轉載: 讓英皇書院負起縮班責任

uncleedward

原帖由 Sumyeema1 於 11-1-10 15:48 發表


Uncle,

啊，原來 judy 仲未俾錢你， 唔怪得。

可以考慮移民墨爾本， 維多利亞街o即 [勇記] Pho 可以同 [九記] 比美。

但麥奀雲吞，鏞記燒鵝，蘭芳園奶茶，北海道(澳洲牛奶的upmarket 版本)义燒雞湯意套餐，過少少我呢邊嘅皇后街街市曾記潮洲粿品，生記鹵水鵝......呢？單是中上環，就叫我已經唔敢多諗，驚搞到胃酸倒流。

Sumyeema1

原帖由 uncleedward 於 11-1-10 16:18 發表


但麥奀雲吞，鏞記燒鵝，蘭芳園奶茶，北海道(澳洲牛奶的upmarket 版本)义燒雞湯意套餐，過少少我呢邊嘅皇后街街市曾記潮洲粿品，生記鹵水鵝......呢？單是中上環，就叫我已經唔敢多諗，驚搞到胃酸倒流。 ...

Uncle,

你真系[米芝蓮]， 我（言念）你都系乖乖o地留系香港迎接[五十年不變]o即最后限期吧。

北海道(澳洲牛奶的upmarket 版本)義燒雞湯意套餐 --〉我好 out， 哩間系邊度？ 最近試過華富村[銀都]，d 沙爹牛通好得，e + 唔晒下下過海排隊等牛奶公司.

p.s. 希望 edea / 各位網友唔好介意我又離題。

edea

其實...我不停吞嚥緊口水...

麥奀雲吞, 九記咖喱牛腩伊麵, 北海道牛奶....全部都係我至愛...

因為某d原因, 我會經常經過上環永吉街, 入面有一間招牌寫住"麥奀雲吞"既雲吞鋪, 唔知係咪正店(中環果間好似先係正店), 但係水準唔錯, 我多數經過都忍唔住食飯前食一碗再返屋企食飯, 呃下我媽: "今日唔係太餓, 食少d"

judy

原帖由 uncleedward 於 11-1-10 16:18 發表
但麥奀雲吞，鏞記燒鵝，蘭芳園奶茶，北海道(澳洲牛奶的upmarket 版本)义燒雞湯意套餐，過少少我呢邊嘅皇后街街市曾記潮洲粿品，生記鹵水鵝......呢？單是中上環，就叫我已經唔敢多諗，驚搞到胃酸倒流。 ...

麥奀雲吞，中環先至係正店，但佢嘅分店水準不錯。先前提及的大利，也開了幾家分店，先前中環、紅湛都有分店，吃過水準一般，回总店再吃，也很失望，己好久未帮襯。

生記鹵水鵝，印象麻麻，反而在灣仔的鹵八，鵝肉鵝肝水準不錯。最近買了一百元一隻的大肝(獅頭鵝肝才15元隻)，走板娘話好食過法國鵝肝，可以一試。對面之潮宛牛肉餅，好食。

流ing口水。

judy

p.s. 希望 edea / 各位網友唔好介意我又離題。

講開食，阿媽都唔認得矣，點会理edea 、 網友介唔介意呢？

Sumyeema1

講開食，阿媽都唔認得矣，點会理edea 、 網友介唔介意呢？

我驚各位網友以為系講英皇， 仲有4頁紙， 入到來先知...如果肚餓， 仲衰。

uncleedward

原帖由 Sumyeema1 於 11-1-10 16:35 發表


Uncle,

你真系[米芝蓮]， 我（言念）你都系乖乖o地留系香港迎接[五十年不變]o即最后限期吧。

北海道(澳洲牛奶的upmarket 版本)義燒雞湯意套餐 --〉我好 out， 哩間系邊度？ 最近試過華富村[銀都]，d 沙爹牛通好得，e + 唔晒下 ...

食嘢係我第二個死穴。妻子要氹我開心要只要帶我去食嘢就可以了。我身形越嚟越似車呔人。

北海道牧場餐廳第一間在銅鑼灣新會道，google 一下就可找到。叉燒湯意比澳洲牛奶好，最初宣傳叉燒由再興交來，而家妻子話要比再興好。惟奶茶唔多掂，話用北海道牛奶又點？食完再係對面 Awfully Chocolate 買個餅返屋企就為之 very good 喇。分店開在中環威靈頓街黃枝記過幾個鋪位樓上。

銀都聽過，試過有個十歲肥仔向我極力推薦，佢仲成日點個消防督察老豆去度買嘢食俾佢，但因他住附近嘅薄扶林消防宿舍，加上「開飯」嘅相唔吸引，我冇為意有幾好。聽你講完，揾日試試。實在好難揾檔好嘅沙爹牛米。

Judy, 你係咪買生記嘅獅頭鵝？不能買普通鹵水鵝。有時喜歡一間店與否好睇第一次經驗，但當你試過生記獅頭鵝肉在口中融化時靈魂出竅之感，你就不會再去 stccmc 所說的陳勤記或花寃枉錢在「x興」。

麥奀當然要去威靈頓街的老店，分店或永吉街同名的都不如何洪記，池記再次之，麥文記只有油菜可取(但確是天下第一，新界揀手菜，永遠係落單先至淥。咪睇咁簡單，何洪記都做唔到)。講起天下第一，不由得想起以前渣甸坊的「有香豆腐」。

唔得唔得，若要跳出中上環，三日三夜講唔完。

edea

原帖由 uncleedward 於 11-1-10 21:37 發表


麥奀當然要去威靈頓街的老店，分店或永吉街同名的都不如何洪記，池記再次之，麥文記只有油菜可取(但確是天下第一，新界揀手菜，永遠係落單先至淥。咪睇咁簡單，何洪記都做唔到)。

哇....
講個祕密你地知. 我食麥奀時, 會連(九)王都食清光, 仲...忍唔住偷偷(畢)D麵湯飲. 最正係個湯底. 其次係麵質煙靭彈牙.

九記既咖喱牛腩麵, 必食兩碗先願意走.

香港既美食世上無雙, 每次出國回來必深深有此體會.

uncleedward

原帖由 edea 於 11-1-10 23:05 發表


哇....
講個祕密你地知. 我食麥奀時, 會連(九)王都食清光, 仲...忍唔住偷偷(畢)D麵湯飲. 最正係個湯底. 其次係麵質煙靭彈牙.

九記既咖喱牛腩麵, 必食兩碗先願意走.

你做嘅，作為好食之徒，只不過是標準動作，無分加。

在這些地方吃東西，無論是否基督徒，都應該食前謝飯。

edea, 講開又講，有網友告知我 Y2KChild 以前用過的網名，我看後嚇了一跳。我而家驚聽日訓醒，發覺原來 Y2KChild, judy, edea, MadonnaHK, uncleedward 原來全是同一人化身，都係約定老友曾繁光飲茶傾傾。

但BK真係要諗諗，犯規 post 若不能即刪，火就越燒越大，最後只有封户口收場。我也差點要自殺。

judy

發覺原來 Y2KChild, judy, edea, MadonnaHK, uncleedward 原來全是同一人化身，都係約定老友曾繁光飲茶傾傾。

edea是超級版主，Judy無腦級國民，身份低微。看來真要book曾繁光了。

edea

原帖由 uncleedward 於 11-1-11 00:37 發表


edea, 講開又講，有網友告知我 Y2KChild 以前用過的網名，我看後嚇了一跳。我而家驚聽日訓醒，發覺原來 Y2KChild, judy, edea, MadonnaHK, uncleedward 原來全是同一人化身，都係約定老友曾繁光飲茶傾傾。

但BK真係要諗諗，犯規 post 若不能即刪，火就越燒越大，最後只有封户口收場。我也差點要自殺。

Y君.....我只能無言以對, 眾多戶口, 但文風是改不了. 到每次必要封戶收場, 實惋惜不已.  

不過放心, 小妹同各位高人絕對唔係係同一人. 小妹只係聆聽各位高見, 從中學習學習.

上次討論封戶但內容是否屏蔽一事, 其實版主大多已支持可選擇是否需要屏蔽內容, 換而言之, 違規廣告需屏蔽, 但一般爭吵的文章不需屏蔽, 讓大家有知情權. 這個現在只等技術部支援, 看看技術方面能否做到.

說到犯規刪文, 一般來說版主盡量不想刪除, 因為將來可翻看紀錄, 一刪走就紀錄消失. 我有信心大家會節制到, 火未必會越燒越大, 理性的人面對不理性的回應, 試試用EQ戰勝, 一笑置之

edea

原帖由 judy 於 11-1-11 09:28 發表


edea是超級版主，Judy無腦級國民，身份低微。看來真要book曾繁光了。

唔好咁講, 我都總算係有自知之明既人, 好知道自己位置, 絕對係見識淺薄之人, 流連在此, 只係聆聽各方高人教益, 同埋盡棉力維持秩序. Judy高見小妹經常拜讀, 妳咁講真係令小妹無地自容.

當日大臣開會時講叫我地幾個"老版主"升格為"資深版主", 後來出街變成"超版版主", 我一直為"超級"二字汗顏不已. 無德無能做"超級", 資深二字比較好, 只要上bk耐左都係"資深", 即係"老"會員, 係同年紀掛勾, 但"超級"呢兩個字太霸氣, 如果可以的話, 我想叫資深版主會冇咁驚. 我會自量, 我絕對唔"超級". 笑大人個口.

judy

原帖由 wunma 於 11-1-11 11:46 發表
我也是貓托世, 喜歡魚到不得了,  我會把蒸魚後的魚水當海鮮湯飲. 好味!  

我喜歡食住家飯, 呀媽有味叫鹹魚蒸塘魚, 把一小片鹹魚放在一大塊魚腩上再用幾片水豆腐墊底一起蒸, 好吃之餘汁又好餸飯. 兩種截然不同的魚 ...

一貫阿媽教落，蒸魚的步驟都係將鱼擺在碟上，鋪上葱，加幾滴豉油、幾滴油。蒸好魚，碟底的汁才是精華。依家喲人蒸好魚，到掉汁，我百思不得其解。

前面提過鹵八老板娘話佢地嘅鹵水大肝好味過法國鵝肝，好多人都会一笑置之，我却認為有其道理。做法唔同，效果大不同：鹹香鹹香，試問誰吃過香過鹹魚嘅鱼？本地A貨鵝肝，經鹵水一鹵，好味過法國鵝肝未定呀。

uncleedward

原帖由 wunma 於 11-1-11 11:46 發表


我也是貓托世, 喜歡魚到不得了,  我會把蒸魚後的魚水當海鮮湯飲. 好味!  

我喜歡食住家飯, 呀媽有味叫鹹魚蒸塘魚, 把一小片鹹魚放在一大塊魚腩上再用幾片水豆腐墊底一起蒸, 好吃之餘汁又好餸飯. 兩種截然不同的魚 ...

此史稱「生死戀」，但妻子唔俾用鹹魚，只好用銀魚仔乾代替。

uncleedward

原帖由 judy 於 11-1-11 12:14 發表


前面提過鹵八老板娘話佢地嘅鹵水大肝好味過法國鵝肝，好多人都会一笑置之，我却認為有其道理。做法唔同，效果大不同：鹹香鹹香，試問誰吃過香過鹹魚嘅鱼？本地A貨鵝肝，經鹵水一鹵，好味過法國鵝肝未定呀。

呢兩日一定要冒死(俾人鬧死)試試。

judy

原帖由 uncleedward 於 11-1-11 13:51 發表 呢兩日一定要冒死(俾人鬧死)試試。

林行止話鵝肝有益健康。我聽佢話，吃了多次獅頭鵝肝，一副15元，又好好食。