KTS Vs APS

蕉媽

希望按我所知的解答到你些少問題。
而APS說要學兩種樂器,是否都需指定在學校內學呢? 而且是否當課外活動呢?
其實學校只係要求學一種樂器(管弦樂), 並不是兩種。只不過鋼琴是不計的, 所以你可以選擇唔學鋼琴, 學管弦其中一種。
學樂器並不是課外活動 (當然入學校樂團就可以算是課外活動一種), 而是音樂課的考核內容之一, 其實亦有學生選擇唔學樂器, 而改為「唱歌」。不過, 到2年班後, 音樂堂會按小朋友所學的樂器分開不同team，所以上堂都會教及練習所學的樂器(當然呢d唔駛額外收費喇), 若小朋友真係要學一種樂器, 這些練習對小朋友學習而言, 無異是很好的。

又聽聞APS都幾多專題projects要做(其實要父母做),但要小朋友出來向全班做presentation的,是嗎?
基本上每年有２個專題projects，一個學期係常識，一個學期係science，這２個projects都係要做一個最後的presentation的。
另外，體育及音樂都有report要交，但唔駛present，體育就係要睇一場賽事（現場或電視睇都得）。音樂就是要去欣賞一次音樂會。
是否家長做，見仁見智喇，咁上網搵料ｄｄ野，一定係家長搵，但要找甚麼及寫甚麼，則可由小朋友自行決定。