2007年細B repeat K1既家長請俾D意見

minico

唔記得講，我都打算會俾阿仔repeat k1，因為佢development真係比其他人差d。。。就咁谷佢上去，到考p時都唔係好事！

lilian926

My son was born on Dec 2007 and I am thinking to let him to be a big son.  However, I have talked to the few kindergarten teachers... they all suggested me to repeat K3 rather than K1... I am still struggling... any other comments?

蕃薯仔媽媽

我都知老師們都係話REPEAT K2/K3 最好，但係我估所有熱門嘅幼稚園，D位咁矜貴，有位都留返比人插班掛？都唔會隨便比小朋友repeat架嘩？

rabbithung

我的女兒是0812尾，覺得今年幫她找學校時，她完全沒有競爭力。幫她報名只是想有經驗，下年再試。

我只是擔心，如果做細B，三年後上小學，相對大B，她又沒有優勢，又擔心學校不會考慮這些細細B。所以我會repeat k1.

我的女兒上PLAYGROUP的老師，鼓勵我讓女兒repeat k3，她說對銜接小學有好多好處，但我不知道究竟是否可以找到學校repeat k3.

蕃薯仔媽媽

問題就係呢度，而家撲個K1位，個個媽咪都變晒傻婆咁，到時好揾唔到好學校offer K3位，局住上P1點算？

stinkyrabbit111

我囡囡都係0712, 會比佢下年repeat k1, 其實囡囡的老師都話佢細女黎講進度好好, 不過我地想佢入一間好d的學校, 所以都會比佢repeat...

不過大家要有心理準備, 做大囡, interview時d 老師對佢地expectation真係高d...所以唔好諗住apply時一定有優勢..

cookiegg

我有個朋友,佢果女都係今年REPEAT K3,以大女再考多一次小一,有好多OFFER,而佢REPEAT時,係由HKPS轉去LH,我估轉校都要睇你邊間幼稚園.

我女07年尾,今年如好彩有一條龍REPEAT K1就一定轉,5想3年後又黎過爭小一

蕃薯仔媽媽

Agree,阿女今年in 聖嘉勒，老師問佢D嘢真係好深，兩幅圖畫找不同！！叫佢自己揭圖書講內容！！但係老師又好appreciate 我比佢做大女喎…end up,收佢

choyauma

如有一條龍收K1，我諗會repeat。宜家競爭大，聽講有D KG見小朋友追唔上，就會叫家長努力D，如果唔係就勸你自動退學，始終大B惦差都唔會第尾掛

lilian926

係啦.....我都想問求位信應該幾時寫!!!

wanwan_ma

我個囡係2007年11月尾細b，掙扎左好耐，直至今天，我仲煩緊佢應唔應該比佢repeat k1。原因是：
1. 即使直升k2，程度應追得上
2. 佢依家身高約103cm，如做大b，會高過其他小朋友
3. SC (英普班) 收佢讀k1，但該校同時亦有收2008年11或12月細b，變相大人一年
4. k1程度淺，對佢黎講可能冇咩野學，除左語言外
仲有3個星期就開學啦，相信最終會比佢repeat k1。原因主要是想佢係一個新環境，建立自信心，以及考p1時，可以有多d選擇。
我希望佢讀私校或直資學校，相信做大b應該機會大d。
不過，又怕佢長大後，問我為何她與其他小朋友的出生年份不一樣

YuFamily

My girls are born in Dec 07.  I am also confused.  Is it better to repeat P1 instead of K1? Any advise?

DaisyDaisy

我都諗咗好耐，最後都係決定一動不如一靜，唔轉了。或者k3再嚟過。

原帖由 wanwan_ma 於 11-8-4 21:18 發表
我個囡係2007年11月尾細b，掙扎左好耐，直至今天，我仲煩緊佢應唔應該比佢repeat k1。原因是：
1. 即使直升k2，程度應追得上
2. 佢依家身高約103cm，如做大b，會高過其他小朋友
3. SC (英普班) 收佢讀k1，但該校同時亦有收2008年11或 ...

cccbaby

其實咁細個就repeat，會唔會對小朋友心理有影響？見到同班同學升k2，自己重讀k1，又再學一樣課程。都幾慘。所謂己所不欲，勿施於人。我唸你的選擇係正確。

luilui007

今時今日, 重讀好似成為家長安排小朋友考名校的輔助因素, 以前, 重讀只是為一般程度追不上的小朋友罷予. 可能有部份家長認為重讀生會比其他小朋友優勝些, 但只是他們年齡比其他小朋友大, 如小朋友的年齡一樣的話, 相信大家的程度亦不會相差太多.
而相信該批重讀的家長都唔會承認小朋友比人差所以去重讀, 相反好多家長相信小朋友比其他人優勝或重讀後比其他人優勝, 真可惜班小朋友不能與其他同年紀的人互相學習, 相處溝通, 一起進步, 只為了其父母滿足自己的個人喜好而加予小朋友的身上, 起初相信其父母都好滿意看見小朋友比其他人優勝, 但數年後發現原來這批小朋友的進度都差不多...

stinkyrabbit111

我係一個0712月尾的家長, 可能有d家長係好似luilui007的講法, 要入名校, 要子女比人優勝...不過我的出發點係想小朋友入一d有小學, 中學backup的kg(可能就係人心目中的名校), 不想小朋友到了真係有意識的時候, 去考小學, 年紀小小要面對rejection, 的父母的失望(除非自己可以control得好好..) 也不想自己好似tv上每年小學放榜的家長..

自問不相信 hk 的 p1 allocation method, it is extremely stupid..我諗一個關心小朋友前途的家長, 都唔會solely rely on 呢個method, 有能力的都去考直資...

至於呢d有小學, 中學backup的kg, 係唔多喜歡收細b, 呢個係事實(even shck收得多d, 不過對我呢個12月尾囡囡的家長, 第一年考的時候, 佢地都係叫我下年再來) 成個game係咁, 個interviewgame我地玩咗2年了,一家都好tired, 作為現任香港家長的我都深感無奈...

不過不要以為做大女有好大advantage, 也不是有很多成功的example...只是由0 chance變有d chance...所以可以choose, 年頭出世的好, 一take過, 無後顧之憂..

所以my advice is, 如果考上了有backup 的kg的細b, yes, go ahead repeat....otherwise, rely on your instinct as a parent, if can catch up, do not blindly repeat AT THIS STAGE....

anteater

做女仔仲要大人一年....到第時大過左就知唔係好事了

Abbylee12

我同意stinkyrabbit111的意見，我細仔係12月细细B,我都想個仔快快去返學，今時今日香港教育係唔會收10月後D細仔，細b有學校收亦不是一見好事，年頭同年尾仔比，係差不多大一年，細仔係k1到學習上和自理能力比大哥哥底很多，會大大打擊小朋友自信心，小朋友唔會明白同班同學比自己相差一年，點解人哋做到老師讚叻，而自己做不到感到不安，沒有自信心返學。
我們做父母不是為了滿足自己的個人喜好，而將小朋友重讀考入名校。
我們是為了加強小朋友在學習中建立自信心，愉快開心地學習。
你地知唔知1月1日已係新學年，我們12月出世小朋友重讀都只係大人幾曰，不重讀是細一年，唔好講到小朋友大咗知自己遲人一年讀書係一件唔好的事情！

evacalbee

人人睇法唔同既，當年我都有諗過比仔仔做大仔，好彩後來無，今年升小一了。

之後女女又係十月尾細女，我反而鐘意佢嚮學校跟住大哥哥大姐姐（一月出世果d）學野仲快d。仲有心學野，要好似人咁叻。反正無名次，幼稚園傻更更d又多哥哥姐姐照顧，不知幾好。

講真，阿仔幼稚園果班都有好幾個大仔，正正大我仔仔一年，我同老公都有覺得佢老積過人，考小學又真係唔見得勁左。我覺得佢嘥左，因為佢大過人，我地覺得佢應該勁d，點知唔係，感覺唔係太好。

我好衰，我記得當年讀中學都有同班同學大一年，我個心係諗，『下!? 咁老架喇』，又會諗佢係咪讀書唔得而repeat。不過可能而家呢個年代係common d。

當年人人都叫我比仔仔做大仔，好似『好應該要，點解唔做？做左好好喎。』。我覺得唔需要，尤其係K1，無實質野學，情願到K3真係考得唔好先repeat，K3學野深d，可以打好小一基礎之餘，又有考小學經驗，考多一年一定會好d。

然後，大家可以去教育局website睇下，通常K3都係少人過K1K2。我估因為幼稚園要錢，考小一又只係睇K1K2成績表，又有好多人考到小學就quit左算，所以唔洗担心K3會無位。

我同意除非入到一條龍名校，先值得repeat！