埋n班), 學校無叫我地交其他雜費, 連每月的生日會和所有outings, 都唔駛額外俾錢.  我就寧願學校咁樣, 一次過收錢, 總好過分幾十次叫你俾, 等我容易D預算.