問題學校開左名啦!

能得利

開左名都仲係咁靜既? 之前真道一出事就好多人群插架?! 名校真係唔同d

能得利

我覺得真係好好笑, 之前報紙話有直資炒股買樓起狗屋, 但只係講真道有買樓, 其他都未開名, 大家就已經將各項罪名都加在真道身上, 連佢收生好遲都無feedback+收$200報名費都係罪名, 俾人群插!!
我唔係真道家長, 小朋友6月見完佢之後就一路無消息, 但佢年年做法都係咁, 丙亦無用.
我都認為一間學校既教學比起行政係更重要, 但大家插人鬧人果陣, 有無諗過係咪事實, 係咪有理據呢?
呢度有人回應話, 如果校長咁有投資眼光, 都係好事, 結果呢....就俾人話die hard fans, 校長係小皇帝至高無上, 枉為教育工作者...等等等等....
好啦, 依家原來炒股者係大家都趨之若鶩既名校, 突然大家又好克制喎, 甚至自由講場果邊又有人再提, 識得投資係好事, 仲有人和議喎....雖然出事既係直資既中學, 私立既小學似乎無關, 但if出事又在真道身上, 大家一定會講句 "上樑不正下樑歪"!
開埋其他學校名之後, 亦無人出黎講過一句 "唔好意思之前插錯左", 只係由得個thread沉呀沉...
唔通, 係名校, 做錯野, 唔跟教育局指示用錢, 起狗屋...一切罪名都係唔緊要既, 因為佢既教學足以抵消所有做錯既事...  真道唔通就衰在係新校, 未有咩成就去抵消, 所以咩罪名都係抵打抵鬧?
上得呢度既都係為人父母, 大家都好俾心機好用心教自己子女, 但有無諗過, 家長本身既言行態度都會直接影響自己小朋友, 我自己都唔識教子女, 但我起碼知咩叫基本既尊重同應該有自己既判斷力.
如果未經證實既, 大家就自行炒作, 丙到想間學校死, 咁樣同D亂作野既八卦新聞記者有乜分別?
呢度雖然係公眾平台大家可以任講發表意見, 但唔代表可以不負責任地講乜都得.
我知我講既野好唔o岩聽, 但只係不吐不快, 希望各位曉得睇人錯處, 亦曉得睇返自身, 多謝!

[ 本帖最後由 能得利 於 10-11-24 10:47 編輯 ]

能得利

多謝, 已有滿意offer.
我知呢個thread都會好快沉沉沉, 忠言逆耳, 希望各位自重~

能得利

誰的分析/想法令人心寒, 相信不是單靠你可以判斷吧!
從來無人要混淆視聽, 似乎係你一廂情願既想法姐.
我無話真道買樓係正確, 真道事件亦不排除將來警方/廉署會介入。
同樣, 德望事件亦不排除將來警方/廉署會介入囉。
2008年向一間學校持有股權的公司貸款25.08萬元，借款公司至今年中仍欠學校20萬元。咁你知唔知呢20萬又去左邊呢? 我就唔知啦~可能學校當跌左卦?!
你有你既立場係好事, 但唔代表你講既一定正確, forum需要不同人的意見, 但不是任講不需負責, 亦不是你講的就一定o岩, 我同你都唔係審計署唔係教育局, 未知詳情就下定論實屬無謂, 希望閣下明白。
你其他既post我都有睇過, 亦唔想在此與你爭辯, 我亦不會再在此回應, 謝謝!

原帖由 Y2KChild 於 10-11-24 17:14 發表
看到那麽多父母是非不分、輕重不分、毫無分析思維能力，這樣態度仲俾d細路學左仲另人感到心寒啦!

*****************

其他直資學校之問題只涉及財政管理手法，暫時看不到有涉及私人利益，跟真道涉及用私人名義買樓及侵吞 ...

[ 本帖最後由 能得利 於 10-11-24 17:52 編輯 ]