屋村學校+粵語父母=成世英文差?

kristinecheng

唔好傷心住先啦，世事無絕對既，我覺得教讓小朋友，學術既培養當然緊要，不過最重要係佢自己既上進心同自律性，冇呢兩樣，就算屋企幾有錢俾幾多資源佢都唔會成材。
以我自己為例，媽媽，唔識講英文，爸爸，係華僑，只識講國語，從小，自有媽媽教我（爸爸長年出差），我讀既幼稚園同小學，都係中文既，even中學係so-call英文中學，除咗上英文堂，全部係廣東話教授。我估自己都附合樓主講既背景。因為家窮，我讀到入u都未試過出去補咗習，在家，都唔慌會有咩english speaking environment，不過就因為家窮，堅企買唔起玩具俾我（當年興barbie/電子遊戲機），每次我扭玩具，媽媽就買一本兒童周刊/書黎安撫我，久而久之，培養了我的閱讀興趣，中文程度亦比同班的同學好（cert同a-level都係a）。媽媽亦好著重我既自學性，好細個小學時就自己做功課自己check功課自己溫書（用錄音機錄低自己把聲幫自己溫默書），所以我其他科既成績都唔錯，唯獨英文，就一般，cert既時候只有d，連自己都覺得好醜。不過一時英文唔好，唔代表一直唔好，a-level時我已追上c，u時入了別人所說既professional學科。不過oral english一直係我自卑既一環，見工時甚至有agent講我英文講得唔好冇自信，但自小媽媽幫我播下既種子（學習精神）令我唔放棄，大學畢業後我入了行入top4其中一間國際公司，之後幾連做嘢，都係外資公司，越向上爬，越要運用英文既oral同writing（老細同事都係外國人），我自問宜家既英文oral唔講得上native，不過個個星期同美國同事開conference call絕對溝通自如。
宜家為人母親，有能力當然俾最好既培養環境個囝，不過我永遠唔會忘記媽媽當年培養我讀書既興趣同自主性，先係最重要。各位媽咪，唔好內疚自己俾唔到物質上既培養，因為精神上既培養先係你小朋友一生受用，就好似我媽媽咁，佢花唔起錢俾我入名校俾我去外國讀書，不過我一生感激佢對我既教導~

原帖由 dandanmami 於 10-11-24 18:55 發表
好似好悲咁~
屋邨學校+粵語父母，難道唔可以有一個出類拔萃的孩子？

linushui

It is really encouraging. I always struggle for a good Eng / PHT environment for my boy. Sometimes
I may overlook other essential criteria in raising a child, acutally motivation and confidence is v. impt. in learning, no matter what.

Would you pls send a 多謝 to your mother who did raise a child as good as you?

靚媽媽店

曾經上廣州見客, 接待的女職員講得一口流利英語, 八掛問她哪裡學, 原來只是自學了幾年, 她本身只是鄉村出身, 所以自己有興趣, 乜都可學到, 所以家長只要努力培養子女對語言嘅興趣, 同出身無關係嘅!