剛１歲證實發展遲緩（6歲放棄主流，入讀體障）

urme1997

各位媽咪 & 小朋友

今日囡囡正式返幼稚園第一天, 終於告別 S位勒, 一切都算順利, 我祝各位小朋友學業進步、身體健康 ^^

波蘿包1

原帖由 urme1997 於 11-9-1 14:47 發表
各位媽咪 & 小朋友

今日囡囡正式返幼稚園第一天, 終於告別 S位勒, 一切都算順利, 我祝各位小朋友學業進步、身體健康 ^^

你囡囡讀左幾耐s位可以反主流

urme1997

原帖由 波蘿包1 於 11-9-1 15:51 發表

你囡囡讀左幾耐s位可以反主流

我囡囡讀咗2年勒, 囡囡由2歲就開始讀

methy

原帖由 波蘿包1 於 11-8-31 14:33 發表

你阿仔識講野未??? 而家20個月媽媽都未識叫 其他人又比壓力我

都係mama,daddy,波波.車車,姐姐,哥哥.基本用語,暫時夠用，我無加強.我只想佢快d識行,佢越來越重,連企都未得，好唔方便。
識人d仔一係好早講野,一係遲d識講(2歲之後),之後把口唔停，如果佢明白你講咩,就唔使太擔心,睇下健康院有無建議?

原帖由 urme1997 於 11-9-1 14:47 發表
各位媽咪 & 小朋友

今日囡囡正式返幼稚園第一天, 終於告別 S位勒, 一切都算順利, 我祝各位小朋友學業進步、身體健康 ^^

好叻女呀~返幼稚園第一日有無喊呀?

methy

阿仔20個月,終於都"突然"識得由瞓轉坐，佢做到時自己都笑笑口拍哂手，下一組目標動作係屈腳起身,而唔係用上臂力拉自己起身,唔知又要幾耐先學識呢。

協康既playgroup終於都排到,上星期去參觀中心，雖然佢未識行，但智力唔覺有問題,so導師編阿仔入正常組，話對佢身心發展好d,9月中開始。

urme1997

原帖由 methy 於 11-9-5 07:33 發表

都係mama,daddy,波波.車車,姐姐,哥哥.基本用語,暫時夠用，我無加強.我只想佢快d識行,佢越來越重,連企都未得，好唔方便。
識人d仔一係好早講野,一係遲d識講(2歲之後),之後把口唔停，如果佢明白你講咩,就唔使太擔心,睇下健 ...

methy
囡囡返咗2年學, 都已經習慣咗, 所以無喊 ^^

波蘿包1

原帖由 urme1997 於 11-9-1 16:33 發表


我囡囡讀咗2年勒, 囡囡由2歲就開始讀

咁我阿仔有機會就快到佢上堂
你講ge係s位幼兒園/早期訓練
我個仔都上緊堂希望早d追得反

波蘿包1

原帖由 methy 於 11-9-5 08:20 發表
阿仔20個月,終於都"突然"識得由瞓轉坐，佢做到時自己都笑笑口拍哂手，下一組目標動作係屈腳起身,而唔係用上臂力拉自己起身,唔知又要幾耐先學識呢。

協康既playgroup終於都排到,上星期去參觀中心，雖然佢未識行，但智力唔覺 ...

我地個b好似係各取所需.. 你講ge動作係咪由坐地自己起身?? 呢個動作其實都幾難 要好大腰力,我阿仔識行先識自己企反起身 佢而家都好鬼懶行一陣又喊哂
你講ge協康我都想join 不過真係太遠唔方便 仲有 n班我問過教幼稚園老師佢話學自理能力多 所以都無再諗報n喇

urme1997

原帖由 波蘿包1 於 11-9-6 15:35 發表

咁我阿仔有機會就快到佢上堂
你講ge係s位幼兒園/早期訓練
我個仔都上緊堂希望早d追得反

波蘿包
我囡囡由2歲開始讀s位, 讀咗2年, 今年出去讀普通幼稚園, 政府派咗e位比我, 所以有時放學之後,就要去中心做訓練, 你囝囝讀s位呀? 祝你囝囝早日追得反 , 加油 !

波蘿包1

e位係咪一星期反一天??
我阿仔一星期反4日堂 好忙..

urme1997

原帖由 波蘿包1 於 11-9-7 16:03 發表
e位係咪一星期反一天??
我阿仔一星期反4日堂 好忙..

都唔一定架, 我囡囡每星期都要上pst堂, st & ot 都係一個月一次, pt 1個月2次, 再架st小組一個月2次, pst小組就未知,所以一個星期平均上3日堂左右

rm_hk2001

原帖由 methy 於 11-1-4 13:10 發表


你地明白，就知道早面對既好處，其他朋友只叫我等.等阿仔"叮"一聲就會自己識，我都想係咁就好囉。

聽完你咁講,等我再帶多d阿仔去多d公園先~

千其唔好等, 我個女係大小肌肉遲緩, 18個月都未可以自己行, 啲人話小朋友行路有快有慢叫我唔使擔心, 但係媽媽會知道小朋友係咪有啲野遲左呢,  既然有人話左你知就做啲野幫下自己個小朋友, 唔好浪費時間. 姑娘同醫生都話遲6個月之內都係可以接受, 叫正常, 所以我女既治療好疏, 我之前同佢上啲感統PLAYGROUP, 都OK架, 但就無可能進步得好快, 遲啲見學校我都唔知點算, over18個月未識行有無人收呢

rm_hk2001

你可以試下一啲感覺統合既playgroup, 你bb仲細, 可能接觸多啲其他bb會進步得快啲, 私個女都係未排到物理治療就先玩個感統playgroup, 都進步好多

kawai111

HI大家好...第一次入呢到...我阿女未出世時已經照到有腦出血,之後出左世1個月因腦壓超高而做左個腦部小手術...但係我地果時唔知..因為係第1個bb,結果做手術果時可能已經遲左幾日...可能因為咁樣而影響到阿女既發展,所以做完手術之後醫院就已經一路返去覆診,排物理治療.腦科,兒科,眼科,我果時成日喊,成日問個天點解會係我個女,因為無諗過,連醫生都唔知點解會未出世就有腦出血,但係阿女好叻,佢一開始發展其實同正常bb一樣..4,5個月可以唉住坐係到,6個月已經坐得好定,9個月識自己扶住野企,10,11個月可以拖住行,食野完全無問題,物理治療果到就由佢做完手術之後就開始有做..1個月1次,都係發覺佢左手左腳既筋緊過右手..咁姑娘都係教幫佢做下拉筋運動..俾佢多d用左手做野其他都無乜點教過,之後再排到職業治療...姑娘睇左之後話佢遲左幾個月.而醫生已經轉介我地去家庭社工果到排早期教育(6月報名)唔知等到幾時,智能測驗就今個月21號去...好緊張唔知會測d咩..因之前係醫院既綜合測試醫生話阿女17個月大就得13,4個月既發展...雖~唔算得上差好大..但係我相信每一位父母都好緊張自己仔女既問題,所以都有好多野想問下各位媽咪~~
-想請問咩係i.s.e位??
-同埋我個社工已經幫我交左表申請早期教育..使唔使打去催佢係等佢打黎??
-我有幫我女報n1..佢出年2月就2歲可做插班,但係到時點同早期教育分?
多謝各位解答

ik2006

我好明白你心情, 我相信這裡每一位媽媽, 當佢地聽到醫生話佢地小朋友有事果時, 都係經常以淚洗面的, 起碼我係其中一位, 不過哭過後, 冷靜落尼, 就知道只有積極既心態才可以幫到自己的小朋友, 加油!!! 回應一下你的問題: -

1)  S位=特殊幼兒中心學位(好似普遍幼兒中心咁返學, 每日有既定流程去做各種訓練); E位=早期教育及訓練中心學位(好似補習班咁, 上堂次數由中心安排); I位=幼稚園暨幼兒中心兼收計劃(主流幼稚園中有幾個此類學位, 定期有3T去跟進小朋友情況)
2)  當你見完CAC醫生後, 應該轉介去醫務社工同你小朋友排社署中央系統, 及解釋有關程序; 會面完畢, 應該有一張form比返你架, 會寫明你揀左邊間中心, 大約幾個星期後, 你會收到社署封信, 通知你小朋友申請編號, 如果你隔好耐都未收到, 可以打去搵返果位社工同你跟, 張form上面應該有佢名同電話的
3)  如果你小朋友被最錄N班, 你可以選擇比唔比小朋友讀, 當你派到E位/I位/S位, 再決定去向
希望以上資料幫你~ ^^

原帖由 kawai111 於 11-9-16 01:08 發表
HI大家好...第一次入呢到...我阿女未出世時已經照到有腦出血,之後出左世1個月因腦壓超高而做左個腦部小手術...但係我地果時唔知..因為係第1個bb,結果做手術果時可能已經遲左幾日...可能因為咁樣而影響到阿女既發展, ...

methy

排左心橋既言語治療服務，前一日通知，突然有位做評估。
１.開頭比一個類似煮食器皿，入面貼了火鍋食物．比ｄ可以”meet”既食物，引阿仔放入去，再教佢炒，再剷起食物上碟。阿仔未玩過，姑娘示範左佢都跟到。

２.之後比匙羹、叉＆碟，要佢拎匙羹　or叉比姑娘，佢認到匙羹，好快都識比．叉少見ｄ，要提示先比到。再黎係用刀切食物，示範佢睇都照做，目的係睇下佢工具的認知＆運用。

3. 之後姑娘拎佢一套既評估玩具出黎，等佢自己玩．睇佢既聯想能力

1.公仔、梳、匙：阿仔都識拎梳同公仔梳頭，再梳自己，之後拎起匙羹餵公仔食野

2.木枱、木椅、碟、公仔：阿仔見到張椅，好開心咁敲，之後都識將碟放上枱。但唔識將公仔放木椅上，扮食野。

3.車、公仔：一見到車就最開心，推住玩，要提示邊個搓車，先將公仔放入架車入面
4.小童床、枕頭、被、公仔：阿仔見到長方型既枕頭，開心咁拎起玩．呢套玩具佢聯想唔到，係要將公仔放上床　＆幫佢蓋被．．

治療師建議同佢玩多ｄ呢類遊戲．過程可以學多ｄ物件名稱．工具運用，只係比架車佢推黎推好學唔到野。
結果係：專注能力良好，１０個字時間可以坐定定
　　　　目光接觸＆溝通意願良好
             物件概念＆模仿能力一般
             最差係玩玩具技巧
語言理解要加強簡單詞彙、配對，學多ｄ手勢表達，除左手指指，要學伸手表示要物件、學有ｏｒ無、係唔係等理解問題
學講野之前，要識多ｄ物件先有能力表達．如果唔係就好似我地學外語咁，聽左ｄ發音．但唔知係咩，自然就唔會講。

建議參加小組、言語治療訓練，都會繼續排服務。

methy

幾日前覆診了遺傳科，醫生問下懷孕次數、同阿仔影張相，做下簡單檢查，望下阿仔個樣，話阿仔額頭突，即場再抽血驗基因病。

我話1歲時醫院都抽左好多,佢話佢地同醫院驗既野又唔同，問醫生驗左阿仔有野有咩跟進，佢話如果係"嗰種基因病"就要同我抽血，睇下我係咪帶有呢種病既基因，如果係,下一胎生仔就會好有大機會有問題。
報告要等4個月

methy

阿仔已經21個月了，10月開始,佢既生活日程更加豐富，不過佢全部都享受，當去玩。
星期一:上午playgroup;下午醫院OT
星期三:醫院PT
星期五:上門PST
星期六:推拿+心橋言語治療訓練
星期日:親子游水班

大肌:扶sofa、牆周屋走.四點爬已經好靘,不過慢d，雙手拖住，行得快.單手拖,可以行幾步，企可以維持數秒,推豬仔車,可以行下飢下控制架車。

小肌:進步左好多.醫院OT覺得問題唔大.係動作未夠fine,疊杯杯時疊高到第3隻時就會唔夠fine推倒哂

語言:根據上門pst講,以同齡男仔計.差不多,算好肯講野.係屋企食一餐飯.佢出聲既時間估左2/3,呢排最鐘意指住自己d身體位置,講:頭頭、眼脈、鼻鼻 & 叫媽媽叫到暈。

社交:由bb到現在都無問題.鐘意笑,同d大哥哥玩、主動揮手say hi &bye,飛吻.指住我地介紹daddy/mama比人識。

整體都追得頗理想.只欠自己行路, pt話腳力已夠,平衡差小小,2歲前應該自己放手行，扶住野行既階段唔知要維持幾耐呢?

阿仔.你快d識自己行喇~

methy

就黎23個月,開始想放手行.平衡未得,不過都可以唔扶住行一、兩步喇!

言語治療上左兩堂，治療師教認知多，可能上多幾堂唔再上，上playgroup既刺激仲自然過私人教,拎d疑似水果、肉片、菜,問阿仔係d咩,之後要佢用匙"筆",一d都唔真實。

不過都學到d skills，例如輪流玩玩具.阿仔要張開雙手,表示要架車,我推比佢，到我要時又張開手.等佢推架車比我，我玩緊時,要佢學等待學專注,要睇住我玩架車，呢d細微既野,唔學唔識。

ihpekkleduck

我仔26 months 都係講太空話, 終於排到心橋做評估, 想問下你覺得治療OK ?? 隔週一次會不會太耐??